جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ جانە ونى تىزگىندەۋ قىزمەتىنە قاتىستى زاڭ بىلىمدەرىنەن سۇراۋ – جاۋاپ (5)

  • كەلۋ قاينارى: ىلە گازەتى
  • 07:50:15 22/02/2020

  

    10. جۇقپالى اۋرۋ توسىن پايدا بولعاندا، تارالعاندا ءار دارەجەلى ۇكىمەتتەر قانداي ادامداردى، زاتتاردى جيناپ الۋ شاراسىن قولدانادى؟

    «جۇقپالى اۋرۋدان ساقتانۋ جانە ونى تىزگىندەۋ زاڭىنىڭ» 45 – تارماعىندا بىلاي دەپ بەلگىلەنگەن: جۇقپالى اۋرۋ توسىن پايدا بولعاندا، تارالعاندا جۇقپالى ىندەتتى تىزگىندەۋ قاجەتىنە ساي، مەملەكەتتىك كەڭەستىڭ بۇكىل ەل كولەمىندە نەمەسە ولكە، اۆتونوميالى رايون، توتە قاراستى قالا كولەمىندە؛ اۋدان دارەجەلىدەن جوعارى جەرگىلىكتى حالىق ۇكىمەتىنىڭ ءوزى اكىمشىلىك وڭىرىندەگى ادامداردى شۇعىل رەتتەۋ، زاپاس زاتتىق ماتەريالداردى سەپتەپ ىستەتۋ، ۇيلەردى، قاتىناس قۇرالدارىن جانە قاتىستى قۇرىلعىلاردى، جابدىقتاردى ۋاقىتشا پايدالانۋعا الۋ ۇقىعى بار.

    شۇعىل سەپتەگەن ادامدارعا بەلگىلەمە بويىنشا ۇيلەسىمدى ەڭبەكاقى بەرىلۋگە ءتيىس. ءۇيدى، قاتىناس – تاسىمال قۇرالدارىن جانە قاتىستى قۇرىلعىلاردى، جابدىقتاردى ۋاقىتشا پايدالانعاندا زاڭ بويىنشا تولىقتاما قاراجات بەرىلۋى ءتيىس؛ قايتارىپ بەرۋگە تيىستىلەرىن ۋاعىندا قايتارىپ بەرۋ كەرەك.

    «شۇعىل جاعدايعا توتەپ بەرۋ زاڭىنىڭ» 52 – تارماعىندا بىلاي دەپ بەلگىلەنگەن: ءبىرتۇتاس باسشىلىق ەتۋ بورىشىن ۇستىنە العان نەمەسە شۇعىل جاعدايدى ءبىرجاقتى ەتۋگە ۇيىمداستىراتىن حالىق ۇكىمەتى قاجەتتى كەزدە ورىنداردان جانە جەكەلەردەن شۇعىل جاعدايعا توتەپ بەرۋ، قۇتقارۋعا قاجەتتى جابدىقتاردى، قۇرىلعىلاردى، جەردى، قاتىناس قۇرالدارى مەن باسقا دا زاتتىق ماتەريالدى الۋىنا، باسقا دا جەرگىلىكتى حالىق ۇكىمەتىنەن ادام كۇشىمەن، زاتتىق كۇشپەن، قازىنالىق كۇشپەن جانە تەحنيكالىق كومەكپەن قامداۋعا ءوتىنىش ەتۋىنە، تۇرمىستىق قاجەتتى بۇيىمدار مەن شۇعىل قۇتقارۋعا پايدالاناتىن زاتتاردى وندىرەتىن جانە قامدايتىن كاسىپورىنداردى وندىرىسكە ۇيىمداستىرىپ، قامداۋعا كەپىلدىك ەتۋدى تالاپ ەتۋىنە، ەمدەۋ – دەنساۋلىق ساقتاۋ، قاتىناس سياقتى الەۋمەتتىك قىزمەت وتەيتىن ورىنداردى سايكەستى قىزمەت وتەۋگە ۇيىمداستىرۋدى تالاپ ەتۋىنە بولادى.

    ءبىرتۇتاس باسشىلىق ەتۋ بورىشىن ۇستىنە العان نەمەسە شۇعىل ۋاقيعانى ءبىرجاقتى ەتۋگە ۇيىمداستىرىپ وتىرعان حالىق ۇكىمەتى تاسىمال تيجاراتىمەن شۇعىلداناتىن ورىنداردى ۇيىمداستىرىپ، سايكەستىرىپ، شۇعىل جاعدايدى ءبىرجاقتى ەتۋگە قاجەتتى زاتتىق ماتەريالداردى، جابدىقتاردى، قۇرال – سايمانداردى، شۇعىل جاعدايعا توتەپ بەرۋ، قۇتقارۋ قىزمەتكەرلەرىن جانە توسىن تۋىلعان ۋاقيعادا قاتەردە قالعان ادامداردى ەڭ الدىمەن تاسيدى.

    11. جۇقپالى اۋرۋ سەبەبىن تەكسەرىپ انىقتاۋدا ەمدەۋ قۇرىلىمدارى قالاي ىستەسە بولادى؟

    «جۇقپالى اۋرۋدان ساقتانۋ جانە ونى تىزگىندەۋ زاڭىنىڭ» 46 – تارماعى 2 – تارماقشاسىندا بىلاي دەپ بەلگىلەنگەن: جۇقپالى اۋرۋ سەبەبىن تەكسەرىپ انىقتاۋدا ەمدەۋ قۇرىلىمدارى قاجەتتى كەزدە مەملەكەتتىك كەڭەس دەنساۋلىق ساقتاۋ اكىمشىلىك تاراۋلارىنىڭ بەلگىلەمەسى بويىنشا، جۇقپالى اۋرۋدان ولگەن ادامنىڭ مۇردەسىن نەمەسە جۇقپالى اۋرۋدان ولگەن دەپ كۇماندانعان ادامنىڭ مۇردەسىن بورشالاپ تەكسەرۋ جۇرگىزۋى ءارى مۇنى ولگەن ادامنىڭ وتباسىنداعىلارعا ايتۋى ءتيىس.

جاۋاپتى رەداكتور: گۇلدەن ماقسات قىزى