شي جينپيڭ امەريكا يوتا شتاتىنداعى باستاۋىش مەكتەپ وقۋشىلارىنا جاۋاپ حات قايتاردى

  • كەلۋ قاينارى: ىلە گازەتى
  • 07:28:04 26/02/2020

 

    شينحۋا اگەنتتىگىنىڭ 2 – ايدىڭ 22 – كۇنى بەيجيڭنەن بەرگەن حابارى. 2 – ايدىڭ 15 – كۇنى مەملەكەت ءتوراعاسى شي جينپيڭ امەريكا يوتا شتاتىنداعى كاسكاد باستاۋىش مەكتەبىنىڭ وقۋشىلارىنا شىن ىقىلاسپەن جاۋاپ حات قايتارىپ، ولاردى جۇڭگو ءتىل – جازۋىن ۇزدىكسىز قۇلشىنا ۇيرەنىپ، جۇڭگو مادەنيەتىن ءتۇسىنىپ، جۇڭگو – امەريكا ەكى ەل حالقىنىڭ دوستىعىن نىعايتۋ ءۇشىن ۇلەس قوسۋعا ىنتالاندىردى.

    كوكتەم مەرەكەسى قارساڭىندا، كاسكاد باستاۋىش مەكتەبىنىڭ ءتورتىنشى جىلدىعىنداعى 50 وقۋشى شي جينپيڭگە جۇڭگو ءتىل – جازۋىندا جاڭا جىل قۇتتىقتاۋ كارتوچكاسىن جازىپ، وزدەرىنىڭ جۇڭگو ءتىل – جازۋىن ۇيرەنۋ جاعدايىن جانە اۋەستەرىن تانىستىرىپ، جۇڭگونى جانە جۇڭگو مادەنيەتىن جاقسى كورەتىندىكتەرىن، وراي بولسا جۇڭگوعا ساپارلاي بارۋدى ءۇمىت ەتەتىندىكتەرىن ءبىلدىردى ءارى شي جينپيڭ اتايدىڭ جاڭا جىلىنىڭ قۇتتى بولۋىن تىلەدى.

    شي جينپيڭ جاۋاپ حاتىندا مىنالاردى ءبىلدىردى: جۇڭگو امەريكامەن ۇقساس ءىرى ەل. جۇڭگونىڭ 5 مىڭ نەشە جىلدىق وركەنيەت تاريحى بار. جۇڭگو حالقى امەريكا حالقىمەن ۇقساس مەيىرىمدى، قوناعۋار. حانزۋ ءتىلى دۇنيە جۇزىندە ءبىر ميللياردتان استام ادام قولداناتىن ءتىل، حانزۋ ءتىلىن ۇيرەنۋ ارقىلى سەندەر جۇڭگونىڭ تاريحىن، مادەنيەتىن اناعۇرلىم تەرەڭ تۇسىنە الاسىڭدار. سەندەردىڭ حانزۋشا ءارىپتى وسىنشاما جاقسى جازعاندارىڭدى، حانزۋشانى وسىنشاما جاقسى ۇيرەنگەندىكتەرىڭدى كورىپ قاباعات قۋاندىم. سەندەردىڭ ۇزدىكسىز قايراتتانىپ، اناعۇرلىم زور ىلگەرىلەۋشىلىككە قول جەتكىزىپ، جۇڭگو – امەريكا ەكى ەل حالقى دوستىعىنىڭ كىشكەنە ەلشىسى بولۋلارىڭىزدى ءۇمىت ەتەمىن.

    كاسكاد باستاۋىش مەكتەبى يوتا شتاتىنداعى ۇكىمەت يەلىگىندەگى مەكتەپ، 1967 – جىلى قۇرىلعان، شتاتتا جۇڭگو ءتىل – جازۋىنا قىزىعۋ نىسانىن ەڭ ەرتە ورىستەتكەن مەكتەپتەردىڭ ءبىرى، مەكتەپ وقۋشىلارىنىڭ جارىمىنان استامى وسى نىسانعا قاتىناسقان. يوتا شتاتىندا حانزۋ ءتىلىن ۇيرەنگەندەردىڭ سانى بۇكىل امەريكاداعى جالپى ساننىڭ بەستەن ءبىرىن ۇستايدى. بۇل شتاتتا جۇڭگو ءتىل – جازۋىنا قىزىعۋ نىسانى 2009 – جىلى باستالعان، قازىر جالپى 76 ورتا، باستاۋىش مەكتەپ بۇل نىساندى ورىستەتىپ وتىر.

جاۋاپتى رەداكتور: گۇلدەن ماقسات قىزى