جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ جانە ونى تىزگىندەۋ قىزمەتىنە قاتىستى بىلىمدەردەن سۇراۋ - جاۋاپ (7-6)

  • كەلۋ قاينارى: ىلە گازەتى
  • 07:29:56 26/02/2020

 

    14. ىندەتتەن ساقتانۋ جانە ونى تىزگىندەۋگە قاجەتتى اسپاپ، ءدارى - دارمەك سياقتى زاتتىق ماتەريالداردى ءوندىرۋ جانە قامداۋ قالاي قامتاماسىزداندىرىلادى؟

    «جۇقپالى اۋرۋدان ساقتانۋ جانە ونى تىزگىندەۋ زاڭىنىڭ» 49 -تارماعىندا بىلاي دەپ بەلگىلەنگەن: جۇقپالى اۋرۋ شۇعىل پايدا بولعان، تارالعان كەزدە ءدارى - دارمەك جانە ەمدەۋ اسپاپتارىن وندىرەتىن، قامدايتىن ورىندار جۇقپالى ىندەتتى ەمدەيتىن جانە تىزگىندەيتىن ءدارى – دارمەكتەر مەن ەمدەۋ اسپاپتارىن دەركەزىندە ءوندىرۋى جانە قامداۋعا كەپىلدىك ەتۋى كەرەك. تەمىرجول، قاتىناس - تاسىمال، حالىقتىق اۆياتسيا تيجارات ورىندارى جۇقپالى اۋرۋلاردى ءبىرجاقتى ەتەتىن ادامداردى جانە جۇقپالى ىندەتتى تىزگىندەيتىن، ەمدەيتىن ءدارى - دارمەكتەر مەن اسپاپتاردى، ءسوزسىز، الدىمەن جەتكىزۋى كەرەك. اۋدان دارەجەلىدەن جوعارى حالىق ۇكىمەتىنىڭ قاتىستى تاراۋلارى ۇيىمداستىرۋ، سايكەستىرۋ قىزمەتىن ويداعىداي ىستەۋى كەرەك.

    72-تارماقتا بىلاي دەپ بەلگىلەنگەن:تەمىر جول، قاتىناس - تاسىمالى، حالىقتىق اۆياتسيا تيجارات ورىندارى جۇقپالى اۋرۋلاردى ءبىرجاقتى ەتەتىن ادامداردى جانە جۇقپالى ىندەتتى تىزگىندەيتىن، ەمدەيتىن ءدارى - دارمەكتەر مەن ەمدەۋ اسپاپتارىن وسى زاڭداعى بەلگىلەمەلەر بويىنشا الدىمەن جەتكىزبەسە، قاتىستى تاراۋلار شەكتى مەرزىمدە تۇزەتۋگە بۇيىرادى، ەسكەرتۋ بەرەدى؛ اۋىر زارداپ تۋدىرعان ورىنداردىڭ جاۋاپكەرلىك ارقالاعان نەگىزگى جاۋاپتى قىزمەتكەرلەرىنە جانە باسقادا تىكە جاۋاپتى قىزمەتكەرلەرىنە، دارەجەسىن تومەندەتۋ، مىندەتىنەن قالدىرۋ، قىزمەتتەن ايداۋ جازاسى بەرىلەدى.

    «تەمىر جول زاڭىنىڭ» 15-تارماعىنىڭ 2 -تارماقشاسىندا بىلاي دەپ بەلگىلەنگەن: حاۋىپتەن اراشالاۋ، اپاتتان قۇتقارۋ زاتتىق ماتەريالدارى مەن مەملەكەت الدىمەن جەتكىزۋ قاجەت دەپ بەلگىلەگەن باسقا دا زاتتىق ماتەريالداردى الدىمەن جەتكىزۋ كەرەك.

    «مەملەكەتتىڭ ىشكى سۋ تاسىمالىن باسقارۋ ەرەجەسىنىڭ» 23 -تارماعىندا بىلاي دەپ بەلگىلەنگەن: سۋ جولى تاسىمالىمەن شۇعىلداناتىن ورىندار زاڭ، اكىمشىلىك زاڭ - ەرەجە جانە مەملەكەتتىڭ قاتىستى بەلگىلەمەلەرى بويىنشا توسىن ۋاقيعانى ءبىرجاقتى ەتۋگە قاجەتتى زاتتىق ماتەريالداردى، جابدىقتاردى، قۇرال - سايمانداردى، شۇعىل جاعدايعا توتەپ بەرىپ، قۇتقارۋعا كومەكتەسەتىن قىزمەتكەرلەر مەن توسىن ۋاقيعانىڭ قاتەرىنە ۇشىراعان ادامداردى الدىمەن تاسىپ جەتكىزىپ، شۇعىل، ماڭىزدى اسكەري ىستەر تاسىمالىنا ءتۇيىندى تۇردە كەپىلدىك ەتەدى. مەملەكەت جوسپارى مەن حالىق تۇرمىسىنا قاتىستى شۇعىل تاسىمال قاجەتى بولعاندا، مەملەكەتتىك كەڭەستىڭ قاتىناس - تاسىمالىن باسقارۋشى تاراۋلارى مەملەكەتتىك كەڭەستىڭ ورنالاستىرۋىنا ساي، سۋ جولى تاسىمالىمەن شۇعىلدانۋشى ورىننان شۇعىل قاجەتتى زاتتاردى الدىمەن تاسىپ جەتكىزۋدى تالاپ ەتۋىنە بولادى. سۋ جولى تاسىمالىمەن شۇعىلدانۋشى ورىن تالاپ بويىنشا دەركەزىندە تاسىمالداۋى قاجەت.

    15. جاڭا تيپتى ايدارشا ۆيرۋس وكپە قابىنۋى «كارانتيندەلەتىن جۇقپالى اۋرۋلار» رەتىندە باسقارۋعا ەنگىزىلدى، بۇل شەكارادان كىرىپ - شىعاتىندارعا نەگىزىنەن قاي جاقتاردان ىقپال ەتەدى؟

جاۋاپتى رەداكتور: گۇلدەن ماقسات قىزى