جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىنە قاتىستى بىلىمدەردەن سۇراۋ - جاۋاپتار (8)

  • كەلۋ قاينارى: ىلە گازەتى
  • 07:09:31 28/02/2020

  

    19. جاڭا تيپتى ايدارشا ۆيرۋس وكپە قابىنۋىن تاراتقاندار نەمەسە تاراتۋ اۋىر حاۋىپ - قاتەرىن تۋدىرعاندار قىلمىستىق ىستەر جاۋاپكەرلىگىن ارقالاۋى قاجەت پە؟

    «شەكارالىق گيگيەنالىق كارانتيندەۋ زاڭىنىڭ» 22 – تارماعىندا كورسەتىلۋىنشە: «وسى زاڭداعى بەلگىلەمەگە قايشىلىق جاساپ، كارانتيندەلەتىن جۇقپالى اۋرۋلاردىڭ تۋىلۋىنا سەبەپ بولعان نەمەسە كارانتيندەلەتىن جۇقپالى اۋرۋلاردى تاراتۋ اۋىر حاۋىپ – قاتەرىن تۋدىرعانداردىڭ، قىلمىستىق ىستەر زاڭىنىڭ قاتىستى بەلگىلەمەلەرى بويىنشا، قىلمىستىق ىستەر جاۋاپكەرلىگى قۋزاستىرىلادى» دەپ بەلگىلەنگەن.

    «قىلمىستىق ىستەر زاڭىنىڭ» 332 – تارماعىنداعى بەلگىلەمە بويىنشا: «مەملەكەتتىڭ شەكارالىق گيگيەنالىق كارانتيندەۋ بەلگىلەمەسىنە قايشىلىق جاساپ، كارانتيندەلەتىن جۇقپالى اۋرۋلاردىڭ تارالۋىنا سەبەپ بولعاندار نەمەسە اۋىر تاراتۋ حاۋىپ – قاتەرىن تۋدىرعاندارعا 3 جىلدان تومەن مەرزىمدى قاماق جازاسى نەمەسە قولدا ىستەتۋ جازاسى بەرىلەدى، بىرىكتىرىلىپ نەمەسە جەكەلەي ايىپ سالىنادى. الدىڭعى تارماقشاداعى قىلمىستاردى وتكىزگەن ورىندارعا اقشالاي ايىپ سالىنادى ءارى تىكە قاتىستى جاۋاپتى باسقارۋشى قىزمەتكەرلەرگە جانە باسقا دا تىكە جاۋاپتى قىزمەتكەرلەرگە، الدىڭعى تارماقشاداعى بەلگىلەمەلەر بويىنشا جازا بەرىلەدى» دەپ بەلگىلەنگەن.

    20. جابايى حايۋاناتتار تۋدىرۋى مۇمكىن بولعان حاۋىپ – قاتەردەن ساقتانۋ - تىزگىندەۋ جونىندە زاڭ، زاڭ – ەرەجەلەردە قانداي بەلگىلەمەلەر بار؟

    «جابايى حايۋاناتتاردى قورعاۋ زاڭىنىڭ» 18 – تارماعىندا بىلاي دەپ بەلگىلەنگەن: «قاتىستى جەرگىلىكتى حالىق ۇكىمەتى شارا قولدانىپ، جابايى حايۋاناتتاردىڭ تۋدىرۋى مۇمكىن بولعان حاۋىپ قاتەردەن ساقتانىپ جانە ونى تىزگىندەپ، ادامنىڭ، مالدىڭ حاۋىپسىزدىگى مەن اۋىل شارۋاشىلىعى، ورمان شارۋاشىلىعى وندىرىسىنە كەپىلدىك ەتۋ كەرەك».

    27 - تارماقتا بىلاي دەپ بەلگىلەنگەن: «مەملەكەت ءتۇيىندى قورعايتىن جابايى حايۋاناتتاردى جانە ودان جاسالعان ونىمدەردى ساتۋعا، ساتىپ الۋعا، پايدالانۋعا تيىم سالىنادى.

    عىلمي زەرتتەۋ، جاساندى جولمەن جەتىلدىرۋ، الەۋمەتتىك كورمەگە قويۋ، مادەني مۇرالاردى قورعاۋ نەمەسە باسقا دا ەرەكشە جاعدايلار سەبەبىمەن مەملەكەت ءتۇيىندى قورعايتىن حايۋاناتتاردى جانە ودان جاسالعان ونىمدەردى ساتۋعا، ساتىپ الۋعا، پايدالانۋعا تۋرا كەلسە، ولكەلىك، اۆتونوميالى رايوندىق، توتە قاراستى قالالىق حالىق ۇكىمەتتەرىنىڭ جابايى حايۋاناتتاردى قورعاۋدى باسقارۋ تاراۋلارىنىڭ بەكىتۋىنەن وتكىزۋ ءارى بەلگىلەمە بويىنشا ارناۋلى بەلگى الىپ جانە ودان پايدالانىپ، كەلۋ قاينارىن انىقتاۋعا كەپىلدىك ەتۋ كەرەك، ءبىراق، بەكىتكەن ورگان جونىندە مەملەكەتتىك كەڭەستىڭ ايىرىم بەلگىلەمەسى بارلار بۇعان كىرمەيدى.

جاۋاپتى رەداكتور: گۇلدەن ماقسات قىزى