ءسوزسىز جەڭىسكە جەتۋ سەنىمىن بەكەمدەپ، كەدەيلىكتەن ارىلتۋدان قامال الۋ شايقاسىندا باتىل جەڭىسكە قول جەتكىزەمىز

  • كەلۋ قاينارى: شينجياڭ گازەتى تورابى
  • 03:26:57 10/03/2020

    باس شۋجي شي جينپيڭنىڭ كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋ اڭگىمە ماجىلىسىندە سويلەگەن ماڭىزدى ءسوزى رايونىمىزداعى قالىڭ كادرلار مەن بۇقارانى جىگەرلەندىردى −

    گازەتىمىزدىڭ جالپىلىق اقپارات قۇرالدارى تىلشىلەرى

    

    ”2020 - جىلعا جەتكەندە قازىر اتقارىلىپ وتىرعان ولشەمنەن تومەنگى اۋىل - قىستاقتاعى كەدەي حالىقتى تۇگەلدەي كەدەيلىكتەن ارىلتۋ − پارتيا ورتالىق كوميتەتىنىڭ بۇكىل ەل حالقىنا بەرگەن ايبىندى ۋادەسى، ونى، ءسوز جوق، دەر كەزىندە جۇزەگە اسىرۋ كەرەك“. 3 - ايدىڭ 6 - كۇنى باس شۋجي شي جينپيڭ كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋ اڭگىمە ماجىلىسىندە سويلەگەن ماڭىزدى ءسوزى رايونىمىزداعى قالىڭ كادرلار مەن بۇقارانىڭ كەدەيلىكتەن ارىلتۋدان قامال الۋ شايقاسىندا جەڭىسكە جەتۋى ءۇشىن ارەكەت باعدارناماسىن ازىرلەدى. كوپشىلىك ءبىر اۋىزدان سوڭىنا تاياعان سايىن زەيىن - زەردەنى، كۇش - قۋاتتى ۇيىستىرىپ، ەڭ سوڭعى قيىن تۇيىندەردى شەشىپ، ىندەتتىڭ ىقپالىن باتىل جەڭىپ، كەدەيلىكتەن ارىلتۋدان قامال الۋ شايقاسىندا باتىل جەڭىسكە جەتەتىندىكتەرىن ءبىلدىردى.

    قاجىماي - تالماي كۇرەس جۇرگىزىپ، كەدەيلىكتەن ارىلتۋدان قامال الۋدا شەشۋشى سيپاتتى ىلگەرىلەۋشىلىكتەرگە قول جەتتى

    پارتيا 18 - قۇرىلتايىنان بەرى، پارتيا ورتالىق كوميتەتىنىڭ پارمەندى باسشىلىعىندا رايونىمىزدىڭ كەدەيلىكتەن ارىلتۋدان قامال الۋ قىزمەتى شەشۋشى سيپاتتى ىلگەرىلەۋشىلىكتەرگە قول جەتكىزدى. 2019 - جىلدان بەرى، رايونىمىز مولشەرمەن 645 مىڭ كەدەي حالىقتى كەدەيلىكتەن ارىلتىپ، 976 كەدەي قىستاقتى كەدەيلىك تىزىمدىگىنەن شىعارىپ، 12 كەدەي اۋداننىڭ كەدەيلىك قالپاعىن الدى، كەدەيلىكتىڭ تۋىلۋ سالىستىرماسى الدىڭعى جىلعى %6.1تەن %1.2كە ءتۇستى.

    ”اقسۋ ايماعى 2019 - جىلدىڭ سوڭىندا جالپى تۇلعالىق جاقتان كەدەيلىكتەن ارىلىپ، جۇڭگو كوممۋنيستىك پارتياسىنىڭ باسشىلىعى مەن ەلىمىز سوتسياليستىك ءتۇزىمىنىڭ ساياسي ابزالدىلىعىن ايگىلەدى“. اقسۋ ايماقتىق كەدەيلەردى سۇيەمەلدەۋ كەڭسەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرۋشى ليۋ گورۇڭ مىنالاردى ءبىلدىردى: ”بيىل اقسۋ ايماعى باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋ قىزمەتىن ويداعىداي ىستەۋمەن بىرگە، تاسىلگە بەلسەنە بۇرىلىس جاساپ، كەدەيلىكتەن ارىلتۋدان قامال الۋ قىزمەتىن ىلگەرىلەتىپ، كەدەيلىكتەن ارىلتۋدان قامال الۋدى قامتاماسىز ەتۋدى ۇزدىكسىز كۇشەيتىپ، كەدەيلىكتەن ارىلتۋ تابىستارىن بەكەمدەپ، جوعارىلاتىپ، ۇزدىكسىز ورنىقتى تۇردە كەدەيلىكتەن ارىلۋعا شىنايى كەپىلدىك ەتەدى“.

    ”باس شۋجيدىڭ ءسوزى كوڭىلىمدى كولدەي تولقىتتى، قازىر مەن سياقتى كەدەيلىكتەن ارىلعان جاستار بارعان سايىن كوبەيۋدە“. بيىل 34 جاستاعى الىم اتاوللا بىلتىر ايەلىمەن بىرگە مەكەنى ياركەن اۋدانى باشكەنت قالاشىعى حۇڭچي الەۋمەتتىك اۋماعىنان سانجى قالاسى مينچاڭ ونەركاسىپ باقشا رايونىنداعى شينجياڭ شياۋچۋ ازىق - تۇلىك شەكتى سەرىكتەستىگىنە كەلىپ جۇمىسقا ورنالاستى، ”قازىر مەن وسى قالانى ۇناتىپ قالدىم، سانجى قالاسىنان ءۇي ساتىپ الىپ، بالالارىمدى وسىندا وقىتسام دەيمىن“.

    بۇگىندەرى قاشقار، حوتان جانە قىزىلسۋ قىرعىز اۆتونوميالى وبلىسىنان كەلگەن 3547 كەدەي ەڭبەككۇش سانجى حۇيزۋ اۆتونوميالى وبلىسىنداعى ءارقايسى اۋدان، قالانىڭ باقشا رايونىنداعى 300 نەشە كاسىپورىندا جۇمىسقا ورنالاسىپ، ءبىر ادام جۇمىسقا ورنالاسسا، بۇكىل وتباسى كەدەيلىكتەن ارىلۋ نىساناسىن جۇزەگە اسىردى.

جاۋاپتى رەداكتور: جازيرا بولاتباي قىزى