كۇنەس اۋداندىق اۋىل – قىستاق امانات – قارىز بىرلەسپە كووپەراتيۆى 700 ميلليون يۋان قارىز اقشا تاراتىپ، كوكتەمگى ەگىس جۇمىسىنا دەم بەردى

  • كەلۋ قاينارى: ىلە گازەتى
  • 03:18:21 13/03/2020

    ءتىلشىمىز گو جۇن، ەرىكتى ءتىلشى تاڭ شياۋيىڭ حابارلايدى. 3 ـ ايدىڭ 2 ـ كۇنى كۇنەس اۋدانى نارات قالاشىعىنداعى اۋىل شارۋاشىلىق ٴوندىرىس قۇرال ـ جابدىقتارىن ساتاتىن ٴىرى وتباسى ۋاڭ جيانگۋاڭ قولفونىنا «96596» قىزمەت وتەۋ جۇيەسىنەن كەلگەن ٴبىر ميلليون يۋان قارجىنىڭ ەسەپكە قوندىرىلعاندىعى جونىندەگى كەلتە حات ەسكەرتپەسىن كورىپ قاباعات قۋاندى. 

    ۋاڭ جيانگۋاڭ نارات قالاشىعىنداعى كۇنەس اۋدانى حانشۋان اۋىل شارۋاشىلىق ٴوندىرىس قۇرال - جابدىقتارىن ساتۋ ورنىندا 10 جىل تيجاراتپەن شۇعىلدانعان، وسىدان بۇرىن كۇنەس اۋداندىق اۋىل - قىستاق امانات - قارىز بىرلەسپە كووپەراتيۆىنىڭ توراپتا كەلىسۋ تەكشەسىنە ٴبىر ميلليون يۋان قارىز اقشا الۋدى ٴوتىنىش ەتكەن. 3 – ايدىڭ 1 - كۇنى كۇنەس اۋداندىق اۋىل - قىستاق امانات - قارىز بىرلەسپە كووپەراتيۆىنىڭ قالاشىقتاعى تيجارات ءتۇيىنى قىزمەتكە شىققان ەكىنشى كۇنىندە - اق ۋاڭ جيانگۋاڭعا قارىز اقشا بەردى.

    قازىر كۇنەس اۋدانى كوكتەمگى ەگىس ماۋسىمى مەن مال تولدەتۋدىڭ قاۋىرت كەزەڭىنە ٴوتتى. كوكتەمگى ەگىن شارۋاشىلىعى ءوندىرىسىن قولداۋ ءۇشىن، 2019 - جىلى 10 - ايدا كۇنەس اۋداندىق امانات – قارىز بىرلەسپە كووپەراتيۆى نەگىزگى ساتىلارداعى تارماق قىزمەت وتەۋ تۇيىندەرىن شارۋالاردىڭ امانات - قارىز قارجى سۇرانىمىن تەكسەرۋ قىزمەتىنە ۇيىمداستىرىپ، اۋدان كولەمىندەگى كوكتەمگى ەگىن شارۋاشىلىق ءوندىرىس جاعدايى مەن اۋىل شارۋاشىلىق قۇرال - جابدىقتارىن ساقتاۋ جاعدايىنا تەكسەرۋ جۇرگىزىپ، باعىمشىلىقپەن شۇعىلداناتىن وتباسىلاردىڭ قىستا، كوكتەمدە ءتول الۋ، جەم - ءشوپ زاپاس ساقتاۋ، كوشى – قون جوسپارى سياقتى جاعدايلارىن جاپپاي تەكسەرىپ، «سۇرانىستى ەرتە تەكسەرۋ، سەنىمدىلىكتى ەرتە تۇراقتاندىرۋ، قارجىنى ەرتە دايىنداۋ، جوسپاردى ەرتە جاساۋ، قارىز اقشانى ەرتە تاراتۋ» تالابىن ورىندادى.

    3 – ايدىڭ 1 - كۇنى كۇنەس اۋداندىق امانات – قارىز بىرلەسپە كووپەراتيۆى 9 توراپ تۇيىنىندەگى 42 قىزمەتكەردى تارتىپپەن قايتا جۇمىس ىستەۋگە شۇعىل ۇيىمداستىردى. كوكتەمگى ەگىس ازىرلىگى قارجىسىن تەز ارادا شارۋالاردىڭ قولىنا تيگىزۋ ٴۇشىن، بۇل سەلبەستىك كووپەراتيۆى قارىز اقشا بەرۋ رەسمياتىن بارىنشا ىقشامداپ، تەكسەرىپ بەكىتۋ ٴتارتىبىن قىسقارتتى، بارلىق قارىز اقشانى جەلىدە تەز تەكسەرىپ بەكىتتى.

    2 – ايدىڭ سوڭىنا دەيىن كۇنەس اۋداندىق امانات - قارىز بىرلەسپە كووپەراتيۆىنىڭ قارىز اقشا قالدىعى 3 ميلليارد 622 ميلليون يۋان بولىپ، وتكەن جىلدىڭ ۇقساس مەزگىلىندەگىدەن 120 ميلليون يۋان ارتقان. مۇنىڭ ىشىندە ەگىنشىلەر ٴبىر ميلليارد 537 ميلليون يۋان قارىز اقشا الىپ، بۇدان 22 مىڭ 600 ەگىنشى وتباسى يگىلىكتەنگەن. كوكتەمگى ەگىس وندىرىسىنە جيىنى 732 ميلليون يۋان قارىز تاراتىلدى، مۇنىڭ ىشىندە ەگىس داقىلدارىن ەگۋگە 306 ميلليون يۋان، مال شارۋاشىلىعىنا، باعىمشىلىققا 426 ميلليون يۋان قارىز اقشا بەرىلدى. مەجەمەن سوڭعى مەزگىلدە تاعى 350 ميلليون يۋان قارجى قوسىلىپ، كوكتەمگى ەگىس ازىرلىگى قارىز اقشاسىن ء بىر ميلليارد 100 ميلليون يۋانعا جەتكىزۋگە كۇش سالىنباقشى.

جاۋاپتى رەداكتور: جازيرا بولاتباي قىزى