قۇلجا قالاسىندا 29 مىڭ 481 ساۋدا دۇكەنى تيجاراتتى قالپىنا كەلتىردى

  • كەلۋ قاينارى: ىلە گازەتى
  • 03:20:08 13/03/2020

    ٴتىلشىمىز لي يافىڭ حابارلايدى. ٴتۇرلى سالالاردىڭ جۇمىستى ـ ٴوندىرىستى ارت ـ ارتىنان قالپىنا كەلتىرۋىنە ىلەسە قۇلجا قالاسىنداعى ۇلكەن ساۋدا سارايلارى، دۇكەندەر ىندەتتەن ساقتانۋ العى شارتى استىندا جالپى بەتتىك تيجارات باستادى، تيجاراتى قالپىنا كەلگەن ساۋدا بازارلارى ىندەتتەن ساقتانۋ حاۋىپسىزدىگىنە قالاي كەپىلدىك ەتەدى؟ 3 ـ ايدىڭ 11 ـ كۇنى ٴتىلشى كوپتەگەن ساۋدا سارايىنا بارىپ ناق مايداندا تىلشىلىك ىستەدى.

    «سالەمەتسىزبە، ساپقا تۇرىڭىز ٴارى ارالىق ساقتاڭىز، دەنە تەمپەراتۋراسىن ولشەۋگە، دەزينفەكسيالاۋعا سايكەسىڭىز». سول كۇنى قۇلجا قالاسىنداعى جياشياڭحاۋ ەرەن بازارى شاندۇڭ جولىنداعى دۇكەنىنىڭ كىرە بەرىسىنەن ٴتىلشى زات العالى كەلگەن قالا تۇرعىندارىنىڭ ساپتا تۇرعانىن، ساۋدا سارايىنىڭ الدىنداعى اماندىق قورعاۋشىلاردىڭ قاربالاستىعىن، ەسىك الدىنداعى ٴۇن ساندىقتا ىندەتتەن ساقتانۋعا قاتىستى شاعىن بىلىمدەر قويىلىپ جاتقانىن، كوپتەگەن قىزمەتكەردىڭ ماسكا تاعىپ، ساۋدا سارايىنا كەلگەن الارمانداردىڭ دەنە تەمپەراتۋراسىن ولشەپ، قاتىستى ينفورماتسيالاردى ەستەلىككە الىپ جاتقانىن كوردى .

    جياشياڭحاۋ ەرەن بازارى شاندۇڭ جولىنداعى دۇكەننىڭ ورىنباسار ديرەكتورى ما شۋليان بىلاي دەدى: «ساۋدا سارايىمىزدىڭ تيجاراتى قالپىنا كەلدى، تيجارات ۋاقىتى 20:00 – 11:30 دەيىن. ساۋدا سارايىنا كىرگەن ـ شىققانداردى قاتاڭ باسقارۋ ٴۇشىن، قازىر تەك ٴتۇرلى بۇيىمدار رايونى مەن ەرەن بازار تيجاراتىن باستادىق. قىزمەتكەرلەر دۇكەنگە كىرگەن قاريدارلاردىڭ دەنە تەمپەراتۋراسىن تەكسەرىپ، ينفورماتسياسىن ەستەلىككە الادى، ماسكا تاقپاعان قاريدارلارعا سىپايىلىقپەن تويتارىس بەرەدى. 3 – ايدىڭ 10 ـ كۇنى تۇستەن كەيىن 4 ساعاتتان استام ۋاقىتتا 500 دەن استام ادام زات ساتىپ الدى. بۇگىن 1 ـ قاباتتاعى ٴتۇرلى بۇيىمدار رايونىنان 18 دۇكەننىڭ جۇمىسى قالپىنا كەلدى، 2 ـ قاباتتاعى اسحانا رايونى دا ىركەس ـ تىركەس جۇمىس باستاۋدا. قازىر ساتىلاتىن تاۋارلار ٴبىرشاما جەتەرلىك، تاۋارلار قوراپتاۋلى، مۇنداي بولعاندا قاريدارلاردىڭ كەز كەلگەن ۋاقىتتا الۋىنا قولايلى بولىپ، قاريدار مەن قىزمەتكەر اراسىنداعى، قاريدار مەن قاريدار اراسىنداعى جاناسۋ ازايادى».

    ٴتىلشى ساۋدا سارايىن اينالىپ كورىپ، ساۋدا سارايىنىڭ تازا دا رەتتىلىگىن، اۋادا دەزينفەكسيانىڭ بولىمسىز ٴيىسى بار ەكەنىن، بەزەنۋ بۇيىمدارى، اياق كيىم، باس كيىم، ەلەكتر اسپاپتارى، قوسىمشا ازىق - تۇلىك سياقتى تاۋارلاردىڭ قالىپتى ساتىلىپ جاتقانىن، ساتۋشىلاردىڭ ماسكا تاعىپ الارمانداردى ىقىلاسپەن قابىلداعانىن بايقادى.

    1 ـ قاباتتاعى ٴتۇرلى بۇيىمدار رايونىنىڭ ساۋداگەرى جاڭ لۇڭ: »تيجارات باستاۋدىڭ الدىندا دۇكەندەگى بارلىق تاۋاردى دەزينفەكسيالادىم، ٴوزىمنىڭ جانە بارلىق قاريدارلارىمنىڭ سالاماتتىعىنا كەپىلدىك ەتكەندە عانا قالىپتى، كوڭىلدى تيجارات جۇرگىزەمىن» دەدى.

    كەزەكتە قۇلجا قالاسىنداعى كوپتەگەن ساۋدا سارايى تيجارات جۇرگىزگەنىمەن، ىندەتتەن ساقتانۋ - تىزگىندەۋ قىزمەتى ءالى دە ەڭ ماڭىزدى ورىندا تۇر. جۇمىستى قالپىنا كەلتىرۋدە ساۋدا سارايىن الدىن الا دەزينفەكسيالاۋ، تازالاۋ قىزمەتىن جاقسى ىستەپ، دۇكەنگە كىرگەن الارمانداردىڭ دەنە تەمپەراتۋراسىن ولشەۋگە ارناۋلى قىزمەتكەر ورنالاستىرۋ كەرەك، ساۋدا سارايى قىزمەتكەرلەرى مەن الارماندار ماسكا تاققان سوڭ عانا ساۋدا سارايىنا كىرۋگە بولادى.

جاۋاپتى رەداكتور: جازيرا بولاتباي قىزى