ىلە وبلىسىنا توتە قاراستى ورىندار كوپ ءتۇرلى شارانى تەڭ اتقارىپ، مال شارۋاشىلىعى ءوندىرىسىن جەبەدى

  • كەلۋ قاينارى: ىلە گازەتى
  • 03:11:15 14/03/2020

 

    ٴتىلشىمىز دۋ لەي، ەرىكتى تىلشىلەر چين حايلان، لان جاڭلۋ حابارلايدى. «موڭعۇلكۇرە اۋدانىندا مالدى كوكتەۋلىككە جەتكىزۋ قىزمەتى ءتارتىپتى جۇرىلۋدە». «چاپچال سىبە اۆتونوميالى اۋدانى ىندەتتەن ساقتانۋ – تىزگىندەۋ مەن كوكتەمگى ءتول الۋ ءوندىرىسىن بىردەي مىقتى يگەرۋگە، ەكەۋىن دە اقساتپاۋعا كەپىلدىك ەتتى». «كۇيتۇن قالاسى كەگەنشي اۋىلىندا جەم – ءشوپ جانە مال ۆاكسيناسى قورى جەتكىلىكتى». مىنە، بۇل 3 – ايدىڭ 6 – كۇنى ءتىلشىنىڭ ىلە وبلىسىنا توتە قاراستى ءبىر ءبولىم اۋدان - قالالارداعى مال شارۋاشىلىعى وندىرىسىنە تىلشىلىك ىستەگەندە ۇعىسقان جاعدايلارى. قازىر وبلىسقا توتە قاراستى اۋدان - قالالار مال شارۋاشىلىق ءوندىرىسىن عىلمي جوسپارلاپ، كوپ ءتۇرلى شارالار ارقىلى ىندەتتەن ساقتانۋ – تىزگىندەۋ مەن مال شارۋاشىلىعى ءوندىرىسىن بىردەي مىقتى يگەرىپ، ەكەۋىنەن دە شاشاۋ شىعارماي، قوماقتى ناتيجە جاراتۋعا قۇلشىنۋدا.

    ىلە وبلىسىنا توتە قاراستى ورىندار وبلىس كولەمىندەگى جەم – ءشوپ كاسىپورىندارىنىڭ ىندەتتەن ساقتانۋ – تىزگىندەۋ بەلگىلەمەلەرىن قاتاڭ اتقارۋ شارتى استىندا، قىزمەت پەن ءوندىرىستىڭ قالپىنا كەلۋىن جەدەلدەتىپ، بازاردى جەتكىلىكتى جەم – شوپپەن قامتاماسىز ەتتى. اۋدان - قالالار جەم – ءشوپ ساتىپ الۋعا بەلسەنە ازىرلەنىپ، جەم – ءشوپ ساتىپ الىپ، اۋىل شارۋاشىلىعى ءوندىرىس – تۇرمىس ماتەريالدارىنىڭ جاسىل ارناسىن اشىپ، مال ازىعىن ، باسقا دا ونىمدەردى، جەم – ءشوپ، جۇمىرتقا جانە بالاپانداردى تاسىمالداۋدىڭ ىركىلىسسىزدىگىنە كەپىلدىك ەتتى.

    قازىر كۇيتۇن قالاسى كەگەنشي اۋىلىندا 13 مىڭ 700 ٴار تۇلىك مال، 15 مىڭ 500 ءۇي قۇسى بار، نەگىزىنەن قورادا، كاتەكشەدە باعىلادى، جەم – ءشوپ جانە مال ۆاكسيناسى قورى جەتكىلىكتى ەكەن. ىندەتتەن ساقتانۋ – تىزگىندەۋ بىلىمدەرىن ۇگىتتەۋ مەن ىندەتتەن ساقتانۋ شارالارىن تياناقتاندىرۋدى كۇشەيتۋ ءۇشىن، كۇيتۇن قالاسى شارۋالاردىڭ دەنە تەمپەراتۋراسىن مەرزىمدى ولشەۋگە ارناۋلى ادام ورنالاستىردى جانە ءتورت تۇلىك مالدا بولاتىن ىندەتتى باقىلاۋ قىزمەتىن ورىستەتىپ، اۋىل شارۋاشىلىعى ءوندىرىسىنىڭ حاۋىپسىز، ءتارتىپتى جۇرگىزىلۋىنە شىنايى كەپىلدىك ەتتى.

    ءتول الۋ - جاقىنعى مەزگىلدەگى مال شارۋاشىلىق وندىرىسىندەگى ەڭ ماڭىزدى قىزمەتتەردىڭ ءبىرى، وبلىسقا توتە قاراستى اۋدان - قالالار قورا – قالتقىنى جوندەۋ، بەكەمدەۋ، دەزينفەكسيالاۋ، جىلىلاۋ تەبىنىن ارتتىردى. سونىمەن بىرگە، ەنەلىك مال جانە تولدەردى جەم – شوپكە تويىندىرىپ، ەنەلىك مال مەن تولدەردىڭ قارسىلىق قۋاتىن كۇشەيتىپ، ءتولدىڭ قاتارعا قوسىلۋ سالىستىرماسىن جوعارىلاتتى.

    چاپچال اۋدانى ءتورتسۇمىن اۋىلى حۇڭياڭ باعىمشىلىق رايونىندا وسى اۋىلدىڭ مال شارۋاشىلىق، مال شيپاگەرلىگى پۋنكتى ارناۋلى جىبەرگەن تەحنيك باعىمشىلىقپەن شۇعىلداناتىن جيە حۇڭيۋان وتباسىسىنىڭ جەم – ءشوبىنىڭ جەتكىلىكتى بولۋىنا جەتەكشىلىك ەتىپ، ءتول الۋدىڭ الدىنداعى دايىندىق قىزمەتىن جاقسى ىستەدى جانە تولدەردىڭ جەم – ءشوبىن باسقارۋ مەن ىندەتتەن ساقتانۋ – تىزگىندەۋ سياقتىلارعا جان – جاقتى قىزمەت وتەدى. جيە حۇڭيۋان: «مال شيپاگەرلىگى پۋنكتى قىزمەتكەرىنىڭ جەتەكشىلىگىندە قورامداعى 46 ساۋلىق 82 قوزى تولدەپ، قوزىلاردىڭ قاتارعا قوسىلۋى %100 بولدى» دەدى.

جاۋاپتى رەداكتور: گۇلدەن ماقسات قىزى