وبلىسقا توتە قاراستى ورىندار كاسىپورىندارعا ساياساتتىق تيىمدىلىك جاسادى

  • كەلۋ قاينارى: ىلە گازەتى
  • 03:40:08 17/03/2020

    وزىندىك قۇندى كەمەيتتى، ماياقىنى ازايتتى، وسىمگە قازىنادان قوسىمشا قاراجات بەردى

    

    ءتىلشىمىز جي شيانفىڭ حابارلايدى. بيىل 2 - ايدان 6 - ايعا دەيىن وبلىسقا توتە قاراستى اۋدان، قالالار ەنەرگيا جۇمسالىمى جوعارى كاسىپورىنداردان باسقا ءىرى ونەركاسىپ ورىندارىنا جانە ادەتتەگى ونەركاسىپشىلەر مەن ساۋداگەرلەرگە تۇگەلدەي ەلەكتر اقىسىن %5 تومەندەتۋ سىندى ەلەكتردە تيىمدىلىك ساياساتىن اتقارادى.

    3 ـ ايدىڭ 10 ـ كۇنى ءتىلشىنىڭ وبلىستىق ونەركاسىپ جانە ينفورماتسيالاندىرۋ مەكەمەسىنەن ۇعىسۋىنا قاراعاندا، اتالعان مەكەمە اۆتونوميالى رايوننىڭ «جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرىپ، ورتا، شاعىن، ۇساق كاسىپورىنداردىڭ جۇمىستى، ءوندىرىستى قالپىنا كەلتىرىپ، اقاۋسىز دامۋىن قولداۋ جونىندەگى 16 شارانى» (تومەندە قىسقاشا «شارا» دەلىنەدى) تەز ارادا تياناقتاندىرىپ، «شاراداعى» فينانستىق قولداۋ، باجى، قوعامدىق قامسىزداندىرۋ اقىسىن تاپسىرۋ اۋىرتپالىعىن جەڭىلدەتۋ، كاسىپورىنداردىڭ اينالىم وزىندىك قۇنىن تومەندەتۋ، جۇمىسشى ىستەتۋ سياقتى 17 جاقتاعى يگىلىكتەنۋ كولەمى، قوسىمشا قاراجات ولشەمى، باستاماشى ورىن سياقتىلاردى دەر كەزىندە ايقىنداعان.

    ورتا، شاعىن، ۇساق كاسىپورىندار - وبلىسقا توتە قاراستى اۋدان، قالالار ناقتى ەكونوميكاسىنىڭ ماڭىزدى قۇرامداس بولەگى. ىندەتتىڭ ورتا، شاعىن، ۇساق كاسىپورىندارعا جاسايتىن ىقپالىن جەڭىلدەتۋ ءۇشىن، وبلىسقا توتە قاراستى اۋدان، قالالار «ىلە وبلىسىنىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرىپ، ورتا، شاعىن، ۇساق كاسىپورىنداردىڭ ورنىقتى، اقاۋسىز دامۋىن قولداۋ جونىندەگى پىكىرىن» جاساپ، ورتا، شاعىن، ۇساق كاسىپورىنداردىڭ وتكەلدەن قينالماي وتۋىنە كومەكتەستى. تاياۋدا وبلىسقا توتە قاراستى اۋدان، قالالارداعى قاتىستى تاراۋلار كوكتەمگى ەگىس جۇمىستارىن بار كۇشپەن قولداپ، وبلىسقا توتە قاراستى اۋدان، قالالارداعى كاسىپورىنداردىڭ جۇمىستى، ءوندىرىستى قالپىنا كەلتىرۋىن ءتارتىپتى ىلگەرىلەتتى.

    قازىر ىلە وبلىستىق قوعامدىق قامتاماسىزداندىرۋ مەكەمەسى قاتىستى ساياساتقا نەگىزدەلىپ، بيىل 2 - ايدا قوعامدىق قامتاماسىزداندىرۋ اقىسىن تولەگەن 2 مىڭ 404 كاسىپورىننىڭ تولەگەن قاراجاتىن قايتارۋ قىزمەتىن ورىنداپ، قارتتاردى قامسىزداندىرۋ، كاسىپسىزدىك، جۇمىس ۇستىندە جارالانۋ سىندى 3 تۇردەگى قوعامدىق قامتاماسىزداندىرۋ قاراجاتىنان 17 ميلليون 927 مىڭ 100 يۋان قايتارىپ بەردى.

    2 - ايدىڭ سوڭىنا دەيىن وبلىسقا توتە قاراستى ورىندارداعى باقشا رايوندارى مەن يگىلىك جاراتۋ بازالارىنداعى ماياقىسى ازايتىلاتىن نەمەسە كەشىرىم ەتىلەتىن 18 كاسىپورىندى سارالاپ، 2 ميلليون 347 مىڭ 100 يۋان ماياقىنى ازايتتى نەمەسە كەشىرىم ەتتى.

جاۋاپتى رەداكتور: جازيرا بولاتباي قىزى