قۇلجا قالاسى كاسىپورىنداردىڭ جۇمىستى، ءوندىرىستى قالپىنا كەلتىرۋىن ءتارتىپتى ىلگەرىلەتتى

  • كەلۋ قاينارى: ىلە گازەتى
  • 03:47:55 17/03/2020

    ءتىلشىمىز مىڭ شيا حابارلايدى. 3 - ايدىڭ 11 - كۇنى قۇلجا قالالىق شەكارالىق ەكونوميكالىق سەلبەستىك رايونى جوعارى، جاڭا عىلىم -تەحنيكالى كاسىپ باقشاسىنىڭ قۇرىلىس نىسانىندا رەسمي قايتا جۇمىس باستالدى.

    ءتىلشى جۇمىس الاڭى ناق مايدانىندا جۇمىس الاڭىنا كىرەتىن قاقپا تابالدىرىعىنا دەزينفەكسيالاۋ توسەنىشى جايىلعانىن، جۇمىسشىلاردىڭ دەنە تەمپەراتۋراسى ولشەنىپ، سپيريتپەن دەزينفەكسيالانعان سوڭ جۇمىس الاڭىنا كىرەتىنىن كوردى. وسى كۇنى 80 جۇمىسشى ماسكا تاعىپ، حاۋىپسىزدىك دۋلىعاسى مەن قالىڭ قولعاپ كيىپ ءوز جۇمىس ورىندارىندا ابىگەرلەنىپ جاتتى. ۇعىسۋعا قاراعاندا، قۇلجا قالاسى شەكارالىق ەكونوميكالىق سەلبەستىك رايونى جوعارى، جاڭا عىلىم - تەحنيكالى كاسىپ باقشاسىنىڭ قۇرىلىس نىسانى - قۇلجا قالالىق قالا قۇرىلىسى شەكتى جاۋاپكەرلىك سەرىكتىگىنىڭ 2020 - جىلعى ءتۇيىندى ينجەنەرياسى بولعان، بۇل نىسان مەملەكەت قارجىلاندىرعان ەلەكتر ستانسياسىنىڭ سولتۇستىگىنە ورنالاسقان، يەلەگەن جەر اۋماعى 72 مىڭ شارشى مەتر، جالپى قۇرىلىس اۋماعى 34 مىڭ شارشى مەتر، جالپى سالىنۋ نارقى 77 ميلليون يۋان ەكەن. نىساندا بىلتىر 5 - ايدا جۇمىس باستالىپ، قازىرگە دەيىن نىسان نەگىزگى قۇرىلىمى ينجەنەريا قۇرىلىسىنىڭ %60 ى ورىندالعان، ال بولات قۇرىلىمدى زاۆودتىڭ سىرتقى قاسبەتىن سالۋ، قىزمەت عيماراتى، زەرتتەۋ - اشۋ عيماراتى، جاتاق عيماراتى، اسحانا سياقتى قۇرىلىستاردى اشەكەيلەۋ - جوندەۋ، سونداي - اق تاس جول مەن باسقارۋ تورابىن قۇرۋ سياقتى جۇمىستار ىركەس - تىركەس ىستەلەدى ەكەن.

    پارتيا ورتالىق كوميتەتىنىڭ ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدىڭ قوس جەڭىسىنە قول جەتكىزۋ جونىندەگى ماڭىزدى ورنالاستىرۋ - تالابى بويىنشا، ىندەتتەن عىلىمي ساقتانۋ - تىزگىندەۋدى، ءتۇيىندى نىسانداردا جۇمىستى، ءوندىرىستى قالپىنا كەلتىرۋدى تىڭعىلىقتى ىستەۋ ءۇشىن، قۇلجا قالالىق قالا قۇرىلىسى شەكتى جاۋاپكەرلىك سەرىكتىگى قۇلجا قالالىق پارتكوم مەن ۇكىمەتتىڭ سايكەستىرىپ جەتەكشىلىك ەتۋىندە، قۇلجا قالالىق ىندەتتەن ساقتانۋ - تىزگىندەۋ قولباسشىلىق شتابىنىڭ، قۇرىلىس سالاسىنىڭ، وبلىستىق دوستىق شيپاحاناسىنىڭ ءجون سىلتەۋىندە، دەزينفەكسيالاپ، ۆيرۋس جويۋ قىزمەتىن ورىستەتىپ، جۇمىسشىلاردىڭ ساقتانۋ - قورعانۋىن كۇشەيتىپ، جۇمىستى، ءوندىرىستى قالپىنا كەلتىرگەن جۇمىسشىلارعا تاماقتانۋ، جاتىن ورىن، قىزمەت ىستەۋ جاقتارىندا بولەكتەۋ شاراسىن قولدانىپ، تۇرمىستىق قوقىر - قوقسىقتاردى ءوز الدىنا تۇرگە ءبولىپ ءبىر جاقتى ەتىپ، جۇمىس الاڭىن، قىزمەت ورنىن ءار كۇنى قاعىس قالدىرماي دەزينفەكسيالادى.

    قۇلجا قالالىق قالا قۇرىلىسى شەكتى جاۋاپكەرلىك سەرىكتىگىنىڭ باس ديرەكتورى جياۋ چياڭ بىلاي دەدى: قۇلجا قالالىق پارتكوم مەن ۇكىمەت ءتۇيىندى نىسانداردا جۇمىستى، ءوندىرىستى قالپىنا كەلتىرۋدى قامتاماسىزداندىرۋ ءۇشىن، قۇلجا قالالىق ىندەتتەن ساقتانۋ - تىزگىندەۋ قولباسشىلىق ورتالىعى، قۇلجا قالالىق تۇرعىن ءۇي جانە قالا - اۋىل قۇرىلىسى تاراۋى، ماتەريالمەن قامداۋ ساۋداگەرى جانە ءىرى تيپتى اۆتوكولىك سياقتىلاردى سايكەستىرىپ، ءبىزدىڭ جۇمىس باستاۋىمىزعا جاسىل ارنا اشتى. سونىمەن بىرگە، سەرىكتىك ءۇش كەزەك، ەكى اينالىم ءتارتىبىن اتقارىپ، الدىڭعى مەزگىلدە كەشەۋىلدەگەن جۇمىستى تولىقتاۋعا شىنايى كەپىلدىك ەتتى.

    جۇمىسشى جاڭ جيان تولىق سەنىممەن بىلاي دەدى: «ىندەتتەن ساقتانۋ - تىزگىندەۋ تالابىنا قاتاڭ بويسۇنعاندا عانا ىندەتتى جەڭۋ، ەكونوميكانى دامىتۋ قوس جەڭىسىن، ءسوزسىز، جۇزەگە اسىرا الامىز».

جاۋاپتى رەداكتور: جازيرا بولاتباي قىزى