5G دىڭ 1G، 2G، 3G، 4G مەن پارقى

  • كەلۋ قاينارى: ىلە گازەتى
  • 04:10:27 18/03/2020

   

    دي يۋەيىڭ

 

    «5G» دى بيىلعى حابار – بايلانىس سالاسىنداعى ەڭ جۇلدىزدى تاقىرىپ دەۋگە ابدەن بولادى. سوندا بۇل «G» دەگەنىمىز، ءسىرا، نە نارسە؟ «G» دەگەنىمىز generation، ياعني «ۇرپاق» دەگەن ماعىنانى بىلدىرەدى. «5G» دەگەنىمىز بەسىنشى ۇرپاق حابار – بايلانىس جۇيەسى دەگەن ءسوز.

    حابار – بايلانىس سالاسىنداعى ۇزاق ۋاقىتتىق وزگەرىس ارقىلى حابار – بايلانىس جۇيەسى دە ءبىرىنشى ۇرپاقتان بەسىنشى ۇرپاققا دەيىن دامىدى.

    1G: ءبىرىنشى ۇرپاق، ياعني اتالمىش 1G دىبىس ءداۋىرى دەلىنەدى، بىلايشا ايتقاندا «داگىدا» (قولفون) ءداۋىرى. حابار – بايلانىس جۇيەسىنە ۇقساتىلمالى تەحنيكا قولدانىلدى، سونداي – اق تەحنيكا، وزىندىك قۇننىڭ جوعارى بولۋى سياقتى سەبەپتەردەن جالپىلاسۋى ونشا تەز بولمادى.

    2G: ەكىنشى ۇرپاق، ياعني «ءماتىن ءداۋىرى»، بۇل داۋىردەگى حابار – بايلانىستا تەلەفون سوعۋدان سىرت، كەلتە حات جولداي الاتىن بولدىق.

    3G: ءۇشىنشى ۇرپاق، ياعني «سۋرەت ءداۋىرى»، بۇل ءداۋىر جىلجىمالى حابار – بايلانىسقا اۋىسقان شەشۋشى كەزەڭ، حابار – بايلانىس تەك تەلەفون سوعىپ، كەلتە حات جولداۋ عانا ەمەس،سىمسىز حابار – بايلانىس جانە ينتەرنەت سياقتى امبەباپ حابار – بايلانىس تاسىلدەرىن توعىستىردى. اۋىز تولتىرىپ ايتۋعا ءتيىستىسى دەرەكتى اقپاراتتاردى تاسىمالداۋعا بولاتىن بولدى.

    4G: ءبىزدىڭ قازىرگى 4G حابار – بايلانىس تورابى ءداۋىرى «كەسكىن ءداۋىرى» دەپ اتالادى. جوعارى ساپاداعى كەسكىندەردى، سۋرەتتەردى ءارى سۋرەتتى تاسىمالداۋ ساپاسى مەن تۇنىقتىق دارەجەسى تەلەۆيزوردان قالىسپايتىن تەحنيكالىق ونىمدەردى تاسىمالداي الاتىن بولدىق. بۇل تۇتىنۋشىلاردىڭ سىمسىز تور جەلىسىنە دەگەن بارلىق قاجەتىن قاناعاتتاندىردى، ولقىلىعى سول قامتىمى تۇتاس ەمەس، ساندى مالىمەتتەردىڭ تاسىمالدانۋى باياۋ.

    5G: كەزەكتەگى 5G ءداۋىرى جوعارىداعى ءتورت داۋىردەن پارىقتى، ول جەكە ءبىر سىمسىز تۇتاستىرۋ تەحنيكاسى عانا ەمەس، كوپ ءتۇرلى جاڭا تۇرپاتتى سىمسىز تۇتاستىرۋ تەحنيكالارى مەن قازىرگى دامۋ ۇستىندەگى تەحنيكالار شوعىرلانعاننان كەيىن شەشىم تاپقان جوبانىڭ جالپى اتالۋى، شىن مانىندەگى حابار – بايلانىس تەحنيكاسى مەن ينتەرنەتتىڭ توعىسۋى سانالادى. ونىڭ ەڭ زور ارتىقشىلىعى «تەزدىك»، ودان دا ماڭىزدىسى ءبىر ءتۇرلى بۇكىلدەي ينتەرنەتتىك كۇيدى جۇزەگە اسىرۋى بولدى.

جاۋاپتى رەداكتور: گۇلدەن ماقسات قىزى