چاپچال اۋدانى كەدەيلىك قالپاعى الىنعان سوڭ، تابىستاردى بەكەمدەپ ۇزدىكسىز قۇلشىندى

  • كەلۋ قاينارى: ىلە گازەتى
  • 03:46:49 19/03/2020

    ءتىلشىمىز دۋ لەي حابارلايدى. چاپچال سىبە اۆتونوميالى اۋدانى 2017 - جىلى كەدەيلىكتەن ارىلىپ، كەدەيلىك قالپاعى ءساتتى الىندى، قايتكەندە كەدەيلىكتەن ارىلعانداردى كەدەيلىككە قايتالاي تۇسىرمەي، اۋقاتتاندىرا تۇسۋگە بولادى؟ چاپچال اۋدانى كەدەيلىكتەن ارىلتۋدان قامال الۋ تابىستارىن بەكەمدەۋدى باستان - اياق ماڭىزدى ساياسي مىندەت، حالىق تۇرمىسى ينجەنەرياسى رەتىندە يگەرىپ، بار قاجىر - قايراتىمەن ۇزدىكسىز ىزدەنىپ، 2020 - جىلعى كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە شىنايى كەپىلدىك ەتتى.

    3 - ايدىڭ 13 - كۇنى چاپچال اۋدانىنىڭ توقىماشىلىق، كيىم - كەشەك كاسىپ باقشاسىنداعى شينجياڭ لابوني كيىم - كەشەك شەكتى سەرىكتىگىنىڭ تاربيەلەۋ سەحىندا وسى اۋداننىڭ بەسسۇمىن قالاشىعى شولپان قىستاعىنان كەلگەن ارحيۆتەستىرىلىپ، كارتوچكالاندىرىلعان كەدەي وتباسى تاڭنۇر قوجا قىزى تىگىمشىلىك كۋرسىنا قاتىناسىپ جاتتى. كۋرس ۋاقىتى اياقتاسىمەن، ول ءوندىرىس سەحىنىڭ رەسمي جۇمىسشىسىنا اينالادى.

    «وتباسىمىزدا شەشەم ەكەۋىمىز عانا تۇرامىز، شەشەم اۋىلدا ورتانى قورعاۋ جۇمىسشىسى بولىپ ىستەيدى، ايىنا مىڭ يۋان كىرىس كىرگىزەدى، الداعى كۇندەرى ءوندىرىس جۇمىسشىسى بولىپ ىستەيمىن، ايىنا كەم دەگەندە ءبىر مىڭ 200 يۋان ەڭبەكاقى الاتىن بولامىن. ەگەر كەيىن جاقسى ىستەسەم، ءتىپتى دە كوپ اقشا تاباتىن بولامىن» دەدى تاڭنۇر قوجا قىزى.

    كاسىپتەندىرۋدى مىقتى يگەرۋ - چاپچال اۋدانىنىڭ كەدەيلىكتەن ارىلتۋدان قامال الۋ تابىستارىن بەكەمدەۋدىڭ ماڭىزدى باعىتى، چاپچال اۋدانى اۋداندىق ساياسي كەڭەستىڭ نەگىزگى باسشىلارى گرۋپپا باستىعى بولعان كاسىپتەندىرۋ گرۋپپاسىن قۇرىپ، ۇكىمەتتىڭ 2 مىڭ 500 قىزمەت ورنىن اشۋى نەگىزىندە، كاسىپورىنداردىڭ جۇمىستى، ءوندىرىستى قالپىنا كەلتىرۋىمەن، ءوندىرىس قۋاتىن ارتتىرىپ، نىسان قۇرىلىسىن كەڭەيتۋ سياقتىلارمەن ۇشتاستىرىپ، ۇيىمدى تۇردە جوتكەپ كاسىپتەندىرۋ ارناسىن ونان ارى كەڭەيتتى، قازىرگە دەيىن تۇتاس اۋدان بويىنشا ارحيۆتەستىرىلىپ، كارتوچكالاندىرىلعان كەدەي وتباسىنداعى 6 مىڭ 350 ەڭبەككۇشتىڭ ىشىندە 2 مىڭ 994 ەڭبەككۇش ورنىقتى كاسىپتەنىپ، ءبىر مىڭ 314 ەڭبەككۇش سىرتقا شىعىپ ەڭبەك ىستەۋ جوسپارىنا الىندى، 4 - ايدىڭ باس شەنىنە دەيىن كەدەي وتباسىلارىنداعى كاسىپتەنۋگە تيىستىلەردى مۇمكىندىگىنشە كاسىپتەندىرۋدى جۇزەگە اسىرۋعا كۇش سالىنىپ، جىل سوڭىندا تۇتاس جىلدىق ەڭبەك كىرىسىنىڭ 20 مىڭ يۋاننان از بولماۋىنا شىنايى كەپىلدىك ەتپەكشى.

    كاسىپ سالاسى جاعىندا، بيىل بۇل اۋدان «كاسىپ سالاسىن تاۋلى وڭىرگە بەت الدىرۋعا، كاسىپتەندىرۋدى قالاعا ويىستىرۋعا» تاباندى بولىپ، ورگانيكالى كۇرىش كولشىگى شايانى، ماقسارى سياقتى ەرەكشە ەگىمشلىك، باعىمشىلىقتى بار كۇشپەن دامىتىپ، 300 مىڭ مۋلىق «ءوزارا تيىمدىلىك جاساۋ، ءوزارا پايدا جەتكىزۋ، ۇزاق ۋاقىت سەلبەستىك جاساۋ، بىرگە دامۋ» ۇلگىسىندەگى ەكولوگيالىق ورمان جەتىلدىرۋدى ىلگەرىلەتىپ، جىلىنا 100 مىڭ باس جينبىن سيىرىن ءوسىرۋ باعىمشىلىق نىسانىن دامىتىپ جانە كولەمدەندىرىپ، 4 مىڭ 284 كەدەي وتباسىنىڭ كىرىسىن ورنىقتى ارتتىرۋدى جەبەدى.

جاۋاپتى رەداكتور: جازيرا بولاتباي قىزى