قۇلجا اۋدانى كەدەيلىكتەن ارىلتۋدان قامال الۋ شايقاسىندا جەڭىسكە جەتۋگە قۇلشىنۋدا

  • كەلۋ قاينارى: ىلە گازەتى
  • 03:08:09 20/03/2020

    گو جۇن (ءوز ءتىلشىمىز)

 

    كومپيۋتەرمەن كەستە تىگۋ جابدىعىنىڭ سىرىلداعان دىبىسىنا ىلەسە، ءارتۇرلى گۇل ورنەكتەرى اق كەزدەمەگە ءتۇسىرىلىپ جاتتى، نەشە ونداعان ايەل جۇمىسشى كەستە تىگۋ جابدىعىنىڭ اينالىمىن مۇقيات قاداعالاۋدا. 3 - ايدىڭ 16 - كۇنى قۇلجا اۋدانى تۇرپانجۇزى اۋىلى رەشيت كەستە تىگۋ شەبەرحاناسى تاپسىرىس بويىنشا قالىپتى ءوندىرىس جۇرگىزدى.

    كوكتەم ءۇمىت پەن ارمانعا تولى. تۇرپانجۇزى اۋىلىنداعى 30 شارۋا ايەل كاسىپتىك جۇمىسشىعا اينالىپ، ءوز ارماندارىن جۇزەگە اسىردى. 2018 - جىلى 4 - ايدا اۋىلدىق پارتكوم مەن ۇكىمەتتىڭ كومەگىندە، رەشيت كەستە تىگۋ شەبەرحاناسى وسى اۋىلعا ىرگە تەپتى. بۇگىنگى كۇنى ەكى جىلعا جۋىق دامۋ ارقىلى بۇل شەبەرحانا وندىرگەن، مانەرلەگەن ۇلتتىق ۇلگىدەگى كەستە ونىمدەرى شينجياڭنىڭ ءارقايسى ايماق، وبلىستارى مەن ىشكى ولكەلەردەگى ءىشىنارا قالالاردا ساتىلدى.

    «شەبەرحانامىز جەرگىلىكتى ۇكىمەتتىڭ كومەگىندە ەڭ العاشقى ءبىر كەستە تىگۋ سەحىنان وڭدەۋ زاۆود ۇيلەرى جانە كورمە زالى بار كولەمدى شەبەرحاناعا اينالدى، ونىمدەردىڭ ساتىلۋى دا وتە جاقسى، بۇدان كەيىن جەرگىلىكتى ورىننىڭ كومەگى مەن قولداۋىنا سۇيەنىپ ءوندىرىس كولەمىن كەڭەيتۋدى ويلاستىرۋدامىز. كەزەكتە شەبەرحاناداعى 30 جۇمىسشىنىڭ 12 سى ارحيۆتەستىرىلىپ، كارتوچكالاندىرىلعان كەدەي وتباسى ادامدارى، بۇدان كەيىن مەن تاعى اۋىلداعى ءبىر قىدىرۋ بوس ەڭبەككۇشتى قابىلدايمىن، وتە - موتە، كەدەي قىستاق تۇرعىندارىن كاسىپتەندىرىپ، كىرىسىن ارتتىرۋ ارقىلى تۇرمىستارىن جاقسارتۋعا كومەكتەسەمىن» دەدى رەشيت كەستە تىگۋ شەبەرحاناسىنىڭ باستىعى لۇحمان ۇسەن تانىستىرىپ. «وتباسىمىز 2016 - جىلى كەدەيلىكتەن ارىلدى، قايتا كەدەيلەسۋدەن ساقتانۋ ءۇشىن، ءبىر جىلدىڭ الدىندا ۇكىمەت زاۆودتا ىستەۋگە تانىستىردى، قازىر ايىنا 2 مىڭ يۋاننان 2 مىڭ 500 يۋانعا دەيىن ەڭبەكاقى الامىن. اقشا بولعان سوڭ تۇرمىسىڭ دا بارعان سايىن جاقسارادى ەكەن» دەدى ايەل جۇمىسشى پاتىگۇل جۇمات. ول بيىل 32 جاستا، وتباسىندا 6 جان بار، كارى دە، بالا - شاعا دا بار، بۇرىن 12 مۋ جەرگە ەگىن ەگىپ جىلىنا 5 - 6 مىڭ يۋان عانا كىرىس كىرگىزەتىن. قازىر ءۇيىنىڭ ىرگەسىندە قىزمەتكە شىعادى، اقشا تابۋمەن بىرگە، وتباسىنا دا قارايلاسا الادى، ول قازىرگى تۇرمىس جاعدايىنا ايرىقشا رازى ەكەن.

جاۋاپتى رەداكتور: گۇلدەن ماقسات قىزى