جالعىزتەرەك قىستاعى ءىشتى بيە نەسەبى ارقىلى اۋقاتتانۋ جولىنا ءتۇستى

  • كەلۋ قاينارى: ىلە گازەتى
  • 03:25:40 20/03/2020

    ەرەكشە ۇسىنىس ەتىلگەن ٴتىلشى جاڭ ۋەيمين، ەرىكتى ٴتىلشى ۋ چۋان – ي نىلقىدان حابارلايدى. 3 ـ ايدىڭ 13 ـ كۇنى ٴءتىلشى نىلقى اۋدانى نىلقى قالاشىعى جالعىزتەرەك قىستاعىنا بارعاندا شارۋالاردىڭ ەڭ كوپ تىلگە تيەك ەتكەنى ءىشتى بيە نەسەبى بولدى. بۇرىن شارۋالارعا كەرەكسىز سانالعان ٴءىشتى بيە نەسەبى قازىر جۇرتتىڭ اۋقاتتانۋىنداعى اسىلعا اينالدى.

    ۇعىسۋعا قاراعاندا، جاقىنعى جىلداردان بەرى نىلقى قالاشىعى باعىمشىلىق بازاسى ارقىلى ءىشتى بيە باعۋ نىسانىنا قاتىستى جىلقى شارۋاشىلىعىنىڭ دامۋىن جەبەپ قانا قويماي، توڭىرەكتەگى كوپتەگەن شارۋالاردىڭ كەدەيلىكتەن قۇتىلىپ، اۋقاتتانۋىنا مۇمكىندىك جاساعان. 

    جالعىزتەرەك قىستاعى ەگىن، مال شارۋاشىلىعى ۇشتاسقان قىستاق بولىپ، قالا مەن اۋىلدىڭ تۇيىلىسكەن جەرىنە ورنالاسقان، قاتىناسى توتەنشە قولايلى، جايىلىم بايلىعى توتەنشە مول، ءىشتى بيە باعىمشىلىعى كاسىبىن دامىتۋعا وتە قولايلى.

    جوعارى تەحنيكالى كاسىپورىنداردىڭ ەنۋى نىلقى اۋدانىندا بۇرىندارى نازارعا الىنبايتىن ءىشتى بيە نەسەبىن اسىلعا اينالدىردى. «العاشىندا بۇل ارادا 10 نەشە عانا ءىشتى بيە بار بولاتىن، مالشىلاردىڭ ءىشتى بيە باعۋ بەلسەندىلىگىنىڭ ۇزدىكسىز جوعارىلاۋىنا ساي، قازىر جالعىزتەرەك قىستاعى نىلقى اۋدانىنداعى ەڭ ۇلكەن ءىشتى بيە باعىمشىلىعى بازاسىنا اينالدى» دەدى جالعىزتەرەك قىستاعى پارتيا ياچەيكاسىنىڭ شۋجيى جاۋ پىڭ.

    2019 - جىلعى كەدەيلىكتەن ارىلتۋدان قامال الۋ تابىسىن اناعۇرلىم بەكەمدەۋ، شارۋالاردىڭ كىرىسىن ارتتىرۋ ءۇشىن جالعىزتەرەك قىستاعى پارتيا ياچەيكاسى بەلسەنە سايكەسىپ، اق تەرەك ءىشتى بيە باعىمشىلىق بازاسىن قۇرىپ، ساۋداگەر شاقىرىپ قارجى ەنگىزۋ ارقىلى شاڭحاي پۋرۇي حالىقارالىق ساۋدا شەكتى سەرىكتىگىمەن ءىشتى بيە باعىمشىلىعى كەلىسىمىن جاساستى، بۇل سەرىكتىك 300 مىڭ يۋاننان استام قارجى قوسىپ مايعا بەرىلگەن قورا ـ قالتقىنى جاڭالادى، قازىر باعىمشىلىق سەلبەستىك كووپەراتيۆى مۇشەلەرىنىڭ 80 ءىشتى بيەسى كووپەراتيۆتىڭ باعىمىنا بەرىلىپ، 7 ادامدى جۇمىسقا ورنالاستىردى، مۇنىڭ ىشىندە 6 كەدەي بار. سەرىكتىك وسىزاماندانعان عىلىم - تەحنيكادان پايدالانىپ، ءىشتى بيە نەسەبىن مانەرلەيدى. باعىمشىلاردىڭ جىلقىنى اماناتپەن باعۋ بەلسەندىلىگىن جوعارىلاتۋ ٴءۇشىن، سەرىكتىك پەن اماناتپەن باعۋشىلار ءٴبىر ءىشتى بيە ولسە 8 مىڭ يۋان، ءىش تاستاسا 3 مىڭ يۋان تولەم بەرۋ جونىندە كەلىسىمگە كەلەدى.

    جاۋ پىڭ بىلاي دەدى: بيىل ءٴار كيلوگرام ءىشتى بيە نەسەبىنىڭ بازار باعاسى 7 يۋان اينالاسىندا، مالشىلار ەگەر ءٴبىر ءٴىشتى بيە باقسا، ءٴبىر قىستاعى كىرىسى 3 مىڭ 500 يۋان بولادى.

    «ءىشتى بيە باعىمشىلىق بازاسى ءبىزدىڭ ۇيگە جاقىن، ءوزىم بازادا جۇمىس ىستەيمىن، ايىنا 2 مىڭ 500 يۋان ەڭبەكاقى الامىن، وتباسىما دا قارايلاسا الامىن» دەدى بۇرىنعى كەدەي وتباسى تولەگەن كىتاپبەك ۇلى قۋانا. 

    «بۇدان بىلاي ٴءبىز باعىمشىلىق بازاسىنىڭ كولەمىن ونان ارى كەڭەيتىپ، باعىلاتىن ءىشتى بيەلەردىڭ كوتەرىمدىلىك قۋاتىن ارتتىرىپ، ءٴتىپتى دە كوپ شارۋالاردىڭ ءىشتى بيە باعىپ، باعىمشىلىقتىڭ وزىندىك قۇنىن تومەندەتىپ، كىرىستى مولايتىپ، ونىمدىلىكتى ارتتىرۋىنا مۇمكىندىك جاسايمىز. سونىمەن بىرگە، جۇمىستانۋ ورىندارىن كوبەيتىپ، بوس ەڭبەككۇشتەردىڭ جۇمىستانۋىن شەشەمىز. قازىر كەيبىر قورا ـ قالتقى سالىنۋ ۇستىندە، كوپتەگەن قىستاق تۇرعىندارىنىڭ بيە ساتىپ الۋ ويى بار، قىستاعىمىزدىڭ ءىشتى بيە شارۋاشىلىعى بارعان سايىن دامىپ، قىستاق تۇرعىندارىنىڭ كىرىسى دە بارعان سايىن مولايۋدا» دەدى جاۋ پىڭ تولىق سەنىممەن.

جاۋاپتى رەداكتور: جازيرا بولاتباي قىزى