قۇلجا اۋدانى ٴتۇرلى شارالارمەن مەكتەپتەردىڭ ٴتارتىپتى وقۋ باستاۋىن قامتاماسىزداندىردى

  • كەلۋ قاينارى: ىلە گازەتى
  • 03:38:45 20/03/2020

    كەزەكپەن ساباق ٴءوتىپ، ساباقحاناداعى وقۋشى سانىن ازايتىپ، ٴبولىپ تاماقتاندىرۋ ٴتۇزىمىن اتقاردى

    

    ەرىكتى ٴتىلشى ٴزاينۋرا قۇلجادان حابارلايدى. اۆتونوميالى رايوندىق وقۋ ـ اعارتۋ مەڭگەرمەسىنىڭ ٴبىر تۇتاس ورنالاستىرۋى بويىنشا، 3 – ايدىڭ 16 ـ كۇنى قۇلجا اۋدانىنداعى 23 مەكتەپ ورتا مەكتەپتەر 3 – جىلدىعىنىڭ، ورتالاۋ مەكتەپتەر 3 – جىلدىعىنىڭ، ورتا دارەجەلى كاسىپتىك مەكتەپتەردە بىتىرەتىن جىلدىقتارىنىڭ ساباعى قالپىنا كەلتىرىلدى. ٴار قايسى مەكتەپ جىلدىقتار كەزەكپەن ساباق وتۋ، ساباقحاناداعى وقۋشى سانىن ازايتىپ، ءبولىپ تاماقتاندىرۋ سياقتى تۇرلى شارالاردى قولدانىپ، ٴتۇرلى ساقتانۋ شاراسىن تياناقتاندىرۋعا كەپىلدىك ەتىپ، وقۋشىلاردىڭ حاۋىپسىز، تارتىپتى ساباق باستاۋىنا كەپىلدىك ەتتى.

    سول كۇنى ٴتىلشى قۇلجا اۋداندىق 2 ـ ورتا جانە قۇلجا اۋدانى نانتۇڭ تاجىريبە مەكتەبىنىڭ قاقپاسىنان مەكتەپكە قايتقان وقۋشىلاردىڭ ماسكا تاعىپ، ٴبىر مەتر شاماسىندا ارالىق ساقتاپ، دەنە تەمپەراتۋراسىن ولشەتكەننەن كەيىن رەتىمەن كىرىپ بارا جاتقانىن كوردى. مەكتەپ شاعىن ساباقحانا وقىتۋى ٴتۇزىمىن اتقارىپ، 50 دەن ارتىق وقۋشىسى بار كلاستاردى ەكىگە ٴبولىپ، ٴار ساباقحاناداعى وقۋشى سانىن 30 دان اسىرماي، وقۋشىلاردى كەزەكپەن وقىتتى. وقۋشىلاردىڭ حاۋىپسىز تاماقتانۋىنا كەپىلدىك ەتۋ ٴۇشىن اسحانادا وقۋشىلاردىڭ جەتى باسقىش بويىنشا قول جۋدىرۋعا، تارتىپپەن تاماق الۋعا ۇيىمداستىرۋعا ارناۋلى ادام جاۋاپتى بولىپ، جاقىن قاراما ـ قارسى وتىرىپ تاماقتانۋ قۇبىلىستارىن باتىل تەجەدى.

    ارتقى شەپ قىزمەتكەرلەرى بەلگىلەنگەن ۋاقىتتا ساباقحانا، جاتاق، اسحانا سياقتى ٴتۇيىندى ورىنداردى ٴبىر كۇندە ءٴۇش رەت جاپپاي دەزينفەكسيالادى.

    قۇلجا اۋدانى ورتا مەكتەپ وقۋ ـ اعارتۋى توبى پارتيا باس ياچەيكاسىنىڭ شۋجيى زىڭ شياۋپيڭنىڭ تانىستىرۋىنشا، 3 – ايدىڭ 11 ـ كۇنى تۇتاس شينجياڭداعى وقۋ بىتىرەتىن جىلدىقتاردىڭ وقۋشىلارىنا وقۋ باستاۋ ۇقتىرىلعاننان كەيىن، قۇلجا اۋداندىق 2 ـ ورتا مەكتەپ باسشىلىق گرۋپپاسىن قۇرىپ، «بىر مەكتەپتە ٴبىر ٴادىس بولۋ» بويىنشا ساباقتى قالپىنا كەلتىرۋ جوباسىن جاساپ، 10 قىزمەت گرۋپپاسى مەكتەپتىڭ وقۋ باستاۋ الدىنداعى دايىندىق قىزمەتىن ٴبولىپ ارقالاپتى. كەزەكتە ورتا مەكتەپتەردىڭ 3 – جىلدىعىنداعى، ورتالاۋ مەكتەپتەردىڭ 3 – جىلدىعىنداعى، ورتا دارەجەلى كاسىپتىك مەكتەپتەردىڭ وقۋ بىتىرەتىن جىلدىعىنداعى وقۋشىلار مەكتەپكە كەلىپ، مەكتەپتىڭ وقۋدى قالپىنا كەلتىرۋ قىزمەتى ٴتارتىپتى جۇرىلۋدە ەكەن.

جاۋاپتى رەداكتور: جازيرا بولاتباي قىزى