جياڭ ي - حۇي جىلىجايدا شاپتول ەگۋدىڭ پايداسىن كوردى

  • كەلۋ قاينارى: ىلە گازەتى
  • 03:57:16 20/03/2020

    جىلىجايدا شاپتول گۇلى اشىلىپ، كوكتەم لەبى ەستى

    

    ءتىلشىمىز گۋ شۋە حابارلايدى. قىس ءوتىپ كۇن جىلىنا باستاعانىمەن، اعاشتار ءالى بۇرلەي قويمادى، دەسەدە، قورعاس اۋدانى چيڭشۇيحى قالاشىعى چيڭچۋان قىستاعىنىڭ تۇرعىنى جياڭ ي - حۇيدىڭ جىلىجايداعى شاپتولى اسەم گۇل اشىپ، كوكتەم لەبىن ەستىردى.

    «قازىر جىلىجايداعى شاپتولداردىڭ گۇل اشۋى ءبىرشاما جاقسى، ەندىگى ءبىزدىڭ باستى جۇمىسىمىز - توزاڭداندىرۋدى جاقسى ىستەۋ، ونان سوڭ جەمىستەرىن سيرەتۋ جانە ءىشىنارا كەيىنگى باپتاۋ جۇمىستارى ىستەلۋ، مەجەمەن 5 - ايدىڭ باس شەنىندە شاپتولدى بازاراعا شىعارامىز» دەدى 3 - ايدىڭ 16 - كۇنى جياڭ ي - حۇي تىلشىگە.

    2003 - جىلى جياڭ ي - حۇي سىچۋان ولكەسىنەن قورعاس اۋدانىنا كەلگەن بولاتىن، بۇل ارادا كوپتەگەن ادام جىلىجايدا كوكونىس ەگەتىن، ول جەرگىلىكتى ورىندا جەمىس باقشاسىنىڭ كوپ ەكەنىن، ونىڭ ۇستىنە وسى جىلى جىلىجايدا شاپتول ەكسە كەلەسى جىلى ءونىم الۋعا بولاتىندىعىن ويلاپ، 1.5 مۋ جىلىجايعا سىناق رەتىندە شاپتول ەككەن بولاتىن، ناتيجەدە ول ىلە وبلىسىنا توتە قاراستى ورىندارداعى جىلىجايدا شاپتول ەككەن العاشقى توپتاعى ەگىنشىگە اينالدى.

    «ول كەزدە جۇمىس ىستەۋ اقىسى مەن جىلىجاي سالۋعا قاجەتتى ماتەريالداردىڭ باعاسى ءبىراز ارزان ەدى، 30 مىڭ يۋانعا ءبىر جىلىجاي جاساپ الۋعا بولاتىن» دەيدى جياڭ ي - حۇي، كەلەسى جىلى ول تاعى ءبىر جىلىجاي جاسادى، وسىدان سوڭ ونى جالعاستى دامىتتى. 2007 - جىلى ۇكىمەت جىلىجاي كوكونىس ٴوندىرىسىن دامىتۋدى بار كۇشپەن دارىپتەگەندە، ول جىلىجايلارىنىڭ ارالىعى الىس، باسقارۋعا قولايسىز ەكەندىگىن ەسكەرىپ، بۇرىنعى جىلىجايىن كۇشىنەن قالدىرىپ، جاڭادان 6 جىلىجاي جاسادى، 2018 - جىلى تاعى 4 جىلىجايدى جاڭادان جاسادى.

    ەگۋدەن عىلمي باپتاۋعا دەيىنگى سىناق بارىسىندا جياڭ ي - حۇيدىڭ جىلىجايى قازىر 10 عا جەتتى، ءاربىرىنىڭ ۇزىندىعى 140 مەتر شاماسىندا بولىپ، مولشەرمەن ادەتتەگى جىلىجايدىڭ 2 ەسەسىندەي. ونىڭ جوعارى ءونىمدى قۇرىلعىلى اۋىل شارۋاشىلىعىنان پايدالانىپ تەحنيكالىق تاسىلمەن ەگىپ جەتىلدىرگەن جىلىجايداعى مايلى شاپتولىنىڭ مۋ باسىندىق ورتاشا كىرىسى ەسەلەپ ارتتى.

    «تەمىر سورەلى جىلىجاي جاساعاندىقتان، العاشىندا جۇمساعان قاراجاتىم ءبىرشاما كوپ بولدى، كەيىن جارعاقتى قالتقىعا وزگەرتتىم، حيميالىق تىڭايتقىش جانە ەگىس دارىلەرىن ساتىپ العاندا، ءار جىلى ءاربىر جىلىجايعا 3 - 4 مىڭ يۋان جۇمسايمىن، مەجەمەن بيىل مۋ باسىندىق ءونىم 1 - 2 توننا ارالىعىندا بولادى، ءار كيلوگرامىن 30 يۋاننان ساتقاندا، جىلدىق كىرىسىم 300 مىڭ يۋانعا تايايدى» دەدى جياڭ ي - حۇي.

جاۋاپتى رەداكتور: جازيرا بولاتباي قىزى