ىلە وبلىسىنىڭ ورتا، شاعىن، ۇساق كاسىپورىنداردىڭ، جەكەشە ساۋدا - ونەركاسىپشىلەردىڭ جۇمىستى، ءوندىرىستى قالپىنا كەلتىرۋىن سۇيەمەلدەۋ جونىندەگى تيىمدىلىك شاراسى

  • كەلۋ قاينارى: ىلە گازەتى
  • 04:13:58 20/03/2020

    ەكىنشى، 2020 – جىلى 2 – ايدان 6 – ايدىڭ 30 – كۇنىنە دەيىن باجىسى كەشىرىم ەتىلگەن ورتا، شاعىن، ۇساق كاسىپورىندار مەن جەكەشە ساۋدا – ونەركاسىپشىلەردەن جول يەمدەنۋ اقىسى الىنبايدى؛ لاس سۋدى ءبىر جاقتى ەتۋ اقىسىن كەشىكتىرىپ تاپسىرسا، كەشىكتىرۋ اقىسى ۇستەمەلەپ الىنبايدى، «قارىزدانسا دا قامداۋدى توقتاتپايتىن بولۋ» كەرەك. ەلەكترمەن قامدايتىن كاسىپورىندار تىركەلگەن كاپيتال قورى 50 ميلليون يۋاننان اسپايتىن ورتا، شاعىن، ۇساق كاسىپورىندار مەن جەكەشە ساۋدا – ونەركاسىپشىلەرگە باعىتتاي وتىرىپ، ەلەكتروندى e قارىز اقشا فينانس ونىمدەرىن العا قويىپ، قارىز اقشا مولشەرى ەڭ جوعارى بولعاندا 2 ميلليون يۋاننان، قارىز اقشانىڭ شەكتى مەرزىمى ەڭ ۇزاق بولعاندا 12 ايدان، ىندەت تارالعان مەزگىلدەگى جىلدىق ءوسىم مولشەرى %4.5025 تەن اسىپ كەتپەيدى، بۇل قارجىمەن ەلەكتر اقىسىن تاپسىرۋعا دا، ءوندىرىس – تيجاراتىن جۇرگىزۋگە دە بولادى. شينجيە جانار گاز سەرىكتىگى سايابىر ماۋسىمداعى تابيعي گاز باعاسىن اتقارسا، ال قۇلجا گۋاڭحۇي، گوحۇي تابيعي گاز سەرىكتىگى قازىرگى گازبەن قامداۋ باعاسى نەگىزىندە 5 – 10 پايىز تومەندەتەدى (جاۋاپتى ورىن : وبلىستىق تۇرعىن ءۇي جانە قالا – اۋىل قۇرىلىسى مەكەمەسى، دامۋ جانە رەفورما كوميتەتى، ونەركاسىپ جانە ينفورماتسيالاندىرۋ مەكەمەسى، ساۋدا مەكەمەسى، مەملەكەتتىك ەلەكتر تورابى ىلە سەرىكتىگى، ءارقايسى جانار گاز تيجارات كاسىپورىندار).

    ءۇشىنشى، ورتا، شاعىن، ۇساق كاسىپورىندار جانە جەكەشە ساۋدا – ونەركاسىپشىلەرگە قىزمەت وتەۋدىڭ «جاسىل ارناسىن» اشىپ، قارىز اقشانى تەكسەرىپ بەكىتۋ ءتارتىبىن ونان ارى ساپالىلاندىرىپ، قاراپايىمداستىرىپ، تەكسەرىپ بەكىتۋ ۇقىق شەگىن لايىقتى تومەنگە ءتۇسىرىپ، قارىز اقشا بەرۋگە تيىستىلەرىنە مۇمكىندىگىنشە جىلدام قارىز بەرۋ كەرەك. ىندەتتىڭ ىقپالىنا ۇشىراعان، ەرەكشە قيىنشىلىققا تاپ بولعان سالالارعا كوزسىزدىكپەن قارىز قۋزاۋعا، قارىز بەرمەي قويۋعا، قارىزدى سوزاقتاتۋعا بولمايدى. قارىز اقشا مەرزىمىن ۇزارتۋ، جالعاستى قارىز اقشا بەرۋ سياقتى تاسىلدەر ارقىلى نەگىزگى سوماسىن، ءوسىمىن كەشىكتىرىپ تولەۋدى ءوتىنىش ەتكەن كاسىپورىندارعا ەڭ ۇزاق بولعاندا 2020 – جىلى 6 – ايدىڭ 30 – كۇنىنە دەيىن ۇزارتىلىپ، ايىپ اقشا جانە ءوسىم الىنبايدى. ىندەتتىڭ ىقپالىنا ۇشىراۋى اۋىر، قالپىنا كەلۋ پەريودى ءبىرشاما ۇزاق ءارى دامۋ بولاشاعى بار از ساندى ورتا، شاعىن، ۇساق كاسىپورىندارعا بانكە سالاسىنىڭ فينانس قۇرىلىمدارى ءىس جۇزىندىك جاعدايعا قاراي كاسىپورىندارمەن اقىلداسىپ، باسقا دا ۋاقىتىن ۇزارتۋدى بەلگىلەۋىنە بولادى. ىندەتتەن ساقتانۋ – تىزگىندەۋ كەزىندە ورتا، شاعىن، ۇساق كاسىپورىنداردىڭ تيىمسىز قارىزعا توزىمدىلىك دەڭگەيى جوعارىلاتىلىپ، قاراستىلىعىنداعى بانكە كاسىبى فينانس قۇرىلىمدارىنىڭ ءتۇرلى قارىز اقشاسىنىڭ تيىمسىزدىك مولشەرى 3 پايىزدان اسىپ كەتسە، باقىلاپ باعالاۋ مەن ىشكى باعالاۋ، ءنومىر تارتىپ قالۋ فاكتورى ەسەپتەلمەيدى (جاۋاپتى ورىن: ىلە بانكە قامسىزداندىرۋىن باقىلاۋ بولىمشە مەكەمەسى، وبلىستىق دامۋ جانە رەفورما كوميتەتى، ونەركاسىپ جانە ينفورماتسيالاندىرۋ مەكەمەسى، جۇڭگو حالىق بانكەسى ىلە وبلىستىق ورتالىق تارماق بانكەسى).

جاۋاپتى رەداكتور: جازيرا بولاتباي قىزى