رايونىمىز ”مىڭ كاسىپورىن مىڭ قىستاققا كومەكتەسۋ“ قيمىلىن ۇزدىكسىز ىلگەرىلەتەدى

  • كەلۋ قاينارى: شينجياڭ گازەتى تورابى
  • 07:49:14 20/03/2020

    گازەتىمىزدىڭ جالپىلىق اقپارات قۇرالدارى تىلشىلەرى ليۋ شياڭ، ۋاڭ يۇيجاۋ 3 - ايدىڭ 18 - كۇنى ۇرىمجىدەن حابارلايدى. بيىل رايونىمىز ”مىڭ كاسىپورىن مىڭ قىستاققا كومەكتەسۋ“ بويىنشا كەدەيلەردى دالمە - ءدال سۇيەمەلدەۋ قيمىلىن ۇزدىكسىز ىشكەرىلەي ىلگەرىلەتىپ، كومەكتەسۋ، سۇيەمەلدەۋ بايلىعى مەن كۇشتەرىن اۋىر كەدەي وڭىرلەرگە بەيىمدەلۋگە جەتەلەپ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزىپ، شەشۋشى جەڭىسىنە قول جەتكىزۋدىڭ قۋاتتى بىرىككەن كۇشىن ۇيىستىرادى.

    حوتان اۋدانى يڭاۋات اۋىلى عىجاك قىستاعىنىڭ تۇرعىنى روزىنيسا اكىم كەدەيلەردى سۇيەمەلدەۋ زاۆودىنىڭ ءۇيىنىڭ جانىنا سالىنىپ، ءوندىرىس جەلىسىنىڭ اۋىل - قىستاق ەگىنجايلارىنا جەتىپ، ءبىر ادامنىڭ جۇمىستانۋىنىڭ تۇتاس وتباسىن كەدەيلىكتەن ارىلۋعا جەتەكتەيتىنىن ەشقاشان ويلاماعان ەدى. سوڭعى 2 جىلدان بەرى، گۋاڭحۇي توبى باستاماشى بولىپ، ىشكى وڭىرلەردىڭ 5 سەلبەستىك كاسىپورنىن اكەلىپ، حوتان اۋدانىندا، لوپ اۋدانىندا كەدەيلەردى سۇيەمەلدەيتىن 10 زاۆود سالىپ، ارحيۆ تۇرعىزىلىپ، كارتچكالاندىرىلعان 4500دەن استام كەدەي وتباسىن جۇمىستانۋ ارقىلى كەدەيلىكتەن ارىلۋعا جەتەكتەدى. بيىل گۋاڭحۇي توبىنىڭ كەدەيلەردى سۇيەمەلدەۋ زاۆودى تاعى تىڭنان 55 ميلليون 800 مىڭ يۋان قارجى قوسىپ، جاڭادان 1130 قىزمەتكەر كوبەيتىپ، جەرگىلىكتى ورىنداعى ەڭبەك قابىلەتى بار كەدەيلەردى جۇمىستانۋعا ونان ارى جەتەلەپ، جۇمىستاندىرۋ ارقىلى كەدەيلىكتەن ارىلۋدى جەبەيدى.

    بۇل كۇندەرى، حالىقتىق كاسىپورىنداردىڭ كومەكتەسۋ، سۇيەمەلدەۋ ءادىسى ونان ارى الۋان تۇرلىلەنىپ، بارعان سايىن دالمە - ءدال بولىپ، نىسانعا قارجى قوسۋدان، جۇمىستانۋعا ورنالاستىرۋدان، اقشالاي، زاتتاي جىلۋ اتاۋدان بۇگىنگى تاڭدا كەدەيلەردى سۇيەمەلدەۋ سەحىن سالۋ، تۇتىنۋ ارقىلى كەدەيلەردى سۇيەمەلدەۋدى ىلگەرىلەتۋ سياقتى جاڭا ۇلگىگە، جاڭا كاسىپتىك قالىپقا دامىپ، جەتەكتەۋ قابىلەتى اناعۇرلىم كۇشەيدى.

    بيىل رايونىمىز حالىقتىق كاسىپورىنداردى كاسىپ سالاسى ارقىلى كەدەيلەردى سۇيەمەلدەۋ، جۇمىستاندىرۋ ارقىلى كەدەيلەردى سۇيەمەلدەۋ، الەۋمەتتىك يگىلىك ارقىلى كەدەيلەردى سۇيەمەلدەۋ سياقتى فورمالار ارقىلى باسقارۋ، تەحنيكا، ينفورماتسيا، دارىندى، قارجى، بايلىق، بازار سياقتى ابزالدىلىقتاردى تولىق ساۋلەلەندىرىپ، كەدەيلىكتەن ارىلتۋدان قامال الۋ مەن جاڭاشا اۋىل - قىستاق قۇرىلىسىنا بەلسەنە ات سالىسۋعا جان - جاقتى جۇمىلدىرادى؛ حالىقتىق كاسىپورىن سياقتى قوعامدىق كۇشتەردىڭ تۇتىنۋ ارقىلى كەدەيلەردى سۇيەمەلدەۋگە ات سالىسۋىن كۇش سالا ىلگەرىلەتىپ، كەدەي وڭىرلەردىڭ اۋىل شارۋاشىلىق قوسىمشا ونىمدەرىنىڭ ”ساتىلۋى قيىن بولۋ“ سىندى كەسىرلى ءتۇيىنى مەن بوگەتتى ءتۇيىنىن ونان ارى اشادى؛ مەملەكەتتىك ساۋدا - ونەركاسىپشىلەر بىرلەستىگىنىڭ بۇكىل ەلدەگى تانىمالى حالىقتىق كاسىپورىنداردى وڭتۇستىك شينجياڭنىڭ اۋىر كەدەي وڭىرلەرىنىڭ كەدەيلىكتەن ارىلتۋدان قامال الۋىنا ات سالىسۋعا ۇيىمداستىرۋىنا، جۇمىلدىرۋىنا بەلسەنە ۇشتاسىپ جانە وعان قول جەتكىزىپ، 2019 - جىلعى ”حالىقتىق كاسىپورىنداردىڭ وڭتۇستىك شينجياڭعا ساپارى“ قيمىلىنا سوڭىنا ءتۇسىپ قىزمەت وتەپ، نىسانداردىڭ تياناقتانۋى مەن كاسىپورىنداردىڭ دامۋى ءۇشىن ساياساتتاردى ۇگىتتەۋ - ءتۇسىندىرۋ جانە قىزمەت وتەپ سايكەستىرۋ جۇمىستارىن ويداعىداي ىستەيدى.

جاۋاپتى رەداكتور: جازيرا بولاتباي قىزى