ومىرگە ىشكەرىلەي ارالاسىپ، بەرىلە تۋىندى جاراتايىق

  • كەلۋ قاينارى: ىلە گازەتى
  • 03:58:14 21/03/2020

 

    _ 10 – كەزەكتى ماۋ دۇن ادەبيەت سيلىعىن العان بەس جازۋشىمەن سۇحپات

 

    2019 – جىلى 10 – كەزەكتى ماۋ دۇن ادەبيەت سيلىعى جاريالانىپ، لياڭ شياۋشىڭنىڭ «كىسىلىك ءومىر»، شۇي حۋايجۇڭنىڭ «سالت – سانا ەستەلىكتەرى»، شۇي زىچىننىڭ «سولتۇستىككە ساپار»، چىن ياننىڭ «باس كەيىپكەر» جانە لي ىردىڭ «يىڭ ۋ اعاي» سىندى 5 رومان ماراپات بيىگىنە كوتەرىلدى. سيلىققا يە بولعان وسى جازۋشىلار وزدەرىنىڭ جاسامپازدىق ۇستانىمى، ادەبيەتتىڭ ءومىر مەن ءداۋىر بولمىسى جونىندە وي ورتاقتاسقان ەدى.

    لياڭ شياۋشىڭ: جازۋشىلىعىم ارقىلى العىسىمدى بىلدىرگىم كەلدى

    ۇستاز بولعان سوڭ ادەبيەتتىڭ نەندەي ماڭىزى بار دەگەن سۇراۋ مەنى ۇنەمى مازالاپ كەلەدى؟

    وقۋشىلارىمنىڭ دەنى وسى سۇراۋدى كولدەنەڭ تارتاتىن. ال بۇل جونىندە ءتىس جارمايتىن وقۋشىلارىمنىڭ كوكەيىندە دە شىنىمەن وسىنداي ءبىر سۇراق جاتقانداي سەزىلەتىن.

    سونىمەن ءار كەزەڭدەگى ءوز شىعارماشىلىق جولىما كوز جىبەرە وتىرىپ نەگىزىنەن مىناداي باسقىشتارعا ءبولدىم: تاعدىرىمدى وزگەرتۋ ءۇشىن جاسامپازدىقپەن شۇعىلدانۋعا بەل بۋعان ءداۋىرىم، بۇل ـ زيالى جاس كەزىم ەدى. قىزىعۋىم مەن از مۇنشا قابىلەتىم تۇرعاندا، نەگە بۇعان تاۋەكەل دەمەسكە؟ تاعدىرىمدا دا سودان باستاپ وزگەرىستەر تۋىلدى، ءار جىلى بىردە – ەكى رەت بيڭتۋان ۇيىمداستىراتىن شىعارماشىلىق كۋرسىنا قاتىناستىم ءارى جاقسى ادامداردىڭ شاراپاتىمەن ۋنيۆەرسيتەت تابالدىرىعىن دا اتتادىم، مىنە وسىلاردىڭ بارلىعى ماعان ادەبيەتكە شەكسىز العىس ايتۋىم كەرەكتىگىن ايقىن اڭعارتتى. فۋدان ۋنيۆەرسيتەتىنەن وقۋ تاۋىسىپ، سول كەزدەگى بەيجيڭ كينو ستۋدياسىندا قىزمەت ىستەگەننەن كەيىن، اسىرەسە، مەملەكەتتىك اڭگىمە سيلىعىن العان سوڭ مەنىڭ جاسامپازدىق قارىمىمنىڭ قانشالىقتى ەكەندىگىن اڭعارتاتىن ساتكە قادام تاستادىم. سونان جاۋاپكەرلىك پەن بورىشتىلىق سەزىمدى قوزعاۋشى كۇش ەتكەن، ءوزىمدى – ءوزىم دالەلدەۋگە ۇمتىلعان ءداۋىرىم باستالىپ كەتتى.

    الپىستى القىمداپ، بەيجيڭ ءتىل ۋنيۆەرسيتەتىندە وقىتۋشىلىقپەن شۇعىلدانعانىما 10 جىل تولايىن دەگەندە، جازۋشىلىق جاسامپازدىعىمنىڭ تاعدىرىمدى وزگەرتۋدەگى نامىستى شارۋا ەمەس، قايتا ءوزىمدى دالەلدەۋدەگى قوزعاۋشى كۇش بولا بەرەتىندىگى جونىندە تەرەڭ تولعاندىم. الپىستى القىمداپ قالعان ادام باسقالار كورە قويارلىق نەنى دالەلدەپ ۇلگىرمەك؟ پروفەسسورلىق سالاۋاتى بار ادام ءوز تاعدىرىن قالاي وزگەرتە قويماق؟ دەگەن مۇلدە مۇمكىن ەمەس شارۋانى مەن دالەلدەپ شىقتىم.

جاۋاپتى رەداكتور: گۇلدەن ماقسات قىزى