ومىرگە ىشكەرىلەي ارالاسىپ، بەرىلە تۋىندى جاراتايىق

  • كەلۋ قاينارى: ىلە گازەتى
  • 03:58:14 21/03/2020

    «سالت – سانا ەستەلىكتەرىنە» 1947 – جىلى 2 – دالا ارمياسىنىڭ مىڭ شاقىرىمدىق جول باسىپ دابيەشان تاۋىنان اسۋى ارتقى كورىنىس ەتىلگەن. بۇل جولعى ستراتەگيالىق قيمىل ـ ازاتتىق سوعىستىڭ ەڭ باي مازمۇندى تاراۋلارىنىڭ ءبىرى، سونداي – اق مەنىڭ توڭكەرىستىك اسكەري بولىمدەرگە قاتىناسقاننان بەرگى شىنىققان جانە سىننان وتكەن ەڭ ەستەن كەتپەس ەستەمەلەرىم ەدى. وسى كەزدەگى ءومىر كەشىرمەلەرىمە نەمقۇرايدى قاراۋعا بولا ما؟ 1962 – جىلدىڭ وزىندە – اق ۇزاق دەمالىس ورايىندا 200 مىڭ ارىپتەن تۇراتىن وسى پوۆەستىمدى جازعان ەدىم. كوپ وتپەي، مەن اسكەري گازەتتىڭ ءتىلشىسى رەتىندە فۋجيانداعى پاراشوتشىلار اسكەري بولىمىنە بارىپ، ىلە – شالا باسقا مىندەتتەردى دە ارقالاۋعا تۋرا كەلگەندىكتەن «سالت – سانا ەستەلىكتەرىمدى» ءبىراز دوعارا تۇرۋعا تۋرا كەلدى. كوپ جىلدان كەيىن قولجازبانى شاراسىزدىقتان ورتەپ جىبەردىم. كەيىن ويلانا كەلسەم، مۇنىمدا تىم وكىنىشتى شارۋا بولماپتى. ەگەر سول كەزدە كىتاپتى اسىعىس – ۇسىگىس، وڭدەمەستەن شىعارعان بولسام، ورتانقول وسى تۋىندىم ءۇشىن ومىرلىك وكىنىش ارقالار ەدىم.

    وتكەن عاسىردىڭ 70 – 80 – جىلدارىندا رەفورما جاساپ، ەسىك اشۋدىڭ ۇلى تولقىنىنا ىلەسىپ، ىزدەنۋ رۋحىنا باي كوپتەگەن جازۋشىلار جارىققا شىقتى. ولار سۋبيەكتيۆ تانىمىن تەرەڭدەتۋگە باتىل بولىپ، ءتۇپ نۇسقا جاسامپازدىعىنا بەلسەنە تالپىندى. رومان جاسامپازدىعى بيىكتەن قۇلاعان سارقىراما ىسپەتتى «تىڭ لەپ» قالىپتاستىرىپ، كىسىگە شابىت سيلاپ قۋانىشقا بولەدى. ال وكىنىشتىسى، ولاردىڭ بويىنداعى دارىن مەندە بولمادى. ماسەلەن، مەن سياقتى قاۋساعان قارت يدەياسىن ازات ەتۋ ارقىلى جاسامپازدىق ساناداعى بۇعاۋلاۋدان، ءبىر سارىندىلىق، دەرەكسىزدەندىرۋدىڭ ىقپالىنان قۇلان تازا ارىلىپ، ادەبيەت – كوركەمونەردىڭ وزىندىك زاڭدىلىعىنا قايتا ورالدى. ويتپەگەندە 90 جاسقا كەلگەنىمدە مىناداي «سالت – سانا ەستەلىكتەرىمدى» جازۋىم مۇمكىن ەمەس ەدى.

    تار جول، تايعاق كەشۋلەردەن ءوتىپ، عاسىر تابالدىرىعىنان اتتادىق. جولشىباي ەندىگى جەردە كوپ نارسەگە جالتاقتاي بەرمەي، نار تاۋەكەلمەن العا ۇمتىلۋعا تۋرا كەلدى. اڭگىمەنىڭ تەتىگى ويداعىنى بەينەلەۋ بولعانىمەن، سوعىس مايدانىنان ومىرلىك جيعان – تەرگەندەرىمە سۇيەنىپ، قاۋىزىن ارشىپ ءدانىن الىپ، جالىنداعان تىرشىلىك تىنىسىن كەستەلەۋگە قۇلشىندىم. سوعىستىڭ ارتقى كورىنىسى زور دارەجەدە كومەسكىلەنىپ، سولعىندادى، كەيىپكەرلەر سانى دا بارىنشا ىقشامدالىپ، تەك دەربەس 9 – لۇيدىڭ لۇيجاڭى چي جيڭ، اتتى اسكەرلەر حابارشىسى ساۋ شۇي – ىر، مادەنيەت تاربيەشىسى ۋاڭ كى – يۋە، اسكەرلەردىڭ ءمىنس اتى ـ «جۇردەك قوڭىر» باس كەيىپكەر ەتىلدى.

    100 مىڭ ارىپتەن تۇراتىن «سالت – سانا ەستەلىكتەرىمدى» جازۋعا بەس جىل ۋاقىت جۇمسادىم، سونان بولار ءوزىمدى «ولەرمەن» دەپ اتادىم. مۇنىڭ باستى سەبەبى ‐ جازۋشىلىق داعدىم ەدى، مەن الدىمەن ويعا العاندارىمدى ىشتەي جاتتاپ الامىن دا، كومپيۋتەرگە جازعاننان كەيىن ونى قايتا – قايتا وزگەرتىپ جاتپايمىن، قاي جەردە نەنى ايتۋ كەرەكتىگىن ايقىن اڭعارىپ وتىرامىن. مۇنداي ادەتتىڭ ونىمدىلىگىنىڭ ونشا جوعارى ەمەستىگىن بىلە تۇرسام دا، ونى وزگەرتە المادىم، شاراسىزدىقتان وتكەندەگىمە ات باسىن بۇرىپ، باسىپ وتكەن ءىز دەرەكتەردى، ءومىر كەشىرمەلەرىمدى باعامداۋىما تۋرا كەلەدى.

جاۋاپتى رەداكتور: گۇلدەن ماقسات قىزى