ومىرگە ىشكەرىلەي ارالاسىپ، بەرىلە تۋىندى جاراتايىق

  • كەلۋ قاينارى: ىلە گازەتى
  • 03:58:14 21/03/2020

    بۇل كىتاپتا تەاتر ساحناسىنداعى ءبىر باس كەيىپكەردىڭ ءومىرى عانا ەمەس، ونان دا ماڭىزدىسى، تەاتر ساحناسىنان ءتىپتى دە كەڭ قوعامدىق ساحناعا قۇلاش سەرمەگەنى، 40 جىلدىق رەفورما جاساۋ، ەسىك اشۋ بارىسىنداعى ادامداردىڭ باستان كەشكەندەرى مەن تاعدىر تارتىسى تىلگە تيەك ەتىلدى. جاس جاعىنان ي چين – ىمەن قارايلاس بولعاندىقتان، وزىمە ابدەن تانىس وسى تۇرمىس ارقىلى 40 جىلدىق ءومىر ساپارىمداعى كۇردەلى كۇرەستەرىمدى، رۋحاني شيرىعۋىمدى جانە ومىرلىك قۇلشىنىسىمدى جازدىم. ارينە، مەن ي چين – ى ەمەسپىن، تەك ونىمەن ۇزەڭگىلەس ءبىر داۋىردىڭ كۋاگەرىمىن.

    مەن شانشيلىك جازۋشىمىن. ليۋ چيڭ، لۋ ياۋ، چىن جۇڭشى، جيا پيڭ – اۋ قاتارلىلار دا سول توپىراقتىڭ ادال پەرزەنتتەرى. «باس كەيىپكەر» دەگەن شىعارمانى جازۋ بارىسىندا دا سول بايتاق ءوڭىردى تياناق ەتتىم. مەنىڭ تەرەزەم شانشي ولكەلىك تەاتر زەرتتەۋ ورنىنىڭ جاتتىعۋ زالىنا قاراعان. ءار كۇنى جاتتىعۋ زالىنان كوتەرىلگەن اسقاق اۋەندى ەستي وتىرىپ «باس كەيىپكەردى» جازۋعا كىرىسەر ەدىم. مەنىڭ «شيجيڭ حيكايالارى» مەن «ساحنا ساندەۋ» اتتى پوۆەستىم جانە «كەشىگىپ اشىلعان روزا گۇلى»، «بايتەرەكتىڭ باتىسقا كوشىرىلۋى» سىندى درامالىق شىعارمالارىم ءبارى دە شانشي تەاترىنىڭ الديىمەن ومىرگە كەلگەندەر. اناۋ ءداستۇر مەن تاريحتان، شىن بولمىس پەن بولاشاقتان مول سىر اعىتاتىن سول ءبىر ۇلان – قايىر، شيراقى دا شىنايى اۋەندى ۇناتتىم. كەيىن مەن ادەبيەت – كوركەمونەر ۇجىمىنان اۋىسىپ، وعان باسقا ءبىر قىرىنان نازار اۋدارايىن دەدىم، سوندا عانا تار ورىسشىلدىكتەن قۇتىلىپ، تەلەگەي – تەڭىز ادامزات قوعامىن جازۋ مۇمكىندىگىنە يە بولادى ەكەم.

    باس كەيىپكەر ساحنادا وزگەشە بولمىسىمەن كورىنەتىن وبراز ەمەس، ءار سالا، ءار كاسىپتە باس كەيىپكەر، قوسالقى كەيىپكەردىڭ بولماۋى دا مۇمكىن ەمەس؟ باس كەيىپكەر، ارينە، قوسالقى كەيىپكەرگە قاراعاندا اناعۇرلىم كوپ قۇلشىنىس كورسەتۋى، بوداۋ بەرۋى قاجەت. ي چين – ى باسقالارمەن سالىستىرعاندا جاپا – ماشاقاتتى بىر كىسىدەي تارتقان، دىڭكەلەگەن، كوپ بوداۋ بەرگەن ادام، ونىڭ كورگەن تەپكىسى، ەستىر سوگىسى كوپ بولىپ، قيىنشىلىق قىسپاعىندا قالعانداي كورىنگەنىمەن، ونىڭ ومىرگە دەگەن توزىمدىلىگى جانە رۋحاني شىدامدىلىعى ەرەسەن ەدى. مەيلى شاعىن ساحنا بولسىن، الدە ۇلكەن ساحنا بولسىن، ءدال وسى باس كەيىپكەرلەر، قوسالقى كەيىپكەرلەر ومىردە اڭىس قوزعاپ، قوعامدىق تۇرمىستىڭ اۋمالى – توكپەلى كۇرمەۋى كوپ كۇردەلى جاعدايىن كورسەتىپ بەردى.

    مەن قاشان دا تەرەڭ سۇيىسپەنشىلىكپەن تۋعان جەرىمە ءنار، جاسامپازدىعىما تابىس سيلاعان ءومىر سىندى وسىناۋ ماۋەلى بايتەرەكتى قۇلاي ءسۇيىپ، تۇمانىڭ كوزىن اشىپ، شولىركەگەننىڭ سارىعىن باسىپ، تەرەڭگە تامىر تارتا بەرەمىن.

جاۋاپتى رەداكتور: گۇلدەن ماقسات قىزى