«ءبىز ىندەت سالدارىنان تۋىلعان زياندى تولىقتايمىز»

  • كەلۋ قاينارى: ىلە گازەتى
  • 04:17:34 21/03/2020

 

   كاسىپورىندار جۇمىس باستاپ، ءوندىرىستى قالپىنا كەلتىردى، ەگىنشىلەر كوكتەمگى ەگىس وندىرىسىنە جەدەل كىرىستى

 

      ءتىلشىمىز لۋ جۇڭ حابارلايدى. 3 - ايدىڭ 17 - كۇنى تۇستەن كەيىن نىلقى - ۋجين ورتا، شاعىن كاسىپورىندار يگىلىك جاراتۋ بازاسى - ىلە مييۋەچۋان بيو - تەحنيكا شەكتى سەرىكتىگىندە قۇمىرالانعان بەت جۋۋ سۇيىقتىعى جەتكىزگىش ارقىلى ميكروپسىزداندىرۋ سەحىنان قوراپتاۋ سەحىنا ەنگىزىلىپ جاتتى. بۇلار ءتۇستى قوراپپەن قوراپتالىپ، جارعاقپەن ورالىپ، جاشىككە سالىندى... جۇمىسشىلار قۇمىرالانعان بەت جۋۋ سۇيىقتىعىنىڭ زاۆودتان شىعۋ الدىنداعى قولمەن ىستەلەتىن جۇمىسءتارتىبىن ورىنداۋدا.

    «كاسىپورىنىمىز 3 - ايدىڭ 8 - كۇنى جۇمىستى قالپىنا كەلتىردى، ءارقايسى ارناۋلى ساتۋ دۇكەندەرى مەن جەلى تەكشەلەرى دە قالىپتى اينالىمعا ءتۇستى. كەزەكتەگى جاعدايدان الىپ قاراعاندا، ساتۋ ورەسى ىندەت الدىنداعى دەڭگەيگە جەتتى. جاقىنعى بىرنەشە كۇندە كاسىپورىنىمىزدىڭ جىڭجوۋ قالاسىنداعى ەلەكتروندىق ساۋدا بولىمشە سەرىكتىگىنە جولداعان ونىمدەرىنىڭ قۇنى 4 ميلليون يۋاننان استى. ءبىز ىندەت سالدارىنان تۋىلعان زياندى تولىقتايمىز» دەدى ىلە مييۋەچۋان بيو - تەحنيكا شەكتى سەرىكتىگىنىڭ باس ينجەنەرى چىن جيانميڭ تانىستىرىپ.

    شينجياڭ باۋما كاسىپتىك شەكتى جاۋاپكەرلىك سەرىكتىگى نىلقى مىس شارۋاشىلىعى بولىمشە سەرىكتىگىندە جۇمىسشىلار ءوندىرىس جابدىقتارىنا سوڭعى رەت تەڭشەۋ سىناعىن جاساپ جاتتى.

    نىلقى مىس شارۋاشىلىعى بولىمشە سەرىكتىگى - نىلقى اۋدانىنداعى 10 كولەمدى ونەركاسىپ كاسىپورىنىنىڭ ءبىرى.

    تىلشىلىك بارىسىندا ءتىلشى نىلقى اۋدانىنىڭ 20 ونەركاسىپ كاسىپورىنىنا ءتۇيىندى باقىلاۋ - ولشەۋ جۇرگىزگەنىن، مۇنىڭ ىشىندە كولەمدى 10 ونەركاسىپ كاسىپورىننىڭ جۇمىستى، ءوندىرىستى بۇكىلدەي قالپىنا كەلتىرگەنىن، باسقادا ءتۇيىندى باقىلاۋ – ولشەۋ جۇرگىزىلەتىن ونەركاسىپ كاسىپورىندارى ىشىندە تەك ءبىر كاسىپورىن ماۋسىم سيپاتىندىق ءوندىرىس توقتاتۋدان سىرت، باسقا 9 كاسىپورىننىڭ تۇگەل جۇمىستى، ءوندىرىستى قالپىنا كەلتىرگەنىن؛ 24 شاعىن كاسىپورىننىڭ بىرەۋى ماۋسىم سيپاتىندىق ءوندىرىس توقتاتۋدان سىرت، قالعان 23 كاسىپورىننىڭ تۇگەلدەي جۇمىستى، ءوندىرىستى قالپىنا كەلتىرگەندىگىن ۇعىستى.

جاۋاپتى رەداكتور: گۇلدەن ماقسات قىزى