بيىل 865 جۇڭگو - ەۆروپا كەزەكشى پويەزى شينجياڭ ارقىلى شەكارادان شىقتى

  • كەلۋ قاينارى: شينجياڭ گازەتى
  • 03:03:01 22/03/2020

 

  گازەتىمىزدىڭ جالپىلىق اقپارات قۇرالدارى ءتىلشىسى لۋ فىڭباۋ، ەرىكتى ءتىلشى ۋ چى 3 - ايدىڭ 19 - كۇنى ۇرىمجىدەن حابارلايدى. جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنەن ۇعىسۋىمىزشا، بيىل جىل باسىنان بەرى شينجياڭ الاتاۋ، قورعاس ۆوكزالى سىندى 2 شەكارا وتكەلىنىڭ ابزالدىلىعىن ساۋلەلەندىرىپ، شەكارادان شىققان جۇڭگو - ەۆروپا كەزەكشى پويەزدارى ءۇرتىس كوبەيگەن. 1 - ايدىڭ 1 - كۇنىنەن 3 - ايدىڭ 18 - كۇنىنە دەيىن الاتاۋ ۆوكزالى ارقىلى شەكارادان شىققان جۇڭگو - ەۆروپا كەزەكشى پويەزى 353 رەتكە جەتىپ، سايكەس مەزگىلدەگىدەن %31.7 ارتقان؛ قورعاس ۆوكزالى ارقىلى شەكارادان شىققان جۇڭگو - ەۆروپا كەزەكشى پويەزى 512 رەتكە جەتىپ، سايكەس مەزگىلدەگىدەن %5.4 ارتقان.

  قاتىناۋ ونىمدىلىگىن ارتتىرۋ ءۇشىن، الاتاۋ ۆوكزالى ءوندىرىستى ۇيىمداستىرۋ جوسپارىنا نەگىزدەلىپ، جۇڭگو - ەۆروپا كەزەكشى پويەزى تاسىمالىن الدىمەن ورنالاستىرىپ، پويەز قابىلداۋ، جونەلتۋ جانە پويەزعا تيەۋ، ءتۇسىرۋ مىندەتىن ءار ساتىعا، ءار بۋىنعا ءبولىپ ورنالاستىرىپ، ورنالاستىرۋ پاراۆوزى، كەزەكشى ۆاگونداردى ءبولۋ - قوسۋ، پاراۆوز، ۆاگونداردى الۋ - جونەلتۋ سياقتىلاردى ۇيلەسىمدى ورنالاستىرىپ، جۇمىس ءتارتىبىن ساپالىلاندىردى. سونىمەن بىرگە، ”ءبىر كەدەن، ءبىر تەكسەرۋمەن“ سايكەستى بايلانىستى كۇشەيتىپ، ءوندىرىس ينفورماتسياسىن الدىن الا مالىمدەپ، جۇڭگو - ەۆروپا كەزەكشى پويەزداردىڭ شەكارادان 24 ساعات ىركىلىسسىز وتۋىنە شىنايى كەپىلدىك ەتتى.

  ”اۋىستىرىپ تيەلەتىن زاتتاردى ۇستىندە اۋىستىرىپ تيەيمىز، كەدەن تەكسەرۋىنەن وتەتىن زاتتار دەر كەزىندە تۇسىرىلەدى“. الاتاۋ ۆوكزالى زات تيەۋ سەحىنىڭ ورىنباسار مەڭگەرۋشىسى ياڭ بين بىلاي دەدى: ۆوكزال قاريدارلاردىڭ قاجەتى مەن زاتتىڭ ۆوكزالعا جەتۋ جاعدايىنا قاراي تاسىمال جۇمىسىن يكەمدى ۇيىمداستىرىپ، كەزەكشى پويەزداردىڭ تاسىمال جۇمىستارىن ۇيىمداستىرۋ ونىمدىلىگىن جوعارىلاتتى.

  قورعاس ۆوكزالى قاريدارلارمەن حابارلاسىپ بايلانىس جاساۋدى كۇشەيتىپ، جۇمىستى شوعىرلى ورىنداۋ سياقتى شارالار ارقىلى قاريدارلارعا جۇمىس ءبىتىرۋ، جاتىن ورىن، قاتىناس سياقتى جاقتاردا قولايلىلىق جاساپ، قاريدارلاردىڭ قاجەتىن يكەمدى ۇعىسىپ، تاسىمال كومەسكى كۇشىن ىشكەرىلەي اشىپ، تەز تيەۋ، تەز جونەلتۋدى قۇلشىنا ورىندادى.

  ”تاياۋدان بەرى ءار كۇنى ۆوكزالىمىزدى باسىپ شەكارادان شىعاتىن جۇڭگو - ەۆروپا كەزەكشى پويەزى 11 رەتكە جەتىپ، ارتۋ دارەجەسى كورنەكتى بولدى“، - دەدى قورعاس ۆوكزالى زات تاسىمال سەحىنىڭ مەڭگەرۋشىسى شى حۇڭجۇن.

جاۋاپتى رەداكتور: گۇلدەن ماقسات قىزى