وبلىستىق ەمدەلۋدى قامتاماسىزداندىرۋ مەكەمەسى كەدەي بۇقارانىڭ دەنساۋلىعىن قورعادى

  • كەلۋ قاينارى: ىلە گازەتى
  • 03:56:09 24/03/2020

    «الدىمەن ەمدەلىپ، سوڭىنان اقشا تولەپ»، «ءبىر تالونمەن» ەسەپ جاپتى

    

    ءتىلشىمىز شى شۋەحۇڭ حابارلايدى. بيىل وبلىستىق ەمدەلۋدى قامتاماسىزداندىرۋ مەكەمەسى وبلىسقا توتە قاراستى ورىندار كولەمىندە «الدىمەن ەمدەلىپ، سوڭىنان اقشا تولەۋ» سىندى حالىققا تيىمدىلىك جاساۋ ساياساتىن جاپپاي اتقاردى، ناۋقاستار شيپاحاناعا جاتۋ رەسمياتىن كەپىل اقشا تاپسىرماي - اق بىتىرە الاتىن، اۋرۋحانادان شىققاندا «ءبىر تالونمەن» ەسەپ جابۋ قىزمەت وتەۋىنەن يگىلىكتەنەتىن، بارلىق ەسەپتەن كوتەرتۋ رەسمياتى شيپاحانادا تولىق شەشىلەتىن بولدى.

    3 - ايدىڭ 15 - كۇنى قۇلجا قالاسى جاڭاجەر اۋىلى ليۋچيدۋان قىستاعىنىڭ تۇرعىنى حاي ليجيۋ اۋرۋىپ قالعاندىقتان وبلىستىق شينحۋا شيپاحاناسىنا جاتتى. 4 كۇن ەمدەلگەننەن كەيىن ونىڭ قىزى ديڭ شيۋپيڭ شيپاگەر قول قويعان اۋرۋحاناعا جاتاتىن ناۋقاستاردىڭ «الدىمەن ەمدەلىپ، سوڭىنان اقشا تولەۋ» جونىندەگى ەمدەۋ قاراجاتى ەسەپ - قيساپ كەلىسىمىن وسى شيپاحانانىڭ اۋرۋحاناعا جاتۋ ءبولىمىنىڭ ەسەپ - قيساپ ورنىنا تاپسىردى، وسىلايشا حاي ليجيۋ ءبىر تيىن اقشا تاپسىرماي - اق ساپالى ەمدەۋ قىزمەت وتەۋىنەن يگىلىكتەندى.

    وسى شيپاحانانىڭ ىشكى سەكراتسيا ءبولىمىنىڭ ەمدەۋ قامسىزداندىرۋىنا جاۋاپتى كومەكشى قىزمەتكەرى جاڭ يۋە بىلاي دەدى: شيپاحانامىز «الدىمەن ەمدەلىپ، سوڭىنان اقشا تولەۋ» سىندى حالىققا تيىمدىلىك جاساۋ ساياساتىن مۇقيات دايەكتىلەندىرىپ، ءار ۇلت حالىق بۇقاراسىن پارتيا مەن ۇكىمەتتىڭ اناعۇرلىم كوپتەگەن ءتيىمدى ساياساتتارىنان يگىلىكتەندىردى.

    ءتىلشىنىڭ وبلىستىق ەمدەلۋدى قامتاماسىزداندىرۋى مەكەمەسىنەن ۇعىسۋىنشا، كەزەكتە وبلىسقا توتە قاراستى ورىندارداعى كەدەيلەردىڭ قامسىزداندىرۋعا قاتىناسۋ سالىستىرماسى %100 كە جەتكەن؛ ەمدەلۋ قامسىزداندىرۋىنا قاتىناسقان ەرەكشە قيىنشىلىعى بار كۇتىمگە الىنعاندارعا تولىق سومادا قارجىلاي كومەك بەرىلەدى، ارحيۆتەستىرىلىپ، كارتوچكالاندىرىلعان كەدەيلەرگە، ەڭ تومەنگى تۇرمىسى قامتاماسىزداندىرلاتىن وبيەكتىلەرگە %40 تىك ولشەمدە قارجىلاي كومەك بەرىلەدى؛ كەدەيلەردىڭ نەگىزگى ەمدەۋ قامسىزداندىرۋى، سالماقتى اۋرۋلار قامسىزداندىرۋى، ەمدەلۋگە كومەك بەرۋ سياقتىلاردىڭ قامتۋ سالىستىرماسى دەرلىكتەي %100 كە جەتتى. سونىمەن بىرگە، كەدەيلەر اۋرۋحاناعا جاتسا كەپىل اقشا الىنباي، «الدىمەن ەمدەلىپ، سوڭىنان اقشا تولەۋ» جانە نەگىزگى ەمدەلۋ، سالماقتى اۋرۋلاردى قامسىزداندىرۋ، ەمدەلۋگە كومەك بەرۋ ساياساتى اتقارىلىپ، شيپاحانادان شىققاندا «ءبىر تالونمەن» تىكەلەي ەسەپ جاباتىن بولدى.

    ۇعىسۋعا قاراعاندا، اۆتونوميالى رايوننىڭ ءبىر تۇتاس ورنالاستىرۋى بويىنشا، ىندەتتەن ساقتانۋ - تىزگىندەۋ مەزگىلىندە، وبلىستىق ەمدەلۋدى قامتاماسىزداندىرۋ مەكەمەسى مەملەكەتتىك دەنساۋلىق ساقتاۋ سالاماتتىق كوميتەتىنىڭ جاڭا تيپتى ايدارشا ۆيرۋس وكپە قابىنۋىن ەمدەۋ جوباسىندا قامتىلعان ءدارى - دارمەكتەر مەن ەمدەۋ قىزمەت وتەۋى تۇرلەرىن دەرلىكتەي ەمدەۋ قامسىزداندىرۋ قاراجاتى بويىنشا تولەۋ كولەمىنە ۋاقىتشا ەنگىزىپ، ەسەپ جابۋ ءتارتىبىن وكشەلەي تەكسەرىپ، جاڭا تيپتى ايدارشا ۆيرۋس وكپە قابىنۋىن ءونىمدى ەمدەۋگە جانە دەر كەزىندە ەسەپ جابۋعا شىنايى كەپىلدىك ەتكەن. سونىمەن بىرگە، بەلگىلەنگەن شيپاحانالارعا الدىن الا 7 ميلليون 500 مىڭ يۋان بوساتىپ، جاڭا تيپتى ايدارشا ۆيرۋس وكپە قابىنۋىنا شالدىققان ناۋقاستاردى ەمدەۋ - قۇتقارۋ قاراجاتىنىڭ تياناقتانۋىنا كەپىلدىك ەتكەن. بۇدان تىس، « ەسەپتەن كوتەرۋدەگى ەرەكشە ساياساتتى قاتاڭ اتقارۋ، ءدارى - دارمەك باعاسىن شۇعىل باقىلاۋ - تەكسەرۋ تالابىن قاتاڭ اتقارۋ، ەمدەۋ قامسىزداندىرۋى ارقىلى كەدەيلەردى سۇيەمەلدەۋ قىزمەتىن تەڭ ىلگەرىلەتۋ» سياقتى شارالار قولدانىلىپ، ىندەتتەن ساقتانۋ - تىزگىندەۋ مەزگىلىندە ەمدەۋ قامتاماسىزداندىرۋ ارقىلى حالىقتى تيىمدىلىككە كەنەلتۋ ساياساتىنىڭ شىنايى، مۇقيات تياناقتانۋىنا كەپىلدىك ەتكەن.

جاۋاپتى رەداكتور: جازيرا بولاتباي قىزى