قورعاس ءتۇيىندى نىسان قۇرىلىستارىنىڭ قايتا جۇمىس باستاۋىن جەدەلدەتە ءتۇستى

  • كەلۋ قاينارى: ىلە گازەتى
  • 03:57:23 24/03/2020

    ەرىكتى تىلشىلەر گو جيە، پان يۋەيۋە قورعاستان حابارلايدى. تۇتاس ەلىمىزدىڭ جەر - جەرىندە كاسىپورىنداردىڭ جۇمىستى، ءوندىرىستى ىركىلىسسىز قالپىنا كەلتىرۋىنە ىلەسە، قورعاس قالاسىنىڭ جۇمىسشىعا سۇرانىسى كۇن سايىن ارتا ءتۇستى، 3 - ايدىڭ 19 - كۇنى 74 جۇمىسشى وتىرعان ءۇش ۇلكەن اۆتوبۋس قورعاسقا كەلىپ، قورعاس قالاسىنىڭ ءتۇيىندى نىسان قۇرىلىستارىنىڭ جۇرگىزىلۋىنە پارمەندى كەپىلدىك ازىرلەدى.

    وسى 74 جۇمىسشى دەرلىكتەي جياڭسۋدىڭ نانتۇڭ قالاسىنان كەلگەن، ولار مۇندا كەلگەننەن كەيىن 400 مىڭ شارشى مەترلىك ولشەمدى زاۆود ءۇيىنىڭ قۇرىلىسى ينجەرنەرياسىنا دەرەۋ ات سالىسادى. بۇل نىساننىڭ 1 -، 2 - مەرزىمدىك قۇرىلىسى باستىسى ماقتا توقىما بۇيىمدارىن مانەرلەۋدى نەگىز ەتەدى، 1 - مەرزىمدە جاڭادان سالىناتىن قاڭقا قۇرىلىمدى ولشەمدى 10 زاۆود عيماراتى 4 قابات بولىپ، قۇرىلىس اۋماعى 78 مىڭ شارشى مەتر كەلەدى، مۇندا 2019 - جىلى 3 - ايدا قۇرىلىس باستالىپ، جالپى 300 ميلليون يۋان قارجى سالىنعان؛ 2 - مەرزىمدىك نىساننىڭ قۇرىلىس اۋماعى 136 مىڭ شارشى مەتر بولىپ، مۇنىڭ ىشىندەگى ولشەمدى زاۆود ءۇيى قۇرىلىس اۋماعى 93 مىڭ شارشى مەتر كەلەدى، مۇندا 2019 - جىىلى 4 - ايدا قۇرىلىس باستالىپ، نىسانعا جالپى 500 ميلليون يۋان قارجى سالىنعان؛ نىسان سالىنىپ بولعاننان كەيىن قورعاستىڭ ماقتا توقىماشىلىق، مانەرلەۋ كاسىبى مەن توڭىرەگىندەگى سايكەستى كاسىپتەردىڭ جەدەل دامۋىن جەبەيتىن بولادى.

    جولعا شىعاردان بۇرىن شوفەرلەر تاسىمال كولىكتەرىن جاپپاي دەزينفەكسيالادى ءارى اۆتوموبيل ىشىنە ءبىر رەت ىستەتىلەتىن ماسكا، دەزينفەكسيا سۇيىقتىعى، دەنە تەمپەراتۋراسىن ولشەگىش سياقتى ىندەتتەن ساقتانۋ بۇيىمدارىن ازىرلەپ، بارلىق ادامنىڭ سالاۋاتىنا قاتىستى ينفورماتسيالاردى تىزىمگە الىپ، دەنە تەمپەراتۋراسىن ولشەدى. نانتۇڭ قالاسى 6 - قۇرىلىس اترەتىنىڭ باستىعى چۋ پيڭ بىلاي دەدى: «ءبىز كوكتەم مەرەكەسىنىڭ الدىندا جۇمىس توقتاعان سوڭ قايتىپ كەتكەنبىز، جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىنان باستان - اياق ءوز اتا مەكەنىمىزدە بولدىق، بۇل جاقتاعى قۇرىلىس ورنىمىزدا ىستەيتىن ىستەر ءبىرشاما كوپ ەدى، كوپشىلىكتىڭ ءبارى ابىرجۋمەن بولدى، قورعاس قالالىق ۇكىمەت بارلىق ءادىس - امالداردى قولدانىپ، بىزگە كومەكتەستى. وتىنىشتەرى بەكىتىلگەننەن كەيىن، ارناۋلى ۇلكەن اۆتوكولىكتى مايعا الىپ، ءبىزدى جۇمىس ورنىمىزعا الىپ كەلدى، جۇمىس ورنىنا كەلگەن كۇننىڭ ەرتەسى - اق جۇمىسشىلار دەرەۋ جۇمىسقا كىرىستى، ءبىز ۋاقىتتى مىقتى يگەرىپ، ساپاعا، سانعا كەپىلدىك ەتىپ، نىسان قۇرىلىسىن ورىندايمىز».

    رەسمي قۇرىلىس جۇرگىزىلۋدەن ىلگەرى قاتىستى قىزمەتكەرلەر قۇرىلىس رايونىن ميكروپسىزداندىرۋ قىزمەتىن ىستەپ، قايتا جۇمىس باستاعان جۇمىسشىلاردىڭ دەنساۋلىق حاۋىپسىزدىگىنە كەپىلدىك ەتتى. قورعاس ولشەمدەندىرىلگەن زاۆود عيماراتىنىڭ 1 ـ ، 2 ـ مەرزىمدىك نىساندارىنىڭ جاۋاپتىسى لي سىحۋاڭ بىلاي دەدى: «ٴبىرىنشى توپتاعى جۇمىسشىلار جۇمىس ورنىنا كەلىپ بولدى، 3 ـ ايدىڭ 20 ـ كۇنى جاپپاي جۇمىس باستالدى، ٴبىز كاسىپورىنداردىڭ حاۋىپسىز ٴوندىرىسى مەن جۇمىسشىلاردىڭ قورعانۋ قىزمەتىن ويداعىداي ىستەپ، جۇمىس ۋاقىتىن اقساتپاۋعا كەپىلدىك ەتەمىز».

جاۋاپتى رەداكتور: جازيرا بولاتباي قىزى