قۇلجا قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى جۇمىستى، ءوندىرىستى قالپىنا كەلتىرگەن كاسىپورىندارعا ساياساتتاردى جەتكىزىپ، قىزمەت وتەدى

  • كەلۋ قاينارى: ىلە گازەتى
  • 03:58:21 24/03/2020

    ءتىلشىمىز گۋ شۋە حابارلايدى. 3 - ايدىڭ 17 - كۇنى تۇستەن كەيىن قۇلجا قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ ەڭبەك قامتاماسىزداندىرۋىن باقىلاۋ ـ تەكسەرۋ ۇلكەن اترەتىنىڭ قىزمەتكەرلەرى ىلگەرىندى ـ كەيىندى ىلە شينتيان كومىر - حيميا ونەركاسىبى شەكتى جاۋاپكەرلىك سەرىكتىگى مەن شينجياڭ سۋيۋان بيولوگيالىق ينجەنەريا شەكتى سەرىكتەستىگىنە كەلىپ، اۆتونوميالى وبلىستىڭ ورتا، شاعىن، ۇساق كاسىپورىنداردى سۇيەمەلدەپ، جۇمىستى، ءوندىرىستى قالپىنا كەلتىرۋىنە تيىمدىلىك جاساۋ شارالارىن ۇگىتتەپ، كاسىپورىنداردىڭ جۇمىس ورنىنا قايتقان قىزمەتكەرلەردىڭ ءتۇرلى قىزمەتتەرىن ويداعىداي ىستەۋىنە جەتەكشىلىك ەتىپ، ىندەتتەن ساقتانۋ - تىزگىندەۋ مەن كاسىپورىنداردىڭ جۇمىستى، ءوندىرىستى قالپىنا كەلتىرۋ سىندى ەكى قىزمەتتى دە اقساتپاي، ەكەۋىن بىردەي جەبەۋگە شىنايى كەپىلدىك ەتتى.

    كاسىپورىندارعا بارعاندا، قۇلجا قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ قىزمەتكەرلەرى كاسىپورىنداردىڭ جۇمىستى، ءوندىرىستى قالپىنا كەلتىرۋ، مەملەكەت ساياساتىنان يگىلىكتەنۋ جاعدايىن ەگجەي ـ تەگجەيلى ۇعىسىپ، ىندەتتەن ساقتانۋ - تىزگىندەۋ مەزگىلىندە ورنىقتى كاسىپتەندىرۋ شارالارى، قوعامدىق قامتاماسىزداندىرۋ قاراجاتىن مەرزىمدىك كەشىرىم ەتۋ، جۇمىس ورنىن ورنىقتىرعاندارعا قامسىزداندىرۋ قاراجاتىن قايتارىپ بەرۋ ساياساتىن اتقارۋ جونىندە ۇگىت - لەكسيا جاسادى، سونداي - اق كاسىپورىنداردىڭ جۇمىسشى ىستەتۋ جاعىندا ءدوپ كەلگەن ءىس جۇزىندىك ماسەلەلەرىنە قاراتا ساياساتتىق جاقتان قىزمەت وتەدى جانە وعان جۇيەلى جەتەكشىلىك ەتتى.

    جۇمىستى، ءوندىرىستى قالپىنا كەلتىرگەن كاسىپورىندار ءبىر كۇن بۇرىن قالىپتى اينالىمعا تۇسسە، ىندەت سالدارىنان تۋىلعان زياننىڭ ورنىن جەدەل تولىقتاي الادى. ۋاقىتتان ونىمدىلىككە قۇلشىنۋ ءۇشىن، اۆتونوميالى وبلىستىق، قۇلجا قالالىق ادام كۇشى بايلىعى جانە قوعامدىق قامتاماسىزداندىرۋ تاراۋلارىنىڭ قىزمەتكەرلەرى ۇستەمە قىزمەت وتەپ، دەمالىس كۇندەرىندە دە دەم الماي، تەكسەرىپ، ساناققا الىپ، جۇمىستى قايتا قالپىنا كەلتىرگەن كاسىپورىنداردىڭ جۇمىسشى ىستەتۋ قاجەتىن جەلىگە شىعارىپ وتىردى. سونىمەن بىرگە، ىسكەرلەردى تاڭداپ الىپ، قىزمەت وتەۋ ارناۋلى ءبانىن قۇرىپ، ىرىقتىلىقپەن ىسكە كىرىسىپ، جۇمىستى، ءوندىرىستى قالپىنا كەلتىرگەن كاسىپورىندارعا «تۇيىندەر» بويىنشا قىزمەت وتەپ، كاسىپورىنداردىڭ جۇمىستى، ءوندىرىستى قالپىنا كەلتىرۋىنە بارىنشا كەپىلدىك ەتتى.

    «جاقىنعى بىرنەشە كۇندە ءبىز قۇلجا قالاسىنداعى جۇمىستى، ءوندىرىستى قالپىنا كەلتىرگەن كاسىپورىندارعا ارالاپ ۇگىت ـ لەكسيا جاساپ، جۇمىستى، ءوندىرىستى قالپىنا كەلتىرگەن كاسىپورىنداردىڭ جۇمىس ورنىن ورنىقتىرۋ قوسىمشا قاراجاتى مەن قوعامدىق قامتاماسىزداندىرۋ اقىسىن ازايتۋ نەمەسە كەشىرىم ەتۋ ساياساتىنان يگىلىكتەنۋىن قامتاماسىزداندىردىق، ىندەتتەن ساقتانۋ - تىزگىندەۋ مەزگىلىندە جۇمىسقا شىعا الماعان جۇمىسشىلاردىڭ ەڭ تومەنگى قامتاماسىزداندىرۋ ەڭبەكاقىسى %70 تەن تومەن بولماۋ ساياساتىنان يگىلىكتەنۋىنە كەپىلدىك ەتىپ، كاسىپورىندار مەن جۇمىسشىلاردىڭ جاراسىمدى ەڭبەك قاتىناسىن ورناتۋىنا كۇش سالدىق» دەدى قۇلجا قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ پارتگرۋپپا مۇشەسى، ەڭبەك قامتاماسىزداندىرۋ باقىلاۋ ـ تەكسەرۋ ۇلكەن اترەتىنىڭ باستىعى گو چاڭجيە.

    ادام كۇشى بايلىعى جانە قوعامدىق قامتاماسىزداندىرۋ تاراۋلارى ساياساتتاردى جەتكىزىپ، قىزمەت وتەپ، كاسىپورىندارعا قولايلىق جەتكىزدى، جىلى لەبىز ءبىلدىرىپ، جٷمىستى قالپىنا كەلتىرگەن كاسىپورىنشىلاردىڭ كوڭىلىن توعايتىپ، ولارعا ءۇمىت باعىشتادى. «بۇگىن ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ قىزمەتكەرلەرى ىرىقتىلىقپەن كاسىپورىنىمىزعا كەلىپ، پارتيا مەن ۇكىمەتتىڭ جۇمىستى، ءوندىرىستى قالپىنا كەلتىرۋدى قولداۋ جونىندەگى ءتيىمدى ساياساتتارىن جەتكىزىپ، كاسىپورىنداردىڭ جۇمىستى، ءوندىرىستى قالپىنا كەلتىرۋدە جولىققان ماسەلەلەرىنە بەتپە ـ بەت جاۋاپ بەرىپ، بىزگە زور كومەك كورسەتتى» دەدى ىلە شينتيان كومىر ـ حيميا شەكتى جاۋاپكەرلىك سەرىكتەستىگىنىڭ باس ديرەكتورى ۋاڭ - ي.

جاۋاپتى رەداكتور: جازيرا بولاتباي قىزى