رايونىمىز 17 مىڭ كاسىپورىنعا جۇمىس ورنىن ورنىقتىرۋ قوسىمشا قاراجاتىنان 132 ميلليون يۋان تاراتتى

  • كەلۋ قاينارى: شينجياڭ گازەتى تورابى
  • 08:17:05 24/03/2020

    گازەتىمىزدىڭ جالپىلىق اقپارات قۇرالدارى ءتىلشىسى لي چۇنشيا 3 - ايدىڭ 22 - كۇنى ۇرىمجىدەن حابارلايدى. ”2 - ايدىڭ سوڭىندا، ءوتىنىش بەرۋ جانە جەلىدە جۇمىس ءبىتىرۋ ارقىلى 28 مىڭ يۋان جۇمىس ورنىن ورنىقتىرۋ قوسىمشا قاراجاتىن الدىق، بۇل كاسىپورىننىڭ اۋىرتپالىعىن جەڭىلدەتۋ، جۇمىسشى - قىزمەتكەرلەر قوسىنىن ورنىقتىرۋ جونىنەن بەلسەندى رول اتقاردى“، - دەدى 3 - ايدىڭ 22 - كۇنى شينجياڭ جيۋشىڭحى تۇقىم شارۋاشىلىعى شەكتى جارنا سەرىكتەستىگى پارتكومىنىڭ شۋجيى فان شياڭدۇڭ.

    اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ساناعىنا قاراعاندا، 3 - ايدىڭ 10 - كۇنىنە دەيىن رايونىمىز جۇمىس ورنىن ورنىقتىرۋ قوسىمشا قاراجاتىنان 132 ميلليون يۋان تاراتىپ، 17 مىڭ كاسىپورىندى، 431 مىڭ جۇمىسشى - قىزمەتكەردى يگىلىككە كەنەلتكەن.

    جۇمىس ورنىن ورنىقتىرۋ ءۇشىن، رايونىمىز جۇمىسسىزدىق قامسىزداندىرۋىنىڭ كاسىپورىنداردىڭ جۇمىس ورنىن ورنىقتىرۋىنا كومەك بەرۋ سەرپىنىن ارتتىرىپ، جۇمىسشى - قىزمەتكەرلەردى قىسقارتپاعان نەمەسە از قىسقارتقان قامسىزداندىرۋعا قاتىناسقان كاسىپورىندارعا بىلتىر ءىس جۇزىندە تاپسىرعان جۇمىسسىزدىق قامسىزداندىرۋ اقىسىنىڭ %50ى بويىنشا قايتارىپ بەردى (وڭتۇستىك شينجياڭداعى 4 ايماق، وبلىستا %60 بويىنشا)، ۋاقىتشا قيىنشىلىققا ءدوپ كەلگەن ءارى قالپىنا كەلۋدەن ءۇمىت بار، جۇمىسشى - قىزمەتكەرلەردى قىسقارتپاعان، از قىسقارتقان قيىنشىلىعى بار كاسىپورىندارعا ساياساتتى اتقارۋ مەرزىمىن 2020 - جىلى 12 - ايدىڭ 31 - كۇنىنە دەيىن ۇزارتتى؛ ورتا، شاعىن، ۇساق كاسىپورىنداردىڭ جۇمىس ورنىن ورنىقتىرۋ بويىنشا قايتارىپ بەرۋ ساياساتىنان يگىلىكتەنۋ اۋماعىن كەڭەيتىپ، ىندەت كەزىندە ورتا، شاعىن، ۇساق كاسىپورىنداردىڭ جۇمىسشى - قىزمەتكەر قىسقارتۋ سالىستىرماسى ولشەمىن %5.5تەن جوعارىلاتپادى، قامسىزداندىرۋعا قاتىناسقان، ادامى 30دان (قامتيدى) تومەن كاسىپورىنداردىڭ جۇمىسشى - قىزمەتكەر قىسقارتۋ سالىستىرماسىن كاسىپورىن جۇمىسشى - قىزمەتكەرلەرى جالپى سانىنىڭ %20 ىنەن اسىرمادى؛ جۇمىسسىزدىق قامسىزداندىرۋ اقىسى سالىستىرماسىن كەزەڭدىك ازايتۋ ساياساتىن ۇزدىكسىز اتقارىپ، اتقارۋ مەرزىمىن 2021 - جىلى 4 - ايدىڭ 30 - كۇنىنە دەيىن ۇزارتىپ، اقى تاپسىراتىن ورىنداردىڭ اۋىرتپالىعىن شىن مانىندە جەڭىلدەتتى.

    اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى جۇمىسسىزدىق قامسىزداندىرۋ باسقارماسىنىڭ باستىعى يان كىميڭنىڭ تانىستىرۋىنا قاراعاندا، رايونىمىز جۇمىسسىزدىق قامسىزداندىرۋ اقىسىن جۇمىس ورنىن ورنىقتىرۋ بويىنشا قايتارىپ بەرۋ قىزمەتىن جەدەلدەتىپ، جەدەل ىستەلەتىن ىستەردى جەدەل ءبىتىرىپ، ەرەكشە ىستەردى ەرەكشە ءبىتىرىپ، 3 - ايدىڭ سوڭىنان بۇرىن ورتا، شاعىن، ۇساق كاسىپورىنداردىڭ جۇمىس ورنىن ورنىقتىرۋ بويىنشا قايتارىپ بەرۋ قارجىسىن نەگىزىنەن تاراتۋعا كۇش سالىپ جاتىر ەكەن؛ 4 - ايدىڭ سوڭىنان بۇرىن قيىنشىلىعى بار كاسىپورىندارعا جۇمىس ورنىن ورنىقتىرۋ بويىنشا قايتارىپ بەرۋ قىزمەتىن تۇگەلدەي ورىستەتىپ، جۇمىسقا كوپ قابىلداعان جەتەكشى كاسىپورىندارعا ءتۇيىندى قولداۋ كورسەتىپ، ەمدەۋ زاتتىق ماتەريالدارى، الەۋمەتتىك ىستەر، بۇقارالىق تۇرمىسقا قاجەتتى بۇيىم سياقتى زاتتىق ماتەريالدارمەن قامتاماسىز ەتەتىن، قامدايتىن كاسىپورىندارعا بەيىمدەلەدى، قولداۋ كورسەتەدى ەكەن.

    ساياساتتىڭ پايداسىن ۇزدىكسىز جارىققا شىعارۋ ءۇشىن، رايونىمىز قايتارىپ بەرۋ ءتارتىبىن ساپالىلاندىرىپ، ينفورماتسيالاندىرۋ ءتاسىلى ارقىلى شارتقا ۇيلەسەتىن كاسىپورىنداردى سارالاپ شىعىپ، تەلەفون شالۋ، ينفورماتسيا جىبەرۋ، ىرىقتى تۇردە بايلانىس جاساۋ سياقتى تاسىلدەردى قولدانىپ، ”بىرگە ءبىر“ بويىنشا كاسىپورىندارعا حابارلاپ، ءوتىنىش ەتۋ بۋىندارىن ىقشامداپ، قايتارىپ بەرۋ ءتارتىبىن ساپالىلاندىرىپ، ”كاسىپورىننىڭ قوسىمشا قاراجات ىزدەۋىن“ ”قوسىمشا قاراجات كاسىپورىندى ىزدەۋگە“ اينالدىرىپ، قايتارىپ بەرۋدىڭ تۇتاس بارىسىندا ءبىر رەت تە جۇگىرتپەۋدى جۇزەگە اسىردى.

جاۋاپتى رەداكتور: جازيرا بولاتباي قىزى