وبلىستىڭ قاتىناس - تاسىمال تاراۋلارى تاس جول قاتىناس تورابىنىڭ ىركىلىسسىزدىگىنە كەپىلدىك ەتتى

  • كەلۋ قاينارى: ىلە گازەتى
  • 03:18:44 25/03/2020

    جولاۋشى تاسىمالى كاسىبىندە جۇمىس پەن ءوندىرىس %100 قالپىنا كەلتىرىلدى، جاسىل اۋىل شارۋاشىلىق ونىمدەرىن تاسىمالدايتىن اۆتوكولىكتەر جىل بويى اقىسىز قاتىنايتىن بولدى

    

    ءتىلشىمىز شى شۋەحۇڭ حابارلايدى. اۆتونوميالى وبلىستىڭ قاتىناس - تاسىمال تاراۋلارى وبلىسقا توتە قاراستى ورىندارداعى تاس جول قاتىناس تورابىنىڭ ىركىلىسسىزدىگىنە كۇش سالا كەپىلدىك ەتىپ، تاس جولداعى اقى الۋ پۋنكتتەرىندە اۆتوكولىكتەردى اقسىز وتكىزۋگە قىزمەت وتەۋدى جالپىلاستىرىپ، زات تاسىمالىنىڭ ءارى تەز، ءارى ءونىمدى بولۋىن قامتاماسىز ەتتى. 3 -ايدىڭ 15 -كۇنىنە دەيىن وبلىسقا توتە قاراستى قالالاردىڭ جولاۋشى تاسىمال سالاسىندا جۇمىس پەن ءوندىرىستىڭ قالپىنا كەلۋى %100 كە جەتتى؛ تاس جولداعى اقى الۋ پۋنكتتەرى 303 مىڭ 579 اۆتوكولىكتىڭ تاس جولدا قاتىناۋ اقىسىنان 10 ميلليون 678 مىڭ 45 يۋان 17 تيىندى كەشىرىم ەتتى.

    ىندەتتەن ساقتانۋ - تىزگىندەۋ بارىسىندا وبلىستىڭ قاتىناس - تاسىمال تاراۋلارى ءتۇرلى تاسىمال قىزمەت وتەۋىن بەلسەنە ورىستەتىپ، ورتا، شاعىن، ۇساق كاسىپورىنداردىڭ ءوندىرىس تيجاراتىنا قاجەتتى شيكىزات پەن تىكە ساتاتىن ونىمدەرىن وبلىسقا توتە قاراستى اۋدان، قالالارعا تاسىمالداۋىنا ىركىلىسسىز ارنا اشىپ، بەكىتۋدەن وتكىزبەي تۇرىپ ءوز الدارىنا توسقاۋىل قويىپ، اۆتوكولىكتەردەن اقى الۋ ارەكەتتەرىنە قاتاڭ تيىم سالدى. زات جانە ادام تاسىمالىن ويداعىداي قامتاماسىزداندىرىپ، وبلىسقا توتە قاراستى ورىندارداعى ءار كاسىپ، ءار سالانىڭ جۇمىس پەن ءوندىرىستى قالپىنا كەلتىرۋىنە بارىنشا دەم بەردى.

    «وبلىسقا توتە قاراستى ورىندارداعى 17 اقى الۋ پۋنكتىندە جاسىل اۋىل شارۋاشىلىق ونىمدەرىن تاسىمالداعان اۆتوكولىكتىڭ تۇتاس جىلدا اقىسىز قاتىناۋىنا رۇقسات ەتىلدى» دەدى 3 -ايدىڭ 18 -كۇنى وبلىستىق قاتىناس -تاسىمال مەكەمەسى پارتگرۋپپاسىنىڭ ورىنباسار شۋجيى، مەكەمە باستىعى ۋاڭ چىڭ تىلشىگە. ول تاعى بىلاي دەدى: وبلىسقا توتە قاراستى ورىندارداعى تاس جول قاتىناس تورابىنىڭ ىركىلىسسىزدىگىنە بارىنشا كەپىلدىك ەتۋ ءۇشىن، وبلىسقا توتە قاراستى ورىندارداعى قاتىناس - تاسىمال سالاسىنداعى 10 مىڭنان استام پارتيالى كادر - قىزمەتشى ىندەتتەن ساقتانۋ - تىزگىندەۋدىڭ ءبىرىنشى شەبىندە تاباندىلىقپەن قىزمەت ىستەپ، 2 مىڭ كيلومەتردەن اساتىن مەملەكەت، ولكە تاس جول نەگىزگى لەنياسى مەن 12 مىڭ كيلومەترلىك اۋدان، اۋىل، قىستاق تاس جولىنىڭ ىركىلىسسىزدىگىنە كەپىلدىك ەتىپ، ىندەتتەن ساقتانۋ-تىزگىندەۋدى جانە ىركىلىسسىزدىككە كەپىلدىك ەتۋدى 24 ساعات توقتاتپاۋدى جۇزەگە اسىردى. سونىمەن بىرگە، وبلىسقا توتە قاراستى ورىندارداعى قاتىناس ساقشى اترەتى سياقتى قاتىستى تاراۋلارمەن سەلبەسە جۇمىس ىستەگەندىكتەن، ءبىر رەتتە بوگەلۋ، جول توسىلۋ سياقتى جاعدايلار تۋىلمادى.

    قازىر وبلىستىڭ قاتىناس - تاسىمال تاراۋلارى «ءۇشتى بولعىزباۋ، بىرگە الدىمەن جول بەرۋ» (اۆتوكولىكتى توقتاتپاۋ، تەكسەرمەۋ، اقى الماۋ، الدىمەن قاتىناۋ) پرينسيبىندە ۇزدىكسىز تاباندى بولىپ، 17 ىركىلىسسىز ارنا اشىپ، وبلىسقا توتە قاراستى ورىندارداعى ءتۇيىندى وندىرىستىك، تۇرمىستىق زاتتاردىڭ تەز تاسىمالدانۋىن الدىمەن ويلاستى. 3 - ايدىڭ 8 - كۇنىنە دەيىن وبلىسقا توتە قاراستى ورىندار جالپى 7 مىڭ 319 شۇعىل قاجەتتى جولاۋشىلار كولىگىن، الەۋمەتتىك قاتىناس كولىگىن، كىرە اۆتوكولىگىن ىسكە قوسىپ، 171 مىڭ 839 ادام (رەت) جولاۋشى تاسىمالدادى؛ شۇعىل قاجەتتى زات تاسىمالدايتىن 10 مىڭ 397 جۇك كولىگىن ورنالاستىرىپ، 138 مىڭ 17 توننا شۇعىل قاجەتتى زاتتاردى تاسىمالدادى.

جاۋاپتى رەداكتور: جازيرا بولاتباي قىزى