اۆتونوميالى وبلىس كەدەيلىكتەن ارىلتۋدان قامال الۋ شايقاسىن اشىق - اشكەرە قاداعالاۋ جونىندە بەينەجازبا كۋرسىسىن اشتى

  • كەلۋ قاينارى: ىلە گازەتى
  • 03:19:51 25/03/2020

    ءتىلشىمىز لي شين - ان، ما چىڭلۋ حابارلايدى. 3 - ايدىڭ 22 - كۇنى تۇستەن بۇرىن اۆتونوميالى وبلىس كەدەيلىكتەن ارىلتۋدان قامال الۋ شايقاسىن اشىق - اشكەرە قاداعالاۋ جونىندە بەينەجازبا ءماجىلىسىن اشىپ، باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، باس شۋجي شي جينپيڭنىڭ كەدەيلىكتەن ارىلتۋدان قامال الۋدىڭ شەشۋشى جەڭىسىنە قول جەتكىزۋ جونىندەگى اڭگىمە ماجىلىسىندەگى ماڭىزدى ءسوزىنىڭ رۋحىن ىشكەرىلەي تياناقتاندىرىپ، ج ك پ اۆتونوميالى رايوندىق 9 ـ كەزەكتى كوميتەتىنىڭ 9 ـ رەتكى جالپى ٴماجىلىسىنىڭ رۋحىن، اسىرەسە، اۆتونوميالى رايوندىق پارتكومنىڭ شايقاستى اشىق - اشكەرە قاداعالاۋ جونىندەگى ماڭىزدى ورنالاستىرۋلارىن ويداعىداي دايەكتى تياناقتاندىرىپ، بۇكىل وبلىس بويىنشا جوعارىدان تومەنگە دەيىن شايقاستى اشىق - اشكەرە قاداعالاۋدىڭ ماڭىزدى ٴمانىن، مىندەتىن، تالابىن جانە ناقتى شارالارىن تەرەڭ ٴتۇسىنىپ، شايقاستى قاداعالاۋ، شايقاس جۇرگىزۋ قابىلەتى مەن دەڭگەيىن جوعارىلاتىپ، شايقاستى اشىق - اشكەرە قاداعالاۋ قىزمەتىن تىڭعىلىقتى جاقسى ىستەپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋگە كەپىلدىك ەتتى.

    اۆتونوميالى رايوندىق كەدەيلەردى سۇيەمەلدەۋ كەڭسەسىنىڭ ورىنباسار مەڭگەرۋشىسى ليۋ كايچين ناق مايداندا ساباق ءوتتى. ول باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارىنان العان اسەرلەرىن، اۆتونوميالى رايوننىڭ كەدەيلىكتەن قامال الۋداعى تابىستى تاجىريبەلەرىن، اۆتونوميالى رايوننىڭ 2020 ـ جىلعى كەدەيلىكتەن ارىلتۋدان قامال الۋداعى نەگىزگى قىزمەتتەرىن جانە «ٴۇشتى تياناقتاندىرۋ» ساياساتىن ءتۇسىندىرۋ سىندى 4 جاقتان باس شۋجي شي جينپيڭنىڭ كەدەيلىكتەن ارىلتۋدان قامال الۋ ستراتەگيالىق يدەياسىنىڭ ارقاۋى جونىندەگى تۇسىنىگىن ورتاعا سالىپ، بۇكىل شينجياڭنىڭ كەدەيلىكتەن ارىلتۋدان قامال الۋدا قول جەتكىزگەن تابىستارىن تەرەڭ قورىتىندىلاپ، بيىل كەدەيلىكتەن ارىلتۋدان قامال الۋداعى 11 جاقتاعى ٴتۇيىندى قىزمەتتى جاپپاي سارالاپ، «ٴۇشتى تياناقتاندىرۋدىڭ» ناقتى تالاپتارى مەن شارالارىن ەگجەي ـ تەگجەيلى ٴتۇسىندىرىپ، وبلىسقا قاراستى ورىندارداعى كادرلارعا نەگىزگى تاقىرىبى ايقىن، ٴتۇيىنى كورنەكتى، باي مازمۇندى ساباق ءوتتى.

    وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلى كۋرستى باسقاردى. ول كۋرس اياقتالعان كەزدەگى قورىتىندى سوزىندە بىلاي دەدى:«اۋداندار، قالالار، تاراۋلار مۇقيات ۇيرەنىپ، ٴتۇسىنىپ، ۇيرەنۋ جەتىستىكتەرىن امالياتقا جەتەكشىلىك ەتەتىن، قىزمەتتى ىلگەرىلەتەتىن ناقتى ارەكەتكە اينالدىرۋى كەرەك».

    وبلىسقا توتە قاراستى ورىنداردىڭ كەدەيلىكتەن ارىلتۋدان قامال الۋ شايقاسىن اشىق - اشكەرە قاداعالاۋ قىزمەتىن ويداعىداي ىستەۋ جونىندە قۇرماش سىرجان ۇلى مىنالاردى تالاپ ەتتى: «ساياسي تۇرعىنى جوعارىلاتىپ، يدەيالىق تانىمدى تەرەڭدەتۋ؛ شايقاستى قاداعالاۋدىڭ ٴتۇيىنىن كورنەكتىلەندىرىپ، شايقاستى قاداعالاۋدىڭ جاۋاپكەرلىگىن تياناقتاندىرۋ؛ ۇيىمدىق باسشىلىقتى كۇشەيتىپ، كەدەيلىكتەن ارىلتۋ ساپاسىن قاتاڭ يگەرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە كۇش سالۋ كەرەك».

    جاۋ تيانجيە، جياۋ ي - مين، سەرجان ۇعىباي ۇلى، پارحات ءسايدي، كۇلان سەيپىلقان قىزى، تاۋ چيڭسۇڭ قاتارلى وبلىستىڭ ٴتورت باسشىلىق القاسىنىڭ باسشىلارى جانە اۆتونوميالى وبلىستىڭ قاتىستى تاراۋلارىنداعى جاۋاپتى جولداستار نەگىزگى ٴماجىلىس الاڭىندا ماجىلىسكە قاتىناستى. كۋرس وبلىسقا قاراستى اۋدان، قالا، اۋىل ـ قالاشىقتارداعى بولىمشە ٴماجىلىس الاڭىندا بەينەجازبا فورماسىندا اشىلدى.

جاۋاپتى رەداكتور: جازيرا بولاتباي قىزى