وبلىسقا توتە قاراستى ورتا، شاعىن، ۇساق كاسىپورىندار ٴوندىرىستى قالپىنا كەلتىرىپ، جەدەل دامۋ ارناسىنا ٴتۇستى

  • كەلۋ قاينارى: ىلە گازەتى
  • 03:26:28 25/03/2020

    ٴتىلشىمىز جي شيانفىڭ حابارلايدى. 3 - ايدىڭ 21 - كۇنى تۇستەن كەيىن، «قارنىڭىز اشتى ما» دەگەن جازۋى بار كوك ءتۇستى جۇمىس كيىمىن كيىپ، ۇلكەندى - كىشىلى كوشەلەردى ارالاپ جۇرگەن ازاتجان تۇرسىنجان ۇلى ءوزىن وتە باقىتتى سەزىندى. ويتكەنى بۇل جولعى ىندەت ونى جۇمىسسىز قالدىرعاندى قويىپ، قايتا كىرىسى دە ايتارلىقتاي بولدى.

    ءبىر ايدىڭ الدىندا، ازاتجان دوستارىنىڭ تانىستىرۋىمەن ۇسىنىس بويىنشا قۇلجا قالاسىنداعى «قارنىڭىز اشتى ما» اتىنداعى تيجارات ورتالىعىنا كەلىپ قىزمەت ىستەيدى. 3 ـ ايدىڭ 6 ـ كۇنى ازاتجان جۇمىس ورنىنا قايتىپ ورالۋشىلاردىڭ تىزىمدىگىنە ەنگىزىلدى، ونىڭ ماقساتى - ۇستازى تۇرابەك اقىنباي ۇلى سياقتى «ايتۋلى» تاماق جەتكىزۋشى بولۋ ەدى. بۇل كۇندەرى ۇستازىنىڭ ايلىق كىرىسى 8 مىڭ يۋاننان اسىپ، قۇلجا قالاسىنان ٴۇي ساتىپ الدى.

    ورتا، شاعىن، ۇساق كاسىپورىندار - وبلىسقا توتە قاراستى ورىنداردا ناقتى ەكونوميكانىڭ ماڭىزدى قۇرامداس بولەگى سانالۋمەن بىرگە، بوس ەڭبەككۇشتەردى جۇمىسقا قابىلداۋداعى نەگىزگى قوسىنداردىڭ ءبىرى. كوپتەگەن ورتا، شاعىن، ۇساق كاسىپورىنداردىڭ جۇمىستى، ٴوندىرىستى جاپپاي قالپىنا كەلتىرۋىنە ىلەسە، وبلىسقا توتە قاراستى ورىندار بيىل كەدەيلىكتەن ارىلتۋدان قامال الۋدىڭ شەشۋشى جەڭىسىنە قول جەتكىزۋىنە دە بەرىك نەگىز قالاندى.

    قۇلجا قالاسىنداعى «قارنىڭىز اشتى ما» اتىنداعى تيجارات ورتالىعىنىڭ باس باقىلاۋشىسى ليۋ بيڭ تىلشىگە:«جۇمىستى، ٴوندىرىستى قالپىنا كەلتىرگەننەن كەيىن، ٴبىز ٴتۇرلى تاسىلدەر ارقىلى 40 نەشە كەدەيدى جۇمىسقا ورنالاستىردىق، قازىرگە دەيىن 100 شامالى جۇمىس ورنى بوس تۇر. ءبىز ٴمالى باسقارماسى، كەدەيلەردى سۇيەمەلدەۋ كەڭسەسى، «58 تۇڭچىڭ» سايىتى جانە ءتۇرلى قىزمەتكەر قابىلداۋ سايتتارى، الەۋمەتتىك تەكشەلەر ارقىلى قىزمەتكەر قابىلداپ جاتىرمىز، ءبىز وسى ارقىلى ءبىر جاعىنان، كاسىپورىننىڭ جۇمىسشى ىستەتۋ قيىن بولۋ ماسەلەسىن شەشسەك، ەندى ٴبىر جاعىنان، كەدەيلەردى قىزمەت ورنىمەن قامداۋعا كەپىلدىك ەتەمىز» دەدى.

    ۇعىسۋعا قاراعاندا، وبلىسقا توتە قاراستى ورىندار اۆتونوميالى رايوننىڭ «جاڭا تيپتى ايدارشا ۆيرۋس وكپە قابىنۋى ىندەت جاعدايىنا توتەپ بەرىپ، ورتا، شاعىن، ۇساق كاسىپورىنداردىڭ جۇمىستى، ءوندىرىستى قالپىنا كەلتىرىپ، اقاۋسىز دامۋىن قولداۋ جونىندەگى 16 تارماقتى شاراسىن» جانە اۆتونوميالى وبلىستىڭ «جاڭا تيپتى ايدارشا ۆيرۋس وكپە قابىنۋى ىندەت جاعدايىنا توتەپ بەرىپ، ورتا، شاعىن، ۇساق كاسىپورىنداردىڭ ورنىقتى، اقاۋسىز دامۋىن قولداۋ جونىندەگى پىكىرىن» دەر كەزىندە تياناقتاندىرىپ،«ينتەرنەت +» فورماسىنداعى كاسىپتەنۋگە، شارۋاشىلىق قۇرۋعا قىزمەت وتەۋدى بەلسەنە ورىستەتىپ، ءتۇرلى يكەمدى جۇمىسشى ىستەتۋ ينفورماتسيا تەكشەلەرىنىڭ رولىن ساۋلەلەندىرۋدى قولداعان جانە وعان شابىت بەرگەن، وسىلايشا قىزمەتكەرلەردىڭ شوعىرلانۋىن ءونىمدى ازايتىپ قالماستان، جۇمىسشى ىستەتۋدىڭ قيىن بولۋ ماسەلەسىن جەڭىلدەتكەن. «2020 - جىلعى ىلەدەگى ورتا، شاعىن، ۇساق كاسىپورىنداردىڭ كوكتەمگى توراپتا جۇمىسشى قابىلداۋ جينالىسىن» ورىستەتىپ، توراپتا جۇمىسشى قابىلداۋدى وراي ەتىپ، ورتا، شاعىن، ۇساق كاسىپورىندار مەن جۇمىس ىزدەۋشىلەردىڭ اۋىس - كۇيىس، ىقپالداستىق جانە ينفورماتسيادان ورتاق يگىلىكتەنۋدەي ءونىمدى تەكشەسىن قۇرىپ، ورتا، شاعىن، ۇساق كاسىپورىنداردىڭ دارىندىلار ينفورماتسياسىن كۇن ىلگەرى ازىرلەپ، جۇمىس قالپىنا كەلگەننەن كەيىنگى جۇمىسشى قابىلداۋدىڭ قيىن بولۋ ماسەلەسىن باسەڭدەتكەن.

جاۋاپتى رەداكتور: جازيرا بولاتباي قىزى