ۇشاق مايعا العان 177 قۇرىلىس جۇمىسشىسى ىلەگە كەلىپ جۇمىسقا قايتا كىرىستى

  • كەلۋ قاينارى: ىلە گازەتى
  • 03:29:49 25/03/2020

    مەملەكەت تاس جولى 578 - لەنياسىنىڭ ءدوڭمازاردان نىلقىعا دەيىنگى 1 - دارەجەلى تاس جول بولەگىن جالعاستى سالۋ نىسانىندا قايتا جۇمىس باستالدى

    

    ءتىلشىمىز شى شۋەحۇڭ حابارلايدى. 3 - ايدىڭ 19 - كۇنى مەملەكەت تاس جولى 578 - لەنياسىنىڭ ءدوڭمازاردان نىلقىعا دەيىنگى 1 - دارەجەلى تاس جول بولەگىن جالعاستى سالۋ نىسانى قۇرىلىسىن قايتا باستاۋعا قاتىناساتىن 177 قۇرىلىسشى وتىرعان مايعا الىنعان كەزەكتى ۇشاق چىڭدۋدان قۇلجا اۋەجايىنا كەلىپ قوندى. قازىر بۇل نىسان قامال الۋ ساتىسىنا ءوتتى، ينجەنەريانىڭ قۇرىلىس ۋاقىتى تىعىز، مىندەت اۋىر بولعاندىقتان، قۇرىلىسشىلار ءىس جۇزىندىك ارەكەتتەرى ارقىلى نىساندا جۇمىس باستاپ قۇرىلىس جۇرگىزۋ قارقىنىن ارتتىرادى.

    وبلىستىق قاتىناس - تاسىمال مەكەمەسى ىندەتتەن ساقتانۋ - تىزگىندەۋ قىزمەتىن ماڭداي الدى ورىنعا قويىپ، ءتۇرلى شارالاردى تەڭ قولدانىپ، جۇمىستى، ءوندىرىستى قالپىنا كەلتىرۋ قىزمەتىن ويداعىداي ورنالاستىرىپ، ىندەتتەن ساقتانۋ - تىزگىندەۋدى ءوندىرىستى، تۇرمىستى قامتاماسىزداندىرۋمەن تەڭ ورنالاستىردى. وسى مەكەمەنىڭ ورىنباسار باستىعى جوۋ شياڭچياڭ تىلشىگە بىلاي دەدى: وبلىسقا توتە قاراستى ورىندار بيىل 6 مەملەكەت، ولكە تاس جولى نەگىزگى لەنياسىندا جۇمىس باستاۋدى جوسپارلادى، مۇنىڭ ىشىندە جالعاستىرىپ سالىناتىن نىسان ەكەۋ، ولار: مەملەكەت تاس جولى 578 - لەنياسىنىڭ ءدوڭمازاردان نىلقىعا دەيىنگى 1 - دارەجەلى تاس جول بولەگى؛ مەملەكەت تاس جولى 219 - لەنياسىنىڭ دۋلات وتكەلىنەن موڭعۇلكۇرەگە دەيىنگى 2 - دارەجەلى تاس جول بولەگى. 3 - ايدىڭ سوڭىنان بۇرىن ەكى نىساندا جاپپاي قايتا جۇمىس باستالادى.

    نىسان قۇرىلىسىن قايتا باستايتىنداردان وبلىسقا توتە قاراستى ءارقايسى اۋدان، قالالاردىڭ وزدەرىنىڭ سالاۋاتتارىن تۇراقتاندىرۋدى بۇكىلدەي ىرىقتى تۇردە قابىلداۋى، ىندەتتەن ساقتانۋ - تىزگىندەۋگە قاتىستى شارالاردى ويداعىداي ىستەۋى جاپپاي تالاپ ەتىلەدى؛ جۇمىستى، ءوندىرىستى قايتا قالپىنا كەلتىرگەن قۇرىلىس جۇمىسشىلارى قۇرىلىس ورنىنا بارعان سوڭ ىندەتتەن ساقتانۋ - تىزگىندەۋ تالابىنا قاتاڭ بويسۇنىپ، ىندەتتەن ساقتانۋ - تىزگىندەۋدىڭ ءتۇرلى قىزمەتتەرىن ويداعىداي ىستەپ، ىندەتتەن ساقتانۋ - تىزگىندەۋ مەن نىسان قۇرىلىسىنىڭ ەكەۋىن دە اقساتپاۋعا شىنايى كەپىلدىك ەتۋى كەرەك.

    مەملەكەت تاس جولى 578 - لەنياسىنىڭ ءدوڭمازاردان نىلقىعا دەيىنگى 1 - دارەجەلى تاس جول بولەگىن جالعاستى سالۋ نىسانىنىڭ جاۋاپتىسى حۋاڭ يۇيياۋ بىلاي دەدى: نىسان ءبولىمى جەرگىلىكتى ۇكىمەتپەن بەلسەنە اۋىس - كۇيىس جاساپ، سايكەسىپ، ىندەتتەن ساقتانۋ - تىزگىندەۋ مەن قايتا جۇمىس باستاۋ قىزمەتىن جاپپاي ويداعىداي ىستەپ، بيىل 10 - ايدىڭ سوڭىنا دەيىن نىسان قۇرىلىسىن اياقتاۋعا كەپىلدىك ەتەدى. وسى نىسان ءبولىمى وبلىستىق قاتىناس - تاسىمال مەكەمەسىمەن، قۇلجا اۋداندىق قاتىناس - تاسىمال مەكەمەسىمەن، سونداي - اق نىلقى اۋداندىق قاتىناس - تاسىمال مەكەمەسىمەن سايكەسىپ، توتە ۇشاق، اۆتوكولىك مايعا الۋ، سونداي - اق جەكە كولىك جۇرگىزۋ سياقتى فورمالارمەن قۇرىلىس جۇمىسشىلارىن جۇمىس باسىنا كەلۋگە ۇيىمداستىرىپ، 3 - ايدىڭ سوڭىنان بۇرىن 1 - كەزەڭدە 618 ادامدى جۇمىس الاڭىنا تولىق ورالتۋعا ءارى قۇرىلىس جۇمىسىن ورىستەتۋگە كۇش سالادى.

    مەملەكەت تاس جولى 578 - لەنياسىنىڭ ءدوڭمازاردان نىلقىعا دەيىنگى 1 - دارەجەلى تاس جول بولەگى ينجەنەريا نىسانى — وبلىسقا توتە قاراستى ورىندارداعى نەگىزگى لەنيا تاس جول تورابىنىڭ ماڭىزدى قۇرامداس بولەگى، وعان جالپى 2 ميلليارد 488 ميلليون يۋان قارجى قوسىلعان، 2020 - جىلى 10 - ايدا ينجەنەريانى اياقتاتۋ جوسپارلانعان. بۇعان 2020 - جىلى ءبىر ميلليارد 45 ميلليون يۋان قارجى قوسىلادى. نىساننىڭ باستالۋ ءتۇيىنى قۇلجا اۋدانىنىڭ ءدوڭمازار قالاشىعىندا بولىپ، قۇلجا - ءدوڭمازار جوعارى قارقىندىق تاس جولىنىڭ k47+642.96 ورنىمەن تۇتاسادى، اياقتالۋ ءتۇيىنى نىلقى اۋدانى كوكقوتقىر موڭعۇل ۇلتتىق اۋىلىنا دەيىن، جالپى ۇزىندىعى 70.747 كيلومەتر.

جاۋاپتى رەداكتور: جازيرا بولاتباي قىزى