وقۋ باستالعان العاشقى كۇن

  • كەلۋ قاينارى: ىلە گازەتى
  • 03:58:31 25/03/2020

    حابارىن جازىپ، سۋرەتتەرىن تۇسىرگەن لاي يۇينيڭ

    

    3 - ايدىڭ 23 - كۇنى - ىلە وبلىسىنداعى باستاۋىش، ورتا مەكتەپتەردىڭ وقىتۋشى - وقۋشىلارىنىڭ قايتادان ساباق باستاعان كۇنى. قۇلجا قالاسىنداعى 91 باستاۋىش، ورتا مەكتەپ رەسمي وقۋ باستاپ، 100مىڭ 164 وقۋشى ساباقحاناعا قايتا ورالدى. كوكتەم شۋاعىنا بولەنگەن مەكتەپ اۋلاسىنان وقۋشىلاردىڭ كىتاپ وقىعان ءۇنى ساڭقىلداي ەستىلەدى.

    ءتىلشى قۇلجا قالاسىنداعى ءىشىنارا باستاۋىش، ورتا مەكتەپتەردەن وقۋشىلاردىڭ جەتكىلىكتى ارالىق ساقتاپ، ءبارىنىڭ دە ماسكا تاققانىن كوردى. قۇلجا قالاسى قىرۋار قىزمەتتەر ىستەپ، باستاۋىش، ورتا مەكتەپتەر مەن ورتا دارەجەلى كاسىپتىك مەكتەپتەردىڭ ساباقتى قالپىنا كەلتىرۋ جانە ىندەتتىڭ الدىن الۋ جوباسىن مۇقيات جاسادى. وقۋ باستالعاننان كەيىن، وقۋشىلاردىڭ مەكتەپكە حاۋىپسىز، ءتارتىپتى كەلىپ - كەتۋى، كەزەكپەن وقۋى، ساباقتان ءتۇسۋى سياقتى ىستەردى ەگجەي ـ تەگجەيلى ورنالاستىردى. سونىمەن بىرگە، قۇلجا قالاسى ءارقايسى مەكتەپتەرگە جەتكىلىكتى ماسكا، تەرمومەتر، زارارسىزداندىرۋ سۇيىقتىعى، ساقتىق كيىمى سىندى ىندەتتەن ساقتانۋ بۇيىمدارىن ازىرلەپ بەردى. قازىرگە دەيىن بۇكىل قالاداعى مەكتەپتەر 866 مىڭ 829 ماسكا ( مۇنىڭ ىشىندە 120 مىڭى بالالاردىڭ ماسكاسى)، 11 مىڭ 965 كيلوگرام دەزينفەكسيا سۇيىقتىعى، 4 مىڭ 586 تەمپەراتۋرا ولشەگىش جانە قول جۋۋ سۇيىقتىعى، تەرمومەتر، ءبىر رەتتىك رازىڭكە قولعاپ سياقتى ىندەتتەن ساقتانۋ - قورعانۋعا قاجەتتى بۇيىمداردى مولىنان ازىرلەپ، ىندەتتىڭ الدىن الۋ قاجەتىن قامتاماسىزداندىردى.

    سونىمەن بىرگە، ورتالىق قالاداعى مەكتەپتەر دەنە تەمپەراتۋراسىن ولشەۋ، مەكتەپ اۋلاسىن جاپپاي دەزينفەكسيالاۋ، ساباق ارالىعىنداعى قيمىل مەن تاماقتانۋ سىندى ناقتى بۋىنداردى ارناعا ءتۇسىرىپ باسقارىپ، وقۋشىلاردىڭ شوعىرلانۋىنان بارىنشا ساقتانىپ، وقىتۋشى - وقۋشىلاردىڭ حاۋىپسىزدىگىنە كەپىلدىك ەتتى.

جاۋاپتى رەداكتور: جازيرا بولاتباي قىزى