وبلىسقا توتە قاراستى ورىندار فينانستىق قولداۋ ساياساتىن شىعارىپ، كەدەيلەردى سۇيەمەلدەۋ مەن كاسىپورىنداردىڭ جۇمىستى، ءوندىرىستى قالىپنا كەلتىرۋىنە كۇش سالدى

  • كەلۋ قاينارى: ىلە گازەتى
  • 03:36:59 26/03/2020

    ءتىلشىمىز مىڭ شيا حابارلايدى. قازىر اۆتونوميالى وبلىستاعى كاسىپورىنداردىڭ جۇمىستى، ءوندىرىستى قالىپنا كەلتىرۋ جاعىنداعى فينانستىق قاجەتىنە مەڭزەس، وبلىستىق قازىنا مەكەمەسى جۇڭگو حالىق بانكەسىنىڭ ىلە وبلىستىق ورتالىق بولىمشە بانكەسىمەن، ىلە بانكە قامسىزداندىرۋىن باقىلاۋ - باسقارۋ بولىمشە مەكەمەسىمەن بىرلەسىپ ءتۇرلى فينانستىق قولداۋ ساياساتتارىن بەلگىلەپ، ءوسىمىن تولەۋ، قايتالاي قارىز اقشا بەرۋ، ءوسىمىن ۇستاپ قالىپ قايتالاي نەسيە بەرۋ، ءوسىم مولشەرىن تومەندەتۋ سياقتى فورمالارمەن كاسىپورىنداردىڭ وزىندىك قۇنى تومەن قارجىعا يە بولۋىن قولداپ، ءىس جۇزىندىك ارەكەتتەرى ارقىلى كاسىپورىنداردىڭ جۇمىستى، ءوندىرىستى تەز ارادا قالىپىنا كەلتىرىپ، تيجارات جۇرگىزۋىنە كومەكتەستى.

    3 - ايدىڭ 21 - كۇنى قورعاس ەكونوميكالىق اشۋ رايونى قۇلجا باقشا رايونىنداعى شينجياڭ مايگۋ ەمدەۋ جابدىقتارى شەكتى جاۋاپكەرلىك سەرىكتىگىنىڭ ءوندىرىس سەحىندا 64 قىزمەتكەر مەديتسينالىق جانە حالىقتىق ماسكا وندىرۋمەن قاربالاس بولىپ جاتتى. ءبىر اپتالىق ۇستەمە قىزمەت ىستەپ وندىرگەن 550 مىڭ ماسكا وبلىسقا توتە قاراستى ورىنداردا بازارعا سالىندى.

    ىندەت اسەرىنەن وبلىسقا توتە قاراستى ورىنداردا مەديتسينادا پايدالانىلاتىن ماسكا قاجەتى ارتا تۇسكەندىكتەن، وبلىستىق پارتكوم مەن ۇكىمەتتىڭ ساياسات جانە قارجى جاقتان قولداۋىندا، وسى سەرىكتىك باكتەرياسىز ماسكا ءوندىرىسى لەنياسىن قۇرىپ، وندىرىسكە قوسقان كەزدە، قارجى تاپشىلىعىنان، شيكزات ساتىپ الۋدا قيىنشىلىققا جولىققان.

    وسى سەرىكتىكتىڭ جاۋاپتىسى لي فاحاي تىلشىگە بىلاي دەدى: «قۇلجا قالالىق پارتكوم مەن ۇكىمەت كاسىپورىننىڭ دامۋىنا ايرىقشا كوڭىل ءبولدى، شينجياڭ سايشين قارجى قۇراۋعا كەپىل بولۋ شەكتى جاۋاپكەرلىك سەرىكتىگى سەرىكتىگىمىزگە كەلىپ قىزمەت وتەپ، بىزگە 3 ميلليون يۋان قارىز اقشا بەرىپ، سەرىكتىگىمىزدىڭ قارجى تاپشىلىعىن شەشتى».

    شينجياڭ سايشين قارجى قۇراۋعا كەپىل بولۋ شەكتى جاۋاپكەرلىك سەرىكتىگى - ۇكىمەت جاقتىڭ قارجى قۇراۋىنا كەپىل بولاتىن قۇرىلىم، ىندەتتەن ساقتانۋ – تىزگىندەۋ مەزگىلىندە ورتا، شاعىن، ۇساق كاسىپورىنداردىڭ دامۋىن قولداۋ ءۇشىن ەرەكشە ءىستى ەركشە ءبىتىرۋ، جۇمىس بارىسىن، بەكىتۋ، تەكسەرۋ سياقتىلاردى جەلىدە ءبىتىرىپ، ماتەريال العاننان قارىز اقشا بەرگەنگە دەيىنگى جۇمىستاردى ءبىر اپتا ىشىندە ءبىتىردى. كەزەكتە بۇل سەرىكتىك 20 سەرىكتىككە كەپىل بولىپ، قىزمەت وتەۋ ىستەرىن سايكەستىرىپ، قىزمەت وتەۋ اقىسىن بۇرىنعى %2 تەن %1 كە تومەندەتتى.

جاۋاپتى رەداكتور: جازيرا بولاتباي قىزى