نىلقى اۋدانىندا قىستاق دارەجەلى كۇن ەنەرگياسى ەلەكتر ستانسياسى ارقىلى كەدەيلەردى سۇيەمەلدەۋ ءونىمدى بولدى

  • كەلۋ قاينارى: ىلە گازەتى
  • 04:08:20 26/03/2020

    كەدەيلەر كۇن ەنەرگياسىنىڭ يگىلىگىن كوردى

    

    ءتىلشىمىز لۋ جۇڭ حابارلايدى. مىناۋ جارقىراعان اينەك تاقتالاردىڭ نە دەپ اتالاتىنىن بىلمەگەنىمەن، نىلقى اۋدانى جاعالاستاي اۋىلى قۇجىرتاي قىستاعىنىڭ تۇرعىنى قالي تىلەۋباي ۇلى وسى جارقىراعان تاقتالاردىڭ ەلەكتر شىعاراتىنىن بىلەتىن.

    قۇجىرتاي قىستاعىنىڭ كەدەيلەردى سۇيەمەلدەۋگە ارنالعان قىستاق دارەجەلى كۇن ەنەرگياسى ەلەكتر ستانسياسى قاليدىڭ ۇيىنەن الىستاعى تاقىر بەتكەيگە ورنالاستىرىلعاندىقتان، ەلەكتر ستانسياسى قۇرىلعاننان كەيىن ول موتوسيكلگە ءمىنىپ ءبىر رەت عانا بارىپ كورىپ قايتقان بولاتىن.

    56 جاستاعى ول كۇن نۇرىنان پايدالانىپ ەلەكتر شىعارۋدى ونشا تۇسىنبەسە دە، وسى قىلتان شىقپايتىن تاتىر دالانىڭ يگىلىككە جاراعانىنا ايرىقشا قۋانۋشى ەدى.

    3 – ايدىڭ 19 – كۇنى نىلقى اۋدانى ساۋدا ىستەرى جانە ونەركاسىپ - ينفورماتسيالاندىرۋ مەكەمەسىنىڭ باستىعى جين فۋزىڭ تىلىشىگە بىلاي دەدى: «2019 -جىلى 6 – ايدىڭ 29 – كۇنى نىلقى اۋدانىنداعى قىستاق دارەجەلى 5 كۇن ەنەرگياسى ەلەكتر ستانسياسى جەلىدە ەلەكتر تاراتا باستادى، بيىل 2 – ايدىڭ سوڭىنا دەيىن جالپى 11 ميلليون 220 مىڭ كيلوۆات - ساعات ەلەكتر شىعاردى. قىستاق دارەجەلى وسى 5 ەلەكتر ستانسياسى جەكە – جەكە سۇپتاي اۋىلىنىڭ جوعارى ءمالى قىستاعى، جاعالاستاي اۋىلىنىڭ قۇجىرتاي قىستاعىنا، وزەن قالاشىعىنىڭ وزەن قىستاعىنا، كوكقۇتقىر موڭعۇل ۇلتتىق اۋىلىنىڭ لامامياۋ قىستاعىنا، قاراتوبە اۋىلىنىڭ قاراوي قىستاعىنا ورنالاسقان، گەناراتور سيىمدىلعى 170 ميلليون 450 مىڭ كيلوۆات بولىپ، جۇمىس مەرزىمدى 25 جىل، جىلىنا 20 ميلليون كيلوۆات - ساعات ەلەكتر تاراتادى دەپ مەجەلەنگەن، ەلەكتر باعاسى ءار كيلوۆات - ساعاتىنا 0.25 يۋان، بۇدان سىرت مەملەكەت 0.5 يۋان تولىقتاما قاراجات بەرەدى، ءار جىلعى پايداسى 10 ميلليون يۋاننان اسادى، مۇنىڭ بارلىق پايداسى كەدەيلىكتەن ارىلتۋدان قامال الۋعا جۇمسالادى».

    كەدەيلەردى سۇيەمەلدەۋگە ارنالعان قىستاق دارەجەلى كۇن ەنەرگياسى ەلەكتر ستانسياسىن سۇيەنىش ەتىپ، قۇجىرتاي قىستاعى 20 الەۋمەتتىك يگىلىك سيپاتتى قىزمەت ورنىن ازىرلەگەن ەدى، قالي وسى قىزمەت ورنىنىڭ بىرىنە يە بولدى.

    كەدەيلەردى سۇيەمەلدەۋگە ارنالعان قىستاق دارەجەلى كۇن ەنەرگياسى ەلەكتر ستانسياسى قىستاققا عانا يگىلىك جەتكىزىپ قالمايدى. ءتىلشىنىڭ نىلقى اۋداندىق كەدەيلەردى سۇيەمەلدەۋ كەڭسەسىنەن ۇعىسۋىنشا، قىستاق دارەجەلى كۇن ەنەرگياسى ارقىلى ەلەكتر تاراتاتىن 5 ەلەكتر ستانسياسى ستانسيا ورنالاستىرىلعان اۋىل – قالاشىقتاردىڭ 18 كەدەي قىسىتاقتاعىنداعى ارحيۆتەستىرىلىپ، كارتوچكالاندىرىلعان 2 مىڭ 435 وتباسىنىڭ اۋقاتتانۋىمەن تىكە قاتىستى ەكەن، مۇندا 360 الەۋمەتتىك يگىلىك سيپاتتى جۇمىس ورنى ازىرلەنگەن، ايتالىق، جول قورعاۋشى، تازالىقشى، ورتتەن ساقتانۋشى، ماتەريالداردى كۇتىمدەۋشى سياقتىلار، بۇلاردىڭ ايلىق ەڭبەكاقىسى ءبىر مىڭ 500 يۋان. 3 – ايدىڭ 19 – كۇنىنە دەيىن الەۋمەتتىك يگىلىك سيپاتتى 327 جۇمىس ورنى ازىرلەنىپ بولعان. وسى نىساننىڭ پايداسى ەڭبەككۇشى جوق ارحيۆتەستىرىلىپ، كارتوچكالاندىرىلعان 327 وتباسىن سۇيەمەلدەۋگە بەرىلەدى، ءار وتباسى جىلىنا 3 مىڭ يۋان كومەك قارجى الىپ تۇرادى، قالعان پايداسى قىستاقتىڭ كوللەكتيۆ كىرىسىنە تولىقتىرىلىپ، تەك كەدەيلەردى سۇيەمەلدەۋگە پايدالانىلادى ەكەن.

جاۋاپتى رەداكتور: جازيرا بولاتباي قىزى