سۇيدىڭ قالاشىعى جالپى حالىقتىق اقىسىز دەنساۋلىق تەكسەرۋ قيمىلىن ورىستەتتى

  • كەلۋ قاينارى: ىلە گازەتى
  • 04:09:37 26/03/2020

    جۇمىستى، ءوندىرىستى، وقۋدى قالپىنا كەلتىرۋدى ويداعىداي قورعادى

    

    ءتىلشىمىز گۋ شۋە، ەرىكتى ءتىلشى ۋ ياچيان حابارلايدى. ينفورماتسيالارىن تىزىمگە الىپ، دەنە تەمپەراتۋراسىن ولشەپ، قان تەكسەرىپ، B تيپتى ۋلترا دىبىس تولقىندى اسپاپپەن تەكسەردى. 3 - ايدىڭ 19 - كۇنى تاڭ سارىدە قورعاس اۋدانى سۇيدىڭ قالاشىعى شيپاحاناسىنداعى ەمدەۋ قىزمەتكەرلەرى جالپى حالىقتىق اقىسىز دەنساۋلىق تەكسەرۋگە قاتىناسقان ستۋدەنتتەر مەن سىرتقا شىعىپ جۇمىس ىستەيتىندەردىڭ دەنساۋلىعىن تەكسەرۋمەن قاربالاس بولدى. «بۇل رەتكى دەنساۋلىق تەكسەرتۋ قىزمەتى دەر كەزىندە ىستەلىپ، جۇمىستى، ءوندىرىستى، بالالارىمىزدىڭ وقۋىنىڭ قالپىنا كەلۋىنە تولىق ازىرلىك جاسالدى» دەدى سۇيدىڭ قالاشىعى حانجياجۋاڭزى قىستاعىنىڭ تۇرعىنى ساراحان قادىر اسەرلى بەينەدە.

    ىندەتتەن ساقتانۋ - تىزگىندەۋ مەن جٷمىستى، ءوندىرىستى قالپىنا كەلتىرۋدىڭ شەشۋشى مەزگىلىندە، سۇيدىڭ قالاشىعى شيپاحاناسى ىندەتتەن ساقتانۋ - تىزگىندەۋ قىزمەتىن ويداعىداي ىستەۋمەن بىرگە، جالپى حالىقتىڭ دەنساۋلىعىن اقىسىز تەكسەرۋ قىزمەتىن ورىستەتىپ، تىرەكتى كۇشتەردى بۇقارانىڭ دەنساۋلىعىن تەكسەرۋگە بەلسەنە ۇيىمداستىردى، وسى ارقىلى جۇمىسكەرلەردىڭ سىرتقا شىعىپ جۇمىس ىستەۋىنە دەم بەرىپ، ستۋدەنتتەردىڭ ۋاعىندا وقۋ باستاۋىنا كەپىلدىك ەتتى.

    «مەن ستۋدەنتپىن، ەكى كۇننىڭ الدىندا الەۋمەتتىك اۋماقتىڭ قىزمەتكەرى ماعان سۇيدىڭ قالاشىق شيپاحاناسىنا بارىپ جالپى حالىقتىق اقىسىز دەنساۋلىق تەكسەرتۋگە قاتىناسۋدى ۇقتىردى. شيپاحانانىڭ قورعانۋ شارالارى وتە جاقسى ىستەلىپتى، دەنساۋلىق تەكسەرتۋشىلەر ءبىر مەتر ارالىق ساقتاپ، وشىرەت بويىنشا دەنساۋلىق تەكسەرتتى، شيپاگەرلەر دە وتە مۇقيات تەكسەردى. مەملەكەتىمىزدىڭ جاقسى ساياساتىندا دەنساۋلىق جاعدايىمىزدى دەر كەزىندە تۇسىندىك، ەندى، ءتىپتى، جاقسى تۇرمىس كەشىرىپ، جاقسى ۇيرەنەمىز» دەدى ليۋشۋحاڭىزى قىستاعىندا تۇراتىن باي رۋ - يۇي.

    بيىل 39 جاستاعى ساراحان ءار جىلعى جالپى حالىقتىق اقىسىز دەنساۋلىق تەكسەرۋگە قاتىناسىپ، ەمدەۋ ارقىلى حالىققا تيىمدىلىك جاساۋ ساياساتىنان شىنايى يگىلىكتەنىپ كەلەدى. «مەن قورعاس حالىقارالىق شەكارالىق سەلبەستىك ورتالىعىنا قايتا بارىپ قىزمەتكە شىعامىن، بۇگىن قان تەكسەرۋ، جۇرەك سۋرەتتەگىش اسپابى مەن B تيپتى ۋلترا دىبىس تولقىندى اسپاپقا ءتۇسىپ دەنساۋلىق جاعدايىمدى ءبىلدىم، ەندى قىزمەتتى ءتىپتى دە الاڭسىز ىستەيمىن» دەدى ول.

    ءتىلشى شيپاگەرلەر مەن سەسترالاردىڭ ءاربىر بۋىندا وتكەلدى قاتاڭ يگەرگەندىگىن كوردى. جۇرەك سۋرەتتەگىش اسپابى مەن B تيپتى ۋلترا دىبىس تولقىندى اسپاپ بولمەسىنە دەزينفەكسيالايتىن ارناۋلى ادام ورنالاستىرىپ، جان - جاقتى، تولىق ساقتانۋ - قورعانۋ شارالارىن اتقارىپ، تۇتاس تەكسەرۋ بارىسىن سالىستىرمالى جابىق ۇستاۋعا كەپىلدىك ەتىپ، ءوزارا جۇعىمدالۋدان ساقتاندى. دەنساۋلىق تەكسەرتۋ تۇرلەرىن جاقسى ىستەۋمەن بىرگە، ەمدەۋ قىزمەتكەرلەرى دەنساۋلىق تەكسەرتەتىندەرگە جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جونىندەگى اقاۋسىزدىق بىلىمدەرىن دەر كەزىندە ۇگىتتەپ، بۇقارانىڭ ءوزىن - ءوزى ويداعىداي قورعاۋىنا جەتەكشىلىك ەتتى، جۇمىستى قالپىنا كەلتىرىپ، ىندەتتەن ساقتانۋدىڭ «حاۋىپسىزدىك وتكەلىن» مىقتى يگەردى.

جاۋاپتى رەداكتور: جازيرا بولاتباي قىزى