كوكتەمدە قايتا قالپىنا كەلۋ كۇشى توپتالدى

  • كەلۋ قاينارى: ىلە گازەتى
  • 07:51:18 01/04/2020

    − 2020 - جىلعى جۇڭگو ەكونوميكاسىنىڭ العاشقى ماۋسىمى اياقتالۋ بايلانىسىمەن

    

    جاڭا تيپتى ايدارشا ۆيرۋس وكپە قابىنۋ ىندەتى توسىن تارالعان تۇستا، جۇڭگونىڭ ەكونوميكاسى، قوعامى تاعى دا سىنعا ءتۇستى. ءىشىنارا ەكونوميكالىق كورسەتكىشتەر تومەندەپ، ءىشىنارا سالالار سوققىعا ۇشىرادى. ىندەت ىقپالىنىڭ الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى اۋقىمدى باعامداپ، جوبا - جوسپار جاساپ، قولباسشىلىق ەتىپ، عىلمي شەشىم جاساپ، دالمە - ءدال شارا قولدانىپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتتى. 2 ايدان استام ۋاقىتتان بەرى بۇكىل ەلدە ىندەتتەن ساقتانۋ - تىزگىندەۋدە كەزەڭدىك ماڭىزدى ناتيجەگە قول جەتىپ، ەكونوميكالىق، قوعامدىق ءتارتىپ جەدەل قالپىنا كەلدى.

    3 - ايدىڭ اياعىندا تامىلجىعان كوكتەم شۋاق شاشا باستادى. جۇڭگو ەكونوميكاسىن قايتا قالپىنا كەلتىرەتىن كۇشتەر توپتالا باستادى. ساندى مالىمەتتەردە كورسەتىلۋىنشە، بۇكىل ەلدە، حۋبەيدان باسقا جەردەگى كولەمدەنگەن ونەركاسىپ كاسىپورىندارىنىڭ جۇمىس باستاۋ ورتاشا مولشەرى 95% تەن، ورتا، شاعىن كاسىپورىنداردىڭ جۇمىستى قالپىنا كەلتىرۋ مولشەرى 70% تەن اسقان. بۇكىل ەلدەگى ءتۇيىندى سىرتقى ساۋدا كاسىپورىندارى نەگىزىنەن جۇمىستى قالپىنا كەلتىرگەن، ءوندىرىس قۋاتىنىڭ قالپىنا كەلۋ مولشەرى 70% تەن اسقان ءتۇيىندى سىرتقى ساۋدا كاسىپورىنداردىڭ يەلەگەن سالىستىرماسى 70% كە جەتكەن.

    «جاڭا تيپتى ايدارشا ۆيرۋس وكپە قابىنۋ ىندەتى ەكونوميكالىق اينالىمعا كورنەكتى ىقپال جاساعانىمەن، ءبىراق ەلىمىز ەكونوميكاسى وراسان زور سەرپىمدىلىككە جانە كومەسكى كۇشكە يە، ۇزاق ۋاقىت بويى جاقسى جاققا بەت الۋ اۋقىمى وزگەرمەيدى». ىندەتتىڭ سوققىسى الدىندا، پارتيا ورتالىق كوميتەتى عىلمي تۇجىرىم جاساپ، جۇڭگو ەكونوميكاسىنىڭ حاۋىپ - قاتەردى ورايعا اينالدىرىپ، ۇزاق ۋاقىت بويى جاقسى جاققا بەت الاتىن سەرپىمدىلىگىن ايگىلەدى.

    ىزعارلى قىس كەتىپ، گۇل جايناعان كوكتەم كەلدى. وسى جولعى ىندەتتىڭ ۇلكەن سىناعىن باستان كەشىرگەن ءار سالا، ءار كاسىپتى قايتا قالپىنا كەلتىرەتىن كۇشتەر جۇڭگو ەكونوميكاسىنىڭ قيىنشىلىققا قاسقايا قارسى جۇرەتىن ەكپىندى قادامىنا اينالىپ، جاپپاي دوڭگەلەك داۋلەتتى قوعام ورناتۋ سىندى ۇلى نىساناعا قاراي ەرلىكپەن العا ىلگەرىلەۋدە ءارى دۇنيە ءجۇزىنىڭ دامۋىنا جالعاستى جۇڭگو كۇشىن قوسۋدا.

    (شينحۋا اگەنتتىگىنىڭ 3 - ايدىڭ 29 - كۇنى بەيجيڭنەن بەرگەن حابارى)

جاۋاپتى رەداكتور: جازيرا بولاتباي قىزى