الەۋمەتتىك ورىنداردا ىندەتتەن ساقتانۋ - تىزگىندەۋگە قالاي كۇش سالۋ كەرەك

  • كەلۋ قاينارى: ىلە گازەتى
  • 07:55:47 01/04/2020

    شينحۋا اگەنتتىگىنىڭ بەيجيڭنەن بەرگەن حابارى. قازىر جەر - جەر جۇمىستى، ءوندىرىستى ىركەس - تىركەس قالپىنا كەلتىردى، الەۋمەتتىك ورىن سياقتىلاردىڭ ىندەتتەن ساقتانۋ - تىزگىندەۋدى جاقسى ىستەۋى الدىڭعى مەرزىمدىك ساقتانۋ - تىزگىندەۋ جەتىستىگىن بەكەمدەۋ، ىندەتتىڭ قايتالاۋىنان ساقتانۋ جونىنەن اسا ماڭىزدى. جۇمىس باستاعاننان كەيىن، قىزمەتكەرلەردىڭ تاماقتانۋ، جيىن اشۋ سياقتى ءىس جۇزىندىك ماسەلەسىن قالاي شەشكەن ءجون، قاتىستى تاراۋلار مەن ماماندار بۇعان جاۋاپ قايتاردى.

    تاياۋدا كوپتەگەن قىزمەتشىلەر كەڭسەسىنە قايتا ورالدى. توپتىق جيىن اشۋ، كەزەككە تۇرىپ تاماقتانۋ ۆيرۋس تارالاتىن «حاۋىپ - قاتەر تۇيىنىنە» اينالا ما، جوق پا؟

    جۇڭگو اۋرۋدان ساقتانۋ - تىزگىندەۋ ورتالىعىنىڭ اعا زەرتتەۋشىسى جاڭ ليۋبو مىناداي ۇسىنىس بەردى: مۇمكىندىكتىڭ بارىنشا ءماجىلىس سانىن ازايتۋ، ءماجىلىس ۋاقىتىن قىسقارتۋ كەرەك، ەگەر دە ينتەرنەت، بەينەجازبا، ۆيچات سياقتى فورمالاردان پايدالانۋعا مۇمكىندىك جار بەرسە جاقسىراق بولادى. مۇنان سىرت، ءماجىلىسحانا دا ەگەر دە ورتالىق اۋا رەتتەۋش بولسا، مۇمكىندىكتىڭ بارىنشا تازا اۋادان پايدالانىپ نەمەسە ەڭ جوعارى شەكتە اشىپ، اۋانىڭ تازا بولۋىنا مۇمكىندىكتىڭ بارىنشا كەپىلدىك ەتۋ كەرەك.

    جۇڭگو اۋرۋدان ساقتانۋ - تىزگىندەۋ ورتالىعى قورشاعان ورتا ورنىنىڭ باستىعى شى شياۋميڭ بىلاي دەدى: اسحانادا تاماقتانۋ حاۋىپسىزدىگى تۇتاس ىندەتتەن ساقتانۋ - تىزگىندەۋدىڭ شەشۋشى بۋىندارىنىڭ ءبىرى، اسحانا قىزمەتشىلەرىنىڭ دەنساۋلىعىن تەكسەرۋ ءتۇزىمىن ورناتۋ؛ ىدىس - اياقتى، اسحانا ورتاسىن تازالاۋدى، دەزينفەكسيالاۋدى كۇشەيتۋ؛ اسحاناعا قول جۋۋ سۇيىقتىعى سياقتىلاردى سەپتەۋگە، سونداي - اق اسحاناعا كىرگەندەردىڭ دەنە تەمپەراتۋراسىن ولشەۋگە شىنايى كەپىلدىك ەتۋ؛ تيجارات كەزىندە ەسىكتى، تەرەزەنى اشىپ، اسحانانىڭ اۋاسىن الماستىرۋعا كەپىلدىك ەتۋ كەرەك.

    كەيبىر كاسىپتەردەگى ەرەكشە قىزمەت ورىندارىندا، مىسالى، قۇدىق ءتۇبى، قۇرىلىس ورنى سياقتىلاردا اۋانىڭ الماسۋىن قالاي قامتاماسىز ەتۋ، اسپاپتاردى قالاي دەزينفەكسيالاۋ كەرەك؟

    شى شياۋميڭ ەرەكشە ەسكەرتىپ بىلاي دەدى: قۇدىق ىشىندە جۇمىس جۇرگىزگەندە حاۋىپسىزدىك جول بەرگەن شارت - جاعدايدا دەزينفەكسيا سۇيىقتىعىن ىستەتكەن كەزدە، سپيرتتەن پايدالانۋعا تيىم سالۋعا باسا ءمان بەرۋ كەرەك. قۇدىق ىشىندەگى اۋا الماستىرعىشتىڭ اۋا الماستىرۋ مولشەرىن ارتتىرۋ، اسىرەسە، قۇدىققا ءتۇسىپ جۇمىس جۇرگىزۋدىڭ الدى - ارتىندا اسپاپ، قۇرىلعى، ەڭبەك قۇرالدارى جانە قول سياقتىلاردى تۇگەلدەي دەزينفەكسيالاۋعا باسا ءمان بەرۋ كەرەك.

    كوللەكتيۆ جاتاق جونىندە، جەر - جەر كوللەكتيۆ جاتاقتا تۇراتىنداردىڭ سانى ولشەمىنەن اسىپ كەتۋ ماسەلەسىن قاتاڭ مەڭگەرۋ كەرەك. تەرەزەسى بار جاتاقتاردا مەرزىم سايىن اۋا الماستىرىپ تۇرۋ كەرەك، تەرەزەسى جوق جاتاقتارعا اۋا جاڭالاعىش سياقتى ماشينامەن اۋا جاڭالايتىن اسپاپتاردى ورناتۋ كەرەك. جۋىنۋ كولشىگىنە قول جۋۋ سۇيىقتىعى مەن دەزينفەكسيا بۇيىمدارىن سەپتەپ، مەرزىم سايىن تازالاۋ، دەزينفەكسيالاۋ كەرەك.

جاۋاپتى رەداكتور: جازيرا بولاتباي قىزى