ۇدايىلانعان مەحانيزم ارقىلى ىندەتتەن ساقتانۋ ناتيجەسىن بەكەمدەيىك

  • كەلۋ قاينارى: شينجياڭ گازەتى تورابى
  • 07:42:10 02/04/2020

    جاڭ بەي

 

    شىعىستىڭ مايدا لەبىمەن كەلدى كوكتەم مامىرلاپ، ماساتىداي قۇلپىردى گۇل - بايشەشەك جامىراپ. ەلىمىزدىڭ شەكارا ىشىندەگى ىندەتتەن ساقتانۋ - تىزگىندەۋ جاعدايىنىڭ جاقسارۋ بەتالىسىنىڭ ۇزدىكسىز بەكەمدەلۋىنە ىلەسە، رايونىمىزدىڭ ەكونوميكالىق، قوعامدىق دامۋ ومىرشەڭدىك كۇشى بارعان سايىن تەبىندەدى. الايدا ءدال وسى ساتتە، حاۋىپ - قاتەر ءالى دە ءومىر سۇرۋدە، جاعداي ءالى دە قاتاڭ، بىزدەگى ىندەتتەن ساقتانۋ - تىزگىندەۋ سىندى وسى ارقاۋدى بوساتۋعا استە بولمايدى، ءسوز جوق، ۇدايىلانعان ىندەتتەن ساقتانۋ - تىزگىندەۋ مەحانيزمى ارقىلى وڭاي - وسپاق قولعا كەلمەگەن ىندەتتەن ساقتانۋ ناتيجەسىن بەكەمدەۋ كەرەك.

    حالىقارا مەن ەل ءىشىنىڭ ءىس جۇزىندىك جاعدايىن بايلانىستىرا قاراعاندا، قازىر دۇنيە جۇزىندە ىندەت زور كولەمدە تارالۋ كەزەڭىندە تۇر، ەل ىشىندەگى ىندەتتە دە ”قايتا قوزۋ“ حاۋىپ - قاتەرى بار، ”سىرتتان كىرۋدەن ساقتانۋ، ىشتە قايتالانۋدان ساقتانۋ“ قىزمەتىندە ءسال بوساڭسۋ بولسا، ءۇرتىس جاقسارعان كۇي قايتا جالتارادى، ءتىپتى، الدىڭعى ەڭبەك ەش بولادى.

    ”اعىنعا قارسى قايىقتى قارىمىڭمەن جۇرگىزەسىڭ، ءسال بوساساڭ بولعانى تالاي جەر ارتقا شەگىنەسىڭ“، ەل ءىشى - سىرتىنداعى ىندەتتەن ساقتانۋ - تىزگىندەۋ جاعدايىنداعى تىڭ دا زور وزگەرىس الدىندا، ءبىزدىڭ تيتتەي دە بەيعامدىق ىستەۋىمىزگە بولمايدى. ۇلكەن جاعىنان ايتقاندا، جەر - جەر ”سىرتتان كىرۋدەن ساقتانۋ، ىشتە قايتالانۋدان ساقتانۋ“ تالابى بويىنشا، ىندەتتەن ساقتانۋ - تىزگىندەۋ تاكتيكاسى امالى مەن توتەپ بەرۋ شاراسىن دەر كەزىندە كەمەلدەندىرىپ، ۇدايىلانعان ساقتانۋ - تىزگىندەۋ مەحانيزمىن ورناتۋ، اقاۋسىزداندىرۋ كەرەك. كىشكەنە جاعىنان ايتقاندا، ءبىز ءارقايسىمىز قالىپتاسقان جەكەلىك ساقتانۋ - قورعانۋ ادەتىمىزدى جالعاستىرىپ، قولدى ۇنەمى جۋۋعا، ماسكى تارتۋعا، توپتالماۋعا كوڭىل ءبولۋىمىز كەرەك. ىندەتتەن ساقتانۋ - تىزگىندەۋ ۇدايىلانعان شارت استىندا عانا، ءبىز قالىپتى ءوندىرىس، تۇرمىس ءتارتىبىن جاپپاي قالپىنا كەلتىرە الامىز، كورىكتى كوكتەم شۋاعىنىڭ قادىرىنە جەتە الامىز.

    (”لەپتى لەبىز“ ماقالا قابىلداۋ حات ساندىعى: xjrbplb@126.com)

جاۋاپتى رەداكتور: جازيرا بولاتباي قىزى