مادەني مۇرا قۇرىلىسىن جوندەۋ بارىسىندا قورعاۋ جانە مۇراگەرلىك ەتۋ جونىندە

  • كەلۋ قاينارى: ىلە گازەتى
  • 04:26:34 03/04/2020

    وسى نەگىزدە اعاش مۇنارا جونىندە جاقىنعى ون نەشە جىلدان بەرى تەكسەرۋ جانە باقىلاۋلار جۇرگىزىلدى. الدىمەن مۇنارانىڭ قازىرگى جاعدايىن قاريتاعا ءتۇسىردى، مۇندا كوپشىلىكتىڭ كوزىنە ەڭ الدىمەن تۇسەتىنى اعاش مۇنارانىڭ زاڭدى ولشەمدى سىزباسى بولدى، بۇل سىزبا ارقىلى اعاش مۇنارانىڭ سالىنۋ ءپىشىنىن، قۇرىلىمىن بىلۋگە بولادى، الايدا بۇل اعاش مۇنارانىڭ قازىرگى ناقتى جاعدايىن بىلدىرە المايدى. سوندىقتان وتكەن عاسىردان باستاپ قۇرىلىس مەكەمەلەرى مەن مەكتەپتەر سونداي – اق ەجەلگى قۇرىلىستارعا زەرتتەۋ جۇرگىزۋ قۇرىلىمدارى اعاش مۇنارانىڭ قازىرگى جاعدايىن قاريتاعا ءتۇسىرىپ، سول كەزدەگى ءپىشىنى مەن قۇرىلىمىن شىنايى ەستەلىككە الدى.

    قاريتاعا ءتۇسىرۋ، ەستەلىككە الۋ ارقىلى كورىنىستىك جاعدايىن عانا بايقاۋعا بولادى، ال اعاش مۇنارانىڭ ءبۇلىنۋىنىڭ ءتۇرلى سەبەپتەرىن اشۋ ءۇشىن ءبىرقىدىرۋ تەكسەرۋ – ولشەۋ جانە ەسەپتەۋ جۇرگىزۋگە تۋرا كەلەدى. مىسالى، شەكتى ەلەمەنتتىك مودەلىنىڭ ساندىق ءمانىن ەسەپتەۋ، قۇرىلىم ەرەكشەلىگىنىڭ ديناميكالىق ەرەكشەلىگىن ولشەۋ جانە ەسەپتەۋ، ماتەريالدى تەكسەرۋ جانە تاجىريبە جاساۋ سياقتىلار. مۇنىڭ ىشىندە اعاش مۇنارانىڭ حاۋىپ – قاتەر دارەجەسىن ناقتى تۇراقتاندىرا الاتىنى تەك ديناميكالىق ساندى مالىمەت عانا. سوندىقتان اعاش مۇنارانىڭ ءار جەرىندە ساقتالعان ءپىشىن وزگەرىسىن ۇزاق ۋاقىت باقىلاپ – ولشەپ، ساندىق مالىمەتتىڭ وزگەرىسى ارقىلى ونىڭ ءبۇلىنۋ بەتالىسىنا تالداۋ جاساۋعا تۋرا كەلەدى. وسى ساندى مالىمەتتەر اعاش مۇنارا ينفورماتسيا جۇيەسىنىڭ ارحيۆىن قالىپتاستىرادى.

    مادەني مۇرا قۇرىلىسىن جوندەۋ ينجەنەرياسىندا كوزدەگەن ماقساتقا جەتە الۋ – جەتە الماۋدا الدىڭعى مەرزىمدىك ولشەۋ، زەرتتەۋ توتەنشە ماڭىزدى. ادەتتە مادەني مۇرا قۇرىلىستارىنىڭ الدىڭعى مەرزىمدىك كارتوگرافيالىق سىزباسىن سىزۋ ءبىرشاما قيىنعا تۇسەدى، بەيمالىم ورنىن قۇرىلىس باستالعاننان كەيىن تولىقتاپ ولشەۋ ارقىلى ەستەلىك بارىسىنىڭ تولىقتىعىنا كەپىلدىك ەتۋ كەرەك. عىلىم – تەحنيكانىڭ دامۋىنا ساي، ءتىپتى دە دالمە – ءدال ەستەلىككە الۋ ءتاسىلى دە جارىققا شىقتى. مىسالى، شاڭحاي ۋكاڭ كوشەسىندەگى تاياۋ زامانعى عيماراتتاردى ولشەۋ – سىزۋدا وسى زامانعى 3D جايمالاۋ تەحنيكاسىنان پايدالانىپ، تىكەلەي باعىتتاعى كورىنىس سحەماسىن قالىپتاستىرعان. بۇل ناقتى زاتتىڭ تىك بەت سىزباسى، جازىق بەت سىزباسى جانە قيما بەت سىزباسى دەپ اتالادى.

    قۇرىلىس وبيەكتىسىن ىشكەرىلەي ەستەلىككە الۋ نەگىزىندە وعان عىلمي باعالاۋ جۇرگىزۋ كەرەك. مادەني مۇرالاردى جوندەۋ ينجەنەرياسىنىڭ ماقساتى _ قورعاۋ نىسانىندا ساقتالعان كومەسكى قاتەردى جويۋ.

    ءداستۇرلى تەحنولوگيا مەن جاڭا تەحنيكانىڭ بىرەۋى كەم بولسا بولمايدى

    الدىن الا قانشالىق زەرتتەگەنمەن، قانشالىق ءدال ولشەپ باعالاعانمەن، ەڭ سوڭىندا مادەني مۇرالاردى جوندەۋ ينجەنەرياسىن اتقارۋعا تۋرا كەلەدى. سوڭعى جىلداردان بەرى مەملەكەتىمىز تاڭداۋلى ءداستۇر مەن ۇستالىق رۋحتى بارىنشا ساۋلەلەندىرۋدى باسا دارىپتەدى. ءداستۇرلى قۇرىلىستى ءداستۇرلى تەحنولوگيادان، ءداستۇرلى ماتەريالداردان پايدالانىپ جوندەۋ _ مادەني قۇرىلىستاردى جوندەۋدەگى ەڭ تاماشا تالعام بولماق.

جاۋاپتى رەداكتور: جازيرا بولاتباي قىزى