سالاماتتىق تا، ادىلدىك تە الدا تۇرادى

  • كەلۋ قاينارى: ىلە گازەتى
  • 03:23:18 13/04/2020

    - وقۋ - اعارتۋ مينيسترلىگىنىڭ قاتىستى جاۋاپتىسى 2020 - جىلعى جوعارى مەكتەپ ەمتيحانى قىزمەتى جونىندە تىلشىلەردىڭ سۇراۋىنا جاۋاپ بەردى

    

    3 - ايدىڭ 31 - كۇنى وقۋ - اعارتۋ مينيسترلىگى حابارلاندىرۋ شىعارىپ، 2020 - جىلى مەملەكەتتىك جوعارى مەكتەپ ەمتيحانىن ءبىر اي كەشىكتىرۋدى ايقىن تۇراقتاندىردى، ەمتيحان ۋاقىتى 7 -ايدىڭ 7 - كۇنىنەن 7 - ايدىڭ 8 - كۇنىنە دەيىن بولادى. جوعارى مەكتەپ ەمتيحانىنىڭ ۋاقىتىن كەشىكتىرۋدە نەلەر ويلاستىرىلدى؟ ەمتيحاننىڭ ۇيىمداستىرىلۋ قىزمەتىندە قانداي وزگەرىستەر بولادى؟ وقۋشى قابىلداۋ قىزمەتى مەن جوعارى مەكتەپتەردىڭ كۇزگى وقۋ باستاۋىن قالاي ورنالاستىرۋ كەرەك؟ دەگەن ماسەلەلەر توڭىرەگىندە وقۋ - اعارتۋ مينيسترلىگىنىڭ قاتىستى جاۋاپتىسى تىلشىلەردىڭ ارناۋلى سۇحپاتىن قابىلدادى .

    سۇراۋ: بيىلعى جوعارى مەكتەپ ەمتيحانىنىڭ ۋاقىتىن ءبىر اي كەشىكتىرۋدە نەلەر ويلاستىرىلدى؟

    جاۋاپ: جوعارى مەكتەپ ەمتيحانى - ەلىمىزدىڭ الەۋمەتتىك ومىرىندەگى ءىرى ءىس بولىپ، بۇل مەملەكەتتىڭ دارىندىلاردى سارالاۋىنا، قوعامدىق ادىلدىككە، بارشا وقۋشىلار مەن وتباسىلارىنىڭ ءتول مۇددەسىنە سايادى. 2020 - جىلى مەملەكەت بويىنشا جوعارى مەكتەپ ەمتيحانىنا تىركەلگەندەر 10 ميلليون 710 مىڭ ادام بولعان. پارتيا ورتالىق كوميتەتى، مەملەكەتتىك كەڭەس جاڭا تيپتى ايدارشا ۆيرۋس وكپە قابىنۋ ىندەتىنىڭ بيىلعى جوعارى مەكتەپ ەمتيحانى قىزمەتىنە جاسايتىن ىقپالىنا ايرىقشا نازار اۋدارىپ، 2020 - جىلعى جوعارى مەكتەپ ەمتيحانى قىزمەتىن ورنىقتى، ويداعىداي ىستەۋدى تالاپ ەتتى. وقۋ - اعارتۋ مينيسترلىگى كەڭ كولەمدە پىكىر الۋ نەگىزىندە جان - جاقتى تۇجىرىم جاساپ، تىڭعىلىقتى زەرتتەپ، پارتيا ورتالىق كوميتەتى مەن مەملەكەتتىك كەڭەستىڭ ماقۇلداۋىمەن بيىل بۇكىل ەل بويىنشا جوعارى مەكتەپ ەمتيحانىنىڭ ۋاقىتىن ءبىر اي كەشىكتىرۋدى بەلگىلەدى .

    ءبىرىنشى، «سالاماتتىقتى ءبىرىنشى ورىنعا قويۋعا» تاباندى بولىپ، ەمتيحان بەرەتىن وقۋشىلار مەن ەمتيحانعا قاتىستى ادامداردىڭ باس اماندىعىنا شىنايى كەپىلدىك ەتۋ كەرەك. قازىر مەملەكەت بويىنشا ىندەتتىڭ تارالۋى نەگىزىنەن تەجەلدى، ءبىراق بىرەن – ساران ناۋقاستار مەن ىندەتتىڭ شاعىن كولەمدە تۋىلۋ قاتەرى ءالى دە ساقتالىپ وتىر، شەكارا سىرتىندا ىندەتتىڭ جەدەل تارالۋ جاعدايى جارىققا شىعىپ، ەلىمىزگە ىندەتتىڭ سىرتتان كىرۋ قىسىمى ءۇرتىس ارتا ءتۇستى. جوعارى مەكتەپ ەمتيحانى - ون ميلليونداعان وقۋشىنىڭ كەڭ كولەمدى تاڭداۋ سيپاتىندىق ەمتيحانى، ءسوز جوق، مۇندا «سالاماتتىقتى ءبىرىنشى ورىنعا قويۋعا» تاباندى بولىپ، ەڭ ورنىقتى، حاۋىپ ـ قاتەرى ەڭ از جوبالاردان پايدالانىپ، ەمتيحان بەرەتىن وقۋشىلار مەن ەمتيحانعا قاتىستى ادامداردىڭ باس اماندىعى مەن سالاماتتىعىنا شىنايى كەپىلدىك ەتۋ كەرەك .

    ەكىنشى، «ادىلدىكتى ءبىرىنشى ورىنعا قويۋعا» تاباندى بولىپ، ىندەتتىڭ بارشا ەمتيحان بەرەتىن وقۋشىلاردىڭ، وتە - موتە، اۋىل - قىستاق پەن كەدەي وڭىرلەردەگى وقۋشىلاردىڭ ساباق پىسىقتاۋىنا، ەمتيحانعا ازىرلەنۋىنە جاسايتىن ىقپالىن ەڭ تومەنگى شەككە ءتۇسىرۋ كەرەك. ىندەت تۋىلعاننان كەيىن، جەر - جەر وقۋ باستاۋ ۋاقىتىن كەشەۋىلدەتىپ، ورتا مەكتەپ 3 - جىلدىعىندا وقيتىن وقۋشىلاردى ۇيدە وقۋعا ورنالاستىردى، وقۋشىلاردىڭ ساباق پىسىقتاۋى، ەمتيحانعا ازىرلەنۋى جاپپاي ىقپالعا ۇشىرادى. اسىرەسە، قالا مەن اۋىلدىڭ توراپتا ۇيرەنۋ شارت - جاعدايى سىندى پارىقتار سەبەبىنەن ءىشىنارا اۋىل - قىستاقتار مەن كەدەي وڭىرلەردەگى وقۋشىلاردىڭ ساباق پىسىقتاۋىنا، ەمتيحانعا ازىرلەنۋىنە ىقپالى ءتىپتى دە زور بولدى. جوعارى مەكتەپ ەمتيحانىنىڭ نەگىزگى قۇن بەتالىسى - ادىلدىككە شىنايى كەپىلدىك ەتۋ. جوعارى مەكتەپ ەمتيحانىنىڭ ۋاقىتى ءبىر اي كەشىكتىرىلسە، ەمتيحان بەرەتىن اناعۇرلىم كوپ وقۋشى ۋاقىتىن وقىتۋ جوسپارى بويىنشا شوعىرلى ۇيرەنۋگە جۇمسايدى دا، وقۋ - اعارتۋدىڭ ادىلدىگىنە ەڭ جوعارى شەكتە كەپىلدىك ەتۋگە بولادى.

جاۋاپتى رەداكتور: جازيرا بولاتباي قىزى