سالاماتتىق تا، ادىلدىك تە الدا تۇرادى

  • كەلۋ قاينارى: ىلە گازەتى
  • 03:23:18 13/04/2020

    سۇراۋ: وقۋ - اعارتۋ مينيسترلىگى بيىلعى جوعارى مەكتەپ ەمتيحانى سىندى ماڭىزدى قىزمەتتە نەلەردى ويلاستىردى؟

    جاۋاپ: 2020 - جىلى جوعارى مەكتەپ ەمتيحانى جارامدى ادام تاربيەلەۋدى بەتالىس ەتىپ، ءمورال، اقىل - وي، دەنە، ەستەتيكا، ەڭبەك جاقتارىنان جان - جاقتى دامۋ تالابىن تولىق ايگىلەپ، شەشۋشى قابىلەتتى تەكسەرۋدى كۇشەيتۋگە كۇش سالادى. سونداي - اق ىندەت فاكتورى مەن ەمتيحان بەرەتىن وقۋشىلاردىڭ ساباق پىسىقتاۋ، ەمتيحانعا ازىرلەنۋ جاعدايىن جان - جاقتى ويلاستىرىپ، جالپى تۇلعالىق ورنىقتىلىقتى ساقتاۋ العى شارتىندا، ەمتيحان سۇراۋلارى جاعدايى جٶباسىن ساپالىلاندىرىپ، نەگىزدىك، جالپىلىق، جاسامپازدىق سيپاتىن كۇشەيتىپ، ورتا مەكتەپتەردىڭ وقۋ - اعارتۋ زاڭدىلىعىنا بويسۇنىپ، ساپا تاربيەسىن دامىتىپ، وقۋشىلاردىڭ اقاۋسىز ەسەيىپ - ەرجەتۋىنە، جان – جاقتى دامۋىنا دەم بەرەدى.

    سۇراۋ: بيىلعى جوعارى مەكتەپ ەمتيحانىن ۇيىمداستىرۋ قىزمەتىندە وتكەن جىلداعىمەن سالىستىرعاندا قانداي وزگەرىستەر بولادى؟ بۇل ەمتيحان بەرەتىن وقۋشىلارعا قانداي ىقپال جاسايدى؟

    جاۋاپ: 2020 - جىلعى جوعارى مەكتەپ ەمتيحانى قىزمەتى ىندەتتەن ساقتانۋ - تىزگىندەۋ جانە ەمتيحان ۋاقىتىن كەشەۋىلدەتۋ سياقتى كۇردەلى جاعدايعا ءدوپ كەلىپ وتىر، وقۋ - اعارتۋ مينيسترلىگى جەر - جەردىڭ تومەندەگىدەي ءۇش جاقتاعى قىزمەتتى ءتۇيىندى تۇردە كۇشەيتۋىنە جەتەكشىلىك ەتەدى.

    ءبىرىنشى، ىندەتتەن ساقتانۋ شارالارىن كۇشەيتۋ كەرەك. بيىلعى ىندەتتەن ساقتانۋ - تىزگىندەۋ ەرەكشە جاعدايىندا، ولكە دارەجەلى وقۋشى قابىلداۋ كوميتەتتەرى دەنساۋلىق ساقتاۋ، سالاماتتىق تاراۋلارىن سايكەستىرە وتىرىپ، 7 - ايدىڭ باس شەنىندەگى ىندەت جاعدايىنا ىشكەرىلەي تۇجىرىم جاساپ، ىندەتتەن ساقتانۋ - تىزگىندەۋ قىزمەتىنىڭ ولشەمىن ەگجەي - تەگجەيلى بەلگىلەپ، ەمتيحانعا ۇيىمداستىرۋدىڭ ءارقايسى بۋىندارىنداعى ىندەتتەن ساقتانۋ شارالارىن شىن مانىندە كۇشەيتىپ، ەمتيحان بەرەتىن وقۋشىلارعا حاۋىپسىز ەمتيحان ورتاسىن جاراتۋعا كۇش سالۋى كەرەك.

    ەكىنشى، ەمتيحاندى ۇيىمداستىرىپ باسقارۋدى كۇشەيتۋ كەرەك. ەمتيحان ىستەرى جونىندەگى بەلگىلەمەلەردى قاتاڭ ارناعا ءتۇسىرىپ اتقارىپ، ەمتيحان سۇراۋىن شىعارۋ، ەمتيحان قاعازىن باسۋ، ەمتيحان قاعازىن ساقتاۋ، ءبولىپ تاراتۋ، ەمتيحان الۋ، ەمتيحان قاعازىن تەكسەرۋ سىندى ءارقايسى بۋىنداردىڭ حاۋىپسىزدىك شارالارىن تياناقتاندىرىپ، ەمتيحانعا ۇيىمداستىرۋدا ەشقانداي اعاتتىق جىبەرمەۋگە شىنايى كەپىلدىك ەتۋ كەرەك.

    ءۇشىنشى، شۇعىل جاعدايعا توتەپ بەرۋ ازىرلىگىن كۇشەيتۋ كەرەك. جوعارى مەكتەپ ەمتيحانى كەزىندە ءىشىنارا رايونداردا جوعارى تەمپەراتۋرالى اۋا رايى مەن جاراتىلىستىق اپات تۋىلۋ مۇمكىندىگىن كوزدە ۇستاي وتىرىپ، جەر - جەر ىستىقتان ساقتانۋ، تەمپەراتۋرانى تومەندەتۋ قىزمەتى مەن ءتۇرلى جوبا دايىندىعىن جاساۋى ءارى اپاتتى اۋا رايى جونىنەن شۇعىل جاعدايعا توتەپ بەرۋ قيمىلىن ۇيىمداستىرىپ، جوعارى مەكتەپ ەمتيحانىنىڭ حاۋىپسىز، ورنىقتى، ءساتتى وتكىزىلۋىن بار كۇشپەن قامتاماسىزداندىرۋى كەرەك.

    ءبىز جەر - جەر وقۋ -اعارتۋ تاراۋلارىنىڭ قاتىستى شارالار مەن تارتىپتەردى ساپالىلاندىرۋىنا جەتەكشىلىك ەتىپ، ەمتيحان بەرەتىن وقۋشىلارعا جۇيەلى، ادامگەرشىلىكپەن قىزمەت وتەۋىمىز كەرەك. سونىمەن بىرگە، ەمتيحان بەرەتىن وقۋشىلاردى تۇسىنۋگە جانە سايكەسۋگە باستاپ، ءوز وڭىرلەرىندەگى ەمتيحان تۇيىندەرىنىڭ ءبىر تۇتاس تالابى بويىنشا ەمتيحان بەرۋىن تالاپ ەتەمىز .

جاۋاپتى رەداكتور: جازيرا بولاتباي قىزى