سالاماتتىق تا، ادىلدىك تە الدا تۇرادى

  • كەلۋ قاينارى: ىلە گازەتى
  • 03:23:18 13/04/2020

    سۇراۋ: باسقا دا قاتىستى ەمتيحاندار مەن جوعارى مەكتەپ ەمتيحانىنىڭ دەنساۋلىق تەكسەرۋ قىزمەتى قالاي ورنالاستىرىلادى؟

    جاۋاپ: ءبىرىنشى، جوعارى مەكتەپ ەمتيحانى جالپىلىق رەفورماسىنىڭ ولكەلەردەگى قاتىستى ەمتيحانى جونىندە. بەيجيڭ، تيانجين، شاڭحاي، جىجياڭ، شاندۇڭ، حايناننىڭ ادەتتەگى ورتا مەكتەپتەرىنىڭ وقۋ ورەسىن سارالاۋ ەمتيحانى ۋاقىتىن قاتىستى ولكە دارەجەلى وقۋ - اعارتۋ اكىمشىلىك تاراۋلارى بەلگىلەيدى. ەكىنشى، كوركەمونەر تۇرىندەگى كاسىپتىك وقۋشى قابىلداۋ ەمتيحانى جونىندە. وقۋ - اعارتۋ مينيسترلىگى الدىڭعى مەرزىمدە ارناۋلى ورنالاستىرۋ جاسادى، قاتىستى جوعارى مەكتەپتەر عىلمي زەرتتەۋ ارقىلى دالەلدەگەننەن كەيىن، ناق مايداندا سىناۋ الۋ قاجەت بولسا، جوعارى مەكتەپ ەمتيحانىنان كەيىن ۇيىمداستىرۋلارى، سونداي - اق ەمتيحانعا قاتىناساتىن وقۋشىلاردىڭ سانىن مۇمكىندىكتىڭ بارىنشا ازايتۋلارى كەرەك. ءۇشىنشى، دەنە تاربيە تۇرىندەگى وقۋشى قابىلداۋ ەمتيحانى جونىندە. جوعارى مەكتەپتەردىڭ دەنە تاربيە جاتتىعۋ كاسىبى دەربەس وقۋشى قابىلداۋ ەمتيحانى مەن جوعارى دەڭگەيدەگى دەنە تاربيە كوماندالارىنىڭ ءبىر تۇتاس سىناۋ نىسانى مەملەكەتتىك دەنە تاربيە باس مەكەمەسىنىڭ قاتىستى ۇقتىرۋىنىڭ ورنالاستىرۋى بويىنشا جۇرگىزىلەدى. دەنە تاربيە تۇرىندەگى كاسىپتىك ەمتيحاندى ولكە دارەجەلى وقۋشى قابىلداۋ كوميتەتتەرى ىندەتتەن ساقتانۋ - تىزگىندەۋ تالابىنا ساي ورنالاستىرادى. جوعارى دەڭگەيلى سپورت كوماندالارىنىڭ ءبىر تۇتاس سىناۋ الىنبايتىن نىساندارىن قاتىستى جوعارى مەكتەپتەر جەر - جەردىڭ ىندەتتەن ساقتانۋ - تىزگىندەۋ تالابى بويىنشا ورنالاستىرادى. ءتورتىنشى، «نەگىزدى بەكەمدەۋ جوسپارى» جونىندە. قاتىستى قىزمەت ۋاقىتى بۇرىنعى بەلگىلەنگەن ۋاقىتتان ءبىر ايعا ۇزارتىلىپ، مەكتەپتەردىڭ باعالاۋى اۋەلگىسىندەي جوعارى مەكتەپ ەمتيحانى ناتيجەسى جاريالانعاننان كەيىن جۇرگىزىلەدى. بەسىنشى، ءىشىنارا جوعارى مەكتەپتەرگە ارنايى وقۋشى قابىلداۋ جانە جوعارى دەڭگەيدەگى كوركەمونەر ۇيىرمەلەرىنە وقۋشى قابىلداۋ ەمتيحانى جونىندە. قاتىستى جوعارى مەكتەپتەر جەر - جەردىڭ ىندەتتەن ساقتانۋ - تىزگىندەۋ تالابى بويىنشا ورنالاستىرادى . التىنشى، جوعارى دارەجەلى كاسىپتىك تۇرلەر بويىنشا وقۋشى قابىلداۋ ەمتيحانى قاتارلى ولكەلەردىڭ ( اۆتونوميالى رايون، توتە قاراستى قالا ) ءبىر تۇتاس ۇيىمداستىرعان ەمتيحانى جونىندە. ولكە دارەجەلى وقۋشى قابىلداۋ كوميتەتتەرى ىندەتتەن ساقتانۋ - تىزگىندەۋ تالابىنا ساي ورنالاستىرادى. جەتىنشى، جوعارى مەكتەپ ەمتيحانىنىڭ دەنساۋلىق تەكسەرتۋ قىزمەتى جونىندە. ءارقايسى ولكە دارەجەلى وقۋشى قابىلداۋ كوميتەتتەرى سول جەردەگى دەنساۋلىق ساقتاۋ، سالاماتتىق تاراۋلارىن سايكەستىرىپ، ۇيلەسىمدى، ءتارتىپتى ورنالاستىرادى .

    سۇراۋ: بيىلعى جوعارى مەكتەپتەردىڭ وقۋشى قابىلداۋ قىزمەتىن ورنالاستىرۋ مەن جوعارى مەكتەپتەردىڭ كۇزگى وقۋ باستاۋىندا قانداي وزگەرىستەر بولدى؟

    جاۋاپ: جالپى تۇلعالىق جاقتان العاندا، بيىلعى جوعارى مەكتەپ ەمتيحانىنان كەيىنگى تالاپ تولتىرۋ مەن وقۋشى قابىلداۋ ۋاقىتى وتكەن جىلداعىدان ءبىر اي اينالاسىندا كەشەۋىلدەيدى، تولىق كۋرسقا وقۋشى قابىلداۋ مولشەرمەن 8 - ايدىڭ سوڭىندا اياقتاسا، ارناۋلى كۋرسقا وقۋشى قابىلداۋ مولشەرمەن 9 - ايدىڭ ورتا شەنىندە اياقتاماقشى. جوعارى مەكتەپتەردىڭ كۇزگى وقۋ باستاۋ ۋاقىتى دا سايكەستى كەشەۋىلدەتىلىپ، مەجەمەن تولىق كۋرس جوعارى مەكتەپتەرى 9 - ايدىڭ باسىنان تارتىپ ورتا شەنىنە دەيىن ۇزدىك - سوزدىق وقۋ باستاسا، جوعارى دارەجەلى كاسىپتىك مەكتەپتەر ادەتتە 10 - ايدىڭ باسىندا وقۋ باستايدى .

جاۋاپتى رەداكتور: جازيرا بولاتباي قىزى