سالاماتتىق تا، ادىلدىك تە الدا تۇرادى

  • كەلۋ قاينارى: ىلە گازەتى
  • 03:23:18 13/04/2020

    سۇراۋ: حۋبەي ولكەسى مەن بەيجيڭ قالاسىنىڭ جوعارى مەكتەپ ەمتيحانى جونىندە قانداي ويلار مەن ورنالاستىرۋلار بار؟ قازىر ءارقايسى ولكەنىڭ ورتا مەكتەپ 3 - جىلدىعىنىڭ وقۋ باستاۋ ۋاقىتى ۇقسامايتىندىقتان، جوعارى مەكتەپ ەمتيحانىنىڭ ادىلدىگىنە ىقپال جاساي ما؟

    جاۋاپ: حۋبي ولكەسىنىڭ، بەيجيڭ قالاسىنىڭ ەرەكشە احۋالدارىن ەسكەرە وتىرىپ، ەكى جەردىڭ ىندەتتەن ساقتانۋ - تىزگىندەۋ احۋالىنا نەگىزدەلە وتىرىپ، ءوز رايونىنىڭ جوعارى مەكتەپ ەمتيحانى ۋاقىتىن ورنالاستىرۋ پىكىرىن اقىلداسىپ العا قويۋىنا بولادى، وقۋ - اعارتۋ مينيسترلىگى قوسىلعاننان كەيىن دەر كەزىندە قوعامعا جاريالاۋىنا بولادى. سونىمەن بىرگە، وقۋ - اعارتۋ مينيسترلىگى مەملەكەتتىك دەنساۋلىق ساقتاۋ، سالاماتتىق كوميتەتى، قوعام حاۋىپسىزدىگى مينيسترلىگى سياقتى تاراۋلارمەن بىرگە ەكى جەردىڭ جوعارى مەكتەپ ەمتيحانىن ۇيىمداستىرۋ قىزمەتىن قامتاماسىزداندىرادى.

    ەلىمىزدىڭ جوعارى مەكتەپ ەمتيحانىندا ولكە (اۆتونوميالى رايون، توتە قاراستى قالا) بىرلىك ەتىلىپ ەمتيحان الىنادى جانە قابىلدانادى. الدىڭعى مەزگىلدە وقۋ - اعارتۋ مينيسترلىگى جەر - جەردىڭ وقۋ باستاۋ، ساباقتى قالپىنا كەلتىرۋ قىزمەتىنە ارناۋلى ورنالاستىرۋ جاساپ، پرينسيپتىك جاقتان ورتا مەكتەپ 3 - جىلدىعىندا ولكە ىشىندە ساباقتى بىردەي قالپىنا كەلتىرۋدى تالاپ ەتتى. سوندىقتان ۇقساماعان ولكەلەردىڭ ورتا مەكتەپ 3 - جىلدىعىنىڭ وقۋ باستاۋ ۋاقىتى ۇقساماعانىمەن، جوعارى مەكتەپ ەمتيحانىنىڭ ادىلدىگىنە ىقپال جاسامايدى.

    سۇراۋ: وقۋ - اعارتۋ مينيسترلىگىنىڭ جەر - جەردىڭ ورتا مەكتەپ ەمتيحانى جونىندە قانداي جەتەكشى پىكىرى بار؟

    جاۋاپ: ورتا مەكتەپ ەمتيحانىن ادەتتە جەر - جەر ءىس جۇزىندىك جاعدايلارىنا قاراي تۇراقتاندىرادى، بۇرىن جەر - جەردىڭ ورتا مەكتەپ ەمتيحانى نەگىزىنەن جوعارى مەكتەپ ەمتيحانىنان كەيىن الىناتىن. بيىلعى ىندەتتەن ساقتانۋ - تىزگىندەۋ جانە وقۋ باستاۋ ۋاقىتىنىڭ كەشەۋىلدەۋى سياقتى ەرەكشە جاعدايلاردى ەسكەرە وتىرىپ، وقۋ - اعارتۋ مينيسترلىگى جەر - جەردىڭ ولكە دارەجەلى ءبىر تۇتاس جوسپارلاۋدى كۇشەيتۋىنە جەتەكشىلىك ەتىپ، ءوز ولكەلەرىنىڭ ءىس جۇزىندىك جاعدايىنا قاراي ورتا مەكتەپ ەمتيحانى ۋاقىتىن تۇراقتاندىرۋدى پرينسيپتىك جاقتان تاعى دا جوعارى مەكتەپ ەمتيحانىنان كەيىن ورنالاستىرۋى كەرەك.

    وقۋ - اعارتۋ مينيسترلىگى جەر - جەردىڭ ورتا مەكتەپ ەمتيحانى، ەمتيحانعا ۇيىمداستىرۋ جانە وقۋ - وقىتۋ سياقتى قاتىستى قىزمەتتەرىن ءبىر تۇتاس ويداعىداي ىستەۋىنە بەلسەنە جەتەكشىلىك ەتىپ، ورتالاۋدىڭ 3 -جىلدىقتارىنىڭ مەكتەپ بىتىرەتىن كلاستارىنا جەتەكشىلىك ەتۋدى كۇشەيتىپ، مىندەتتى وقۋ-اعارتۋ ساباعى جوباسى بويىنشا بەلگىلەنگەن ساباقتاردى تولىق اشىپ، پىسىقتاۋ ۋاقىتىن ۇيلەسىمدى ورنالاستىرىپ، وقۋشىلاردىڭ دەنە شىنىقتىرۋى مەن ۋاقىتىنا كەپىلدىك ەتەدى، سونىمەن بىرگە وقۋشىلاردىڭ پسيحيكالىق اقاۋسىزدىق تاربيەسى مەن ىندەتتەن ساقتانۋدىڭ ءبىرىنشى شەبىندەگىلەردىڭ پەرزەنتتەرى، قالاعا كىرىپ جۇمىستانعانداردىڭ ناپوسىنداعى پەرزەنتتەرى، اۋىل - قىستاقتاعى ۇيدە قالعان بالالار سياقتى ەرەكشە بۇقارالىق توپتارعا قامقورلىق جاساۋ، كومەكتەسۋ قىزمەتىن كۇشەيتەدى.

    شينحۋا اگەنتتىگىنىڭ 3 -ايدىڭ 31 – كۇنى بەيجيڭنەن بەرگەن حابارى ( تىلشىلەر شى يۇيسىن، حۋ حاۋ).

    حالىق گازەتىنەن اۋدارعان: جارقىن نۇرابىلدا ۇلى

جاۋاپتى رەداكتور: جازيرا بولاتباي قىزى