شينجياڭدا بيىل جالعاستى سالىناتىن ءتۇيىندى نىسانداردا جۇمىس تولىق قالپىنا كەلدى

  • كەلۋ قاينارى: ىلە گازەتى
  • 02:53:10 16/04/2020

    قارجى قوسۋ سوماسى 220 ميلليارد يۋاننان اسادى

    

    شينحۋا اگەنتتىگىنىڭ 4 - ايدىڭ 14 - كۇنى ۇرىمجىدەن بەرگەن حابارى (تىلشىلەر دۋ گاڭ، جوۋ شىڭبين). شينجياڭدا بيىل جالعاستى سالىناتىن 190 ءتۇرلى ءتۇيىندى نىساندا 3 - ايدىڭ سوڭىنا دەيىن جۇمىس تولىق قالپىنا كەلدى، بۇعان جالپى 792 ميلليارد 400 ميلليون يۋان قارجى قوسىلادى، بيىل 221 ميلليارد 600 ميلليون يۋان قارجى قوسۋ جوسپارلانعان، بۇل سۋ يگىلىگى، قاتىناس، ەنەرگيا، كاسىپ سالاسى، حالىق تۇرمىسى سياقتى سالالارعا سايادى.

    4 - ايدىڭ 14 - كۇنى وتكىزىلگەن شينجياڭ ۇيعۇر اۆتونوميالى رايوندىق ءتۇيىندى نىساندار قۇرىلىسىنىڭ سالىنۋ جاعدايى جونىندەگى اقپارات جاريالاۋ ماجىلىسىندە، اۆتونوميالى رايوندىق دامۋ جانە رەفورما كوميتەتىنىڭ ورىنباسار مەڭگەرۋشىسى لي رىن بىلاي دەپ تانىستىردى: شينجياڭنىڭ بيلىعى ءتۇيىندى نىساندارى جالپى 390، مۇنىڭ ىشىندە 190 نىسان جالعاستى سالىنادى، 80 نىساندا جاڭادان جۇمىس باستالادى، ال 120 نىساننىڭ ازىرلىك جۇمىسى ىستەلەدى.

    اۆتونوميالى رايوننىڭ جاڭادان جۇمىس باستايتىن 80 ءتۇيىندى نىسانىنىڭ 23 ىندە 3 – ايدىڭ سوڭىنا دەيىن قۇرىلىس جۇرگىزۋ جۇزەگە اسىرىلدى. مەجەمەن الدىڭعى جارتى جىلدا جاڭادان جۇمىس باستايتىن نىسانداردىڭ 66 سىندا قۇرىلىس جۇرگىزىلىپ، جۇمىس باستاۋ سالىستىرماسى %80 تەن اساتىن كورىنەدى.

    لي رىن بىلاي دەدى: شينجياڭ ورتالىق پەن اۆتونوميالى رايوننىڭ مەجە ەسەپ ىشىندە قارجى قوسۋ، جەرگىلىكتى ۇكىمەتتىڭ ارناۋلى زايومى سياقتى قازىنا سيپاتىندىق قارجىنى ءبىر تۇتاس جوسپارلاپ ويداعىداي پايدالانىپ، ءتۇيىندى نىسانداردىڭ ءساتتى اتقارىلۋىنا كەپىلدىك ەتەدى.

جاۋاپتى رەداكتور: جازيرا بولاتباي قىزى