توكيو وليمپيادا سپورت جينالىسىنىڭ ۋاقىتى تۇراقتاندىرىلدى

  • كەلۋ قاينارى: ىلە گازەتى
  • 03:13:41 16/04/2020

    شينحۋا اگەنتتىگىنىڭ 3 -ايدىڭ 30 - كۇنى بەيجيڭنەن بەرگەن حابارى. حالىقارالىق وليمپيادا كوميتەتىنىڭ قايتا – قايتا شاقىرۋىمەن، توكيو وليمپيادا ۇيىمداستىرۋ كوميسسياسى جانە قاتىستى جاقتار 3 – ايدىڭ 30 - كۇنى توكيو وليمپيادا سپورت جينالىسىنىڭ وتكىزىلەتىن جاڭا ۋاقىتىنىڭ 2021 ـ جىلى 7 – ايدىڭ 23 – كۇنىنەن 8 – ايدىڭ 8 – كۇنىنە تۇراقتاندىرىلعاندىعىن، مۇگەدەكتەر وليمپيادا سپورت جينالىسىنىڭ 8 – ايدىڭ 24 – كۇنىنەن 9 – ايدىڭ 5 – كۇنىنە دەيىن وتكىزىلەتىندىگىن جاريالادى. ءدۇبىرلى جينالىس ۋاقىتى ارت - ارتىنان كەشەۋىلدەپ، ەرەكشە تىعىز – تاياڭ بولعاندىقتان 2021 - جىلعى جارىس كۇنتىزبەسىن قايتادان رەتتەۋ قاجەت بولدى، قاباتتاسقان ءدۇبىرلى جينالىس ۋاقىتىن ەلىمىز ءبىر تۇتاس ويلاستىرعان ابزال.

    كەزەكتە 2021 - جىلعى جارىس كۇنتىزبەسى بويىنشا ەۆروپا اعا جۇلدەگەرلىگىنە تالاسۋ جارىسى 6 -، 7- اي ارالىعىندا وتكىزىلەتىن بولىپ، توكيو وليمپيادا سپورت جينالىسى 7 – ايدىڭ سوڭى مەن 8 – ايدىڭ باس شەنىن يەلەدى. ال چىڭدۋ دۇنيە جۇزىلىك ستۋدەنتتەر سپورت جارىسى وتكەن ايدىڭ سوڭىندا 8 كۇن كەشىكتىرىلەتىندىگىن جاريالاپ، بۇل جارىس 2021 - جىلى 8 – ايدىڭ 16 – كۇنىنەن 27 - كۇنىنە دەيىن وتكىزىلەتىن بولىپ تۇراقتاندى، ياعني وليمپيادا سپورت جينالىسىنىڭ شىمىلدىعى جابىلىپ، 8 كۇننەن كەيىن وتكىزىلەدى.

    ەندەشە، جۇڭگو جونىنەن العاندا ەندىگى شۇعىل ويلاستىراتىن شارۋا 2021 - جىلعى شانشي مەملەكەتتىك سپورت جارىسى مەن كلوبتار ارا دۇنيە ساۋىتىنا تالاسۋ جارىسىنىڭ ۋاقىتىن قالاي رەتتەۋ بولىپ وتىر.

    شانشي ولكەلىك دەنە تاربيە مەكەمەسىنىڭ ورىنباسار باستىعى شۇي پىڭ بىرنەشە كۇننىڭ الدىندا بىلاي دەدى: 14 - كەزەكتى مەملەكەتتىك سپورت جارىسىنىڭ ۋاقىتىن رەتتەۋ – رەتتەمەۋدى قازىر تۇراقتاندىرۋ قيىن. وسىدان بۇرىن مەملەكەتتىك سپورت جارىسىن وتكىزەتىن ناقتى ۋاقىت جاريالانباعانمەن، ءبىراق وتكەن جىلى اشىق جيناپ الىنعان اشىلۋ، (جابىلۋ) سالتىنىڭ ۇعىمدىق جاسامپازدىق جوباسىندا، اشىلۋ سالتىنىڭ ۋاقىتشا 2021 - جىلى 8 – ايدىڭ 28 - كۇنى، 9 – ايدىڭ 9 – كۇنى وتكىزىلەتىندىگى تۇراقتاندىرىلعان بولاتىن. مىسالى، وليمپيادا سپورت جينالىسى مەن مەملەكەتتىك سپورت جارىسى قىسقا ۋاقىت ىشىندە ىركەس - تىركەس وتكىزىلسە، بۇل ەل ىشىندەگى سايلاۋىت سپورتشىلاردىڭ جوعارىداعى جارىس تۇرلەرىنە دايىندالۋىنا ىقپال ەتۋى مۇمكىن.

    ال شينحۋا اگەنتتىگىنەن ۇعىسۋىنا قاراعاندا، قازىر مەملەكەتتىك ٴارقايسى شوعىرلى جاتتىعۋ اترەتتەرى وليمپيادا سپورت جينالىسى مەن مەملەكەتتىك سپورت جارىسىنىڭ جارىس كۇنتىزبەسىنە جاپپاي كوڭىل ءبولىپ وتىر ەكەن. مەملەكەتتىك سپورت جارىسىنىڭ التىن مەدالىنىڭ ولكە، اۆتونوميالى رايون، توتە قاراستى قالالار جونىنەن ماڭىزدىلىعى ايتپاسا دا تۇسىنىكتى، جارىسقا بۇرىن وليمپيادا سپورتشىلارى تۇگەل دەرلىك قاتىناساتىن. ءدۇبىرلى جارىسقا ارت - ارتىنان قاتىناساتىن بولسا، بۇل سپورتشىلاردىڭ دەنە قۋاتى جونىنەن ۇلكەن سايىس سانالادى.

    جۇڭگو مىندەتىنە الىپ وتكىزەتىن كلوپتار ارا دۇنيە جۇزىلىك فۋتبول ساۋىتىنا تالاسۋ جارىسىنا حالىقارالىق فۋتبول بىرلەستىگى زور ٴۇمىت ارتۋدا، اۋەلگى جوسپار بويىنشا 2021 - جىلى 6 -، 7 – اي ارالىعىندا شاڭحاي، تيانجين سياقتى 8 قالادا وتكىزىلەتىن بولعان. ءبىراق ەۆروپا اعا جۇلدەگەرلىگىنە تالاسۋ جارىسى كەشەۋىلدەپ، قاباتتاسىپ قالعاندىقتان، حالىقارالىق فۋتبول بىرلەستىگىنىڭ ءتوراعاسى فاندينو كلوبتار ارا دۇنيە جۇزىلىك فۋتبول ساۋىتىنا تالاسۋ جارىسىن كەشەۋىلدەتىپ وتكىزۋدى ورتاعا قويدى.

جاۋاپتى رەداكتور: جازيرا بولاتباي قىزى