1 - توقساندا شينجياڭ تەمىر جولى ءبىر ميلليون توننا ماقتانى جەدەل تاسىمالدادى

  • كەلۋ قاينارى: شينجياڭ گازەتى تورابى
  • 03:38:39 16/04/2020

    كاسىپورىنداردىڭ جۇمىستى، ءوندىرىستى قالپىنا كەلتىرۋىن قولدادى

    

    گازەتىمىزدىڭ جالپىلىق اقپارات قۇرالدارى ءتىلشىسى لۋ فىڭباۋ 4 - ايدىڭ 13 - كۇنى ۇرىمجىدەن حابارلايدى. جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنەن ۇعىسۋعا قاراعاندا، 1 - توقساندا شينجياڭ تەمىر جولى تۇراقتى ورىندا پويەزعا تيەپ، تاسىمال مولشەرىن مىقتاپ يگەرىپ، جيىنى ءبىر ميلليون 211 مىڭ 300 توننا ماقتا تاسىمالداعان، بۇل بىلتىرعى سايكەس مەزگىلدەگىمەن سالىستىرعاندا %69.6 ارتىپ، كاسىپورىنداردىڭ جۇمىستى، ءوندىرىستى قالپىنا كەلتىرۋىن پارمەندى قولداعان.

    بيىل شينجياڭ تەمىر جولى بۇكىل ەلدەگى كوپتەگەن ۇلكەن قاريدارلارمەن ستراتەگيالىق سەلبەستىك كەلىسىمىن جاساسىپ، ماقتانىڭ كەلىسىمدەگى تاسىمال مولشەرى 2 ميلليون 350 مىڭ توننا بولىپ، تەمىر جول تاسىمالىنىڭ جۇك قاينارىن ورنىقتىردى.

    ماقتا − مەديتسينالىق قورعانۋ كيىمى، ماقتا شۇيىرتپەك، ماقتالى شىرپى سياقتى مەديتسينالىق زاتتىق ماتەريالداردىڭ العاشقى شيكىزاتى، كاسىپورىنداردىڭ جۇمىستى، ءوندىرىستى قالپىنا كەلتىرۋ سەرپىنىنىڭ ارتۋىنا ىلەسە، بازاردىڭ ماقتاعا سۇرانىسى ارتقان. شينجياڭنىڭ ماقتاسىنىڭ ساپاسى جاقسى، قورى دا جەتكىلىكتى بولىپ، كوپتەگەن قاريدارلاردىڭ ساتىپ الۋدا العاشقى تاڭداۋ وبيەكتىسىنە اينالدى.

    شينجياڭ تەمىر جول تاراۋى شينجياڭداعى ماقتا تاسىمال بايلىقتارىن بىرىكتىرىپ، زات اينالىمىنىڭ سۇرانىسى بويىنشا، زات اينالىمىنىڭ وزىندىك قۇنىن تومەندەتۋ، تاسىمالدى ۇيىمداستىرۋ ونىمدىلىگىن جوعارىلاتۋ پرينسيبىنە نەگىزدەلىپ، قاريدارلار ءۇشىن زات اينالىمىن شەشۋ جوباسىن جاساپ، ساپالى قىزمەت وتەدى.

    شينجياڭ تەمىر جولى قاشقار، كورلا، كۇيتۇن جۇك تاسىمال ورتالىقتارىن باسقارۋ كولەمىندەگى ماقتانى جالپىلىق تەكسەرۋ قامبالارىن جالپى بەتتىك تەكسەرىپ اداقتاۋعا ۇيىمداستىرىپ، ”ءبىر قامباعا ءبىر جوبا“ قولدانىپ، جوعارى - تومەن جەلىدەگى قامداۋ سۇرانىسىن يكەمدى مەڭگەردى. ءارقايسى جۇك تاسىمال ورتالىقتارى ءتۇيىندى قاريدارلارمەن كۇندەلىكتى بايلانىستى كۇشەيتىپ، راسمياتتاردى ءبىتىرۋ، قىسقا ارالىققا وتكەرمەلەپ تاسىمالداۋ سياقتى جاقتاردا ورىن تەپكەن ماسەلەلەردى شەشۋلەرىنە كومەكتەسىپ، ماقتا تاسىمالى مولشەرىنىڭ ورنىقتى ارتۋىن جۇزەگە اسىردى.

    تەمىر جول تاراۋى تاعى قاريدارلارمەن بايلانىستى كۇشەيتىپ، ينفورماتسيالار جونىندە كۇنى بۇرىن پىكىر اۋىستىرىپ، جۇك ورىندارىن ۇيلەسىمدى ورنالاستىرىپ، كولىكتەردى دەر كەزىندە دايىنداپ جايعاستىرىپ، جۇكتى كۇنبە - كۇن اكەلۋدى، كۇنبە - كۇن تيەۋدى ورىندادى ءارى قاشقار، مارالباسى، اقسۋ، كورلا، كۇيتۇن، شىحىزى سياقتى جەرلەردەگى تەمىر جول جۇك الاڭدارىندا ماقتا تاسىمال كاسىبىن اشىپ، قاريدارلاردىڭ جاقىن ماڭدا جونەلتۋىنە، تاسىمالداۋىنا قولايلىلىق جاساپ، قىسقا ارالىققا وتكەرمەلەپ تاسىمالداۋدىڭ وزىندىك قۇنىن تومەندەتىپ، اناعۇرلىم كوپ جۇك قاينارىن وزىنە تارتتى.

    ”ءبىز ادام كۇشى، ماشينا سياقتى جاقتاردا ماقتانى ۆاگوندارعا تيەۋگە بەيىمدەپ، 1 - توقساندا جيىنى 489 مىڭ 300 توننا ماقتانى 7750 ۆاگونمەن جونەلتتىك، بۇل سايكەس مەزگىلدەگىدەن %80.8 ارتتى“، - دەدى قاشقار جۇك تاسىمال ورتالىعى جوسپارلاۋ - ساتۋ ءبولىمىنىڭ باستىعى ما جىمين.

جاۋاپتى رەداكتور: جازيرا بولاتباي قىزى