بيىل قايدۋ وزەنىنەن باعراش كولىنە ەكولوگيالىق سۋ جەتكىزۋ جۇمىسى باستالادى

  • كەلۋ قاينارى: شينجياڭ گازەتى تورابى
  • 03:41:14 16/04/2020

    گازەتىمىزدىڭ جالپىلىق اقپارات قۇرالدارى ءتىلشىسى ليۋ دۇڭلاي 4 - ايدىڭ 13 - كۇنى كورلادان حابارلايدى. 4 - ايدىڭ 13 - كۇنى تۇستەن بۇرىن حىجيڭ اۋدانى ۇلاستاي ەگىس الاڭىنىڭ ماڭىنداعى ازاتتىق ەكىنشى توعانىندا قايدۋ وزەنىنەن جىبەرىلگەن سۋ ەكولوگيالىق توسپادان اتىلىپ شىعىپ، شارۇسان جىلعاسىنا قۇيىلدى. ”بۇل سۋ ەڭ سوڭىندا باعراش كولىنىڭ باتىس سولتۇستىك مۇيىسىنە اعىپ كىرىپ، سۋ ايدىنىنىڭ اينالىم اۋماعىن كەڭەيتىپ، باعراش كولىنىڭ ەكولوگيالىق ورتاسىن بىرتىندەپ جاقسارتادى“، - دەدى تارىم وزەنى الابى بايىنعولين باسقارۋ مەكەمەسىنىڭ باستىعى ما يۇيچي.

    ۇعىسۋىمىزشا، وسى رەتكى ەكولوگيالىق سۋ جەتكىزۋ 4 - ايدىڭ 11 - كۇنىنەن باستالىپ، 11 - ايدىڭ 20 - كۇنى اينالاسىندا اياقتالادى، قايدۋ وزەنىنەن شارۇسان جىلعاسىنا (باعراش كولى) 156 ميلليون تەكشەمەتر ەكولوگيالىق سۋ جەتكىزۋ جوسپارلانىپ وتىر، مۇندا شارۇسان جىلعاسىنان شارۋسۋ تاسقىن بولگىش توسپاسىنىڭ شىعىس تارماعىنان باعراش كولىنە 76 ميلليون تەكشەمەتر سۋ؛ قايدۋ وزەنىنەن ازاتتىق ەكىنشى توعانىنا دەيىنگى ەكولوگيالىق توسپادان شارۇسان جىلعاسىنا (باعراش كولى) 80 ميلليون تەكشەمەتر ەكولوگيالىق سۋ جەتكىزىلەدى.

    تاياۋ جىلداردان بەرى، تارىم وزەنى الابىن باسقارۋ مەكەمەسى ورتالىقتىڭ قورشاعان ورتانى قورعاۋ باقىلاۋ - تەكسەرۋدەن اڭىس ەتكەن پىكىرلەرىنە مۇقيات رەتتەۋ - تۇزەتۋ جۇرگىزۋگە ۇشتاستىرىپ، بايىنعولين موڭعۇل اۆتونوميالى وبلىسىمەن جانە بيڭتۋان 2 - شىسىمەن بىرلەسىپ، باعراش كولىنىڭ جاعالاۋىنداعى ونەركاسىپ، قالا - قالاشىق تۇرمىسى جانە اۋىل شارۋاشىلىق قاينارى سياقتى لاستاۋشى زاتتاردى ىعىستىرۋدى ءونىمدى تومەندەتۋدى وزەك ەتە وتىرىپ، بيڭتۋان مەن جەرگىلىكتى ورىن بىرلەسىپ ارەكەتتەنۋ، قاينارىنان باستاپ ساقتانۋ، مەڭگەرۋ، جاراقسىز سۋدى قايتالاي پايدالانۋ، تازا سۋ مەن لاس سۋدى ايىرۋ، لاس زاتتاردى ىعىستىرۋ اۋزىن تىزگىندەۋ سياقتى شارالاردى قولدانىپ، باعراش كولىنىڭ سۋ قاينارىن باسقارۋدى، سۋدىڭ لاستانۋىنىڭ الدىن الۋدى، وڭاۋدى جانە سۋ ەكولوگياسىن قالپىنا كەلتىرۋدى جۇيەلى ىلگەرىلەتىپ، باعراش كولىنىڭ سۋ ورتاسى ساپاسىن جاقسارتتى.

    شارۇسان جىلعاسى قايدۋ وزەنى الابىنداعى كوپتەگەن شاعىن وزەن اعارلارىنىڭ ىشىندەگى ەڭ نەگىزگى تارماق اعىس، سونداي - اق باعراش كولىنە قۇياتىن ەكىنشى ۇلكەن قاينار. تاياۋ جىلداردان بەرى، تارىم وزەنى الابىن باسقارۋ مەكەمەسى جەرگىلىكتى ۇكىمەتتىڭ شارۇسان جىلعاسىنىڭ باعراش كولىنە قۇيار ارناسىن اشۋىنا بەلسەنە سايكەسىپ، وزدەرى قارجى قۇراۋ ارقىلى ازاتتىق ەكىنشى توعانىنىڭ ەكولوگيالىق توسپاسىن، شارۋسۋ تاسقىن بولگىش توسپاسىن جاڭالاۋ، وزگەرتىپ سالۋ سياقتى ينجەنەريالاردى جۇرگىزىپ، قايدۋ وزەنىنىڭ شارۇسان جىلعاسى ارقىلى باعراش كولىنە ەكولوگيالىق سۋ باستاۋعا شارت - جاعداي ازىرلەدى. 2018 - جىلى 8 - ايدان باستاپ تارىم وزەنى الابىن باسقارۋ مەكەمەسى قايدۋ وزەنىنەن ازاتتىق ەكىنشى توعانىنىڭ ەكولوگيالىق توسپاسى ارقىلى شارۇسان جىلعاسىنا جانە باعراش كولىنە ەكولوگيالىق سۋ باستاۋدى ۇزدىكسىز جۇرگىزىپ، جيىنى 339 ميلليون تەكشەمەتر سۋ باستاپ، شارۇسان جىلعاسىندا 10 نەشە جىل سۋ تارتىلىپ قالۋ تاريحىن اياقتاتىپ، شارۇسان جىلعاسى مەن باعراش كولى سۋ جۇيەسىنىڭ جالعاسۋىن قايتا قالپىنا كەلتىرىپ، باعراش كولىنىڭ باتىس سولتۇستىك مۇيىسىندە تاعى ءبىر سۋ اينالىمى الابىن قالىپتاستىرىپ، باعراش كولىنىڭ سۋ ساپاسىن بەلگىلى دارەجەدە جاقسارتتى.

    بۇرىنعى جىلدارعا ۇقسامايتىنى قازىر كوكتەمگى سۋارۋعا سۋ پايدالانۋ قىزمەتىنىڭ قاۋىرت كەزى، سۋ باستاۋ قىزمەتىنىڭ سالماعى اۋىر. تارىم وزەنى الابىن باسقارۋ مەكەمەسى سۋ رايىنا عىلمي تالداۋ جاساپ، ەگىن شارۋاشىلىعىنىڭ سۋارۋ جۇمىسىن جاقسى ىستەۋمەن بىرگە، سۋ قاينارىن ۇيلەسىمدى ورنالاستىرىپ، قالعان سۋ مولشەرىن شارۇسان جىلعاسى ارقىلى باعراش كولىنە تولىق جەتكىزىپ، باعراش كولىنىڭ سۋ الابى اينالىمى اۋماعىن مولايتادى.

جاۋاپتى رەداكتور: جازيرا بولاتباي قىزى