شينجياڭنىڭ ”جەرگىلىكتى“، ”اۋەلگى“ اۋىل شارۋاشىلىعى ونىمدەرىنىڭ ءوتىمى كۇسەت

  • كەلۋ قاينارى: شينجياڭ گازەتى تورابى
  • 09:08:22 16/04/2020

    ايگىلى، ساپالى، ەرەكشە اۋىل شارۋاشىلىعى ونىمدەرىنىڭ ”وندىرىلگەن ورىن قامباسىن“ قالىپتاستىردى

    

    گازەتىمىزدىڭ جالپىلىق اقپارات قۇرالدارى ءتىلشىسى گى يوۋجۇن، سانجى تىلشىلەر پۋنكتىنەن ليۋ چيان 4 - ايدىڭ 14 - كۇنى سانجىدان حابارلايدى. ”قولىمداعى ناعىز شونجى ۇنى. قاراڭىزشى، مىناۋ تازا قارا ءبيدايدىڭ ۇنى...“ 4 - ايدىڭ 13 - كۇنى تۇستەن بۇرىن شونجى اۋدانى بانجيەگوۋ قالاشىعى ياۋجانزى قىستاعى فىڭيۇي اۋىل شارۋاشىلىعىنا قىزمەت وتەۋ كاسىپتىك سەلبەستىك كووپەراتيۆىنىڭ ەرەكشە اۋىل شارۋاشىلىعى ونىمدەرى كورمە زالىندا ينتەرنەتتىك جۇرگىزۋشى جەرگىلىكتى ورىننىڭ ايگىلى، ساپالى، ەرەكشە اۋىل شارۋاشىلىعى ونىمدەرىنە تىكە تاراتۋ جۇرگىزىپ تۇر.

    ”سەلبەستىك كووپەراتيۆى قۇرىلعان 11 جىلدان بەرى، 120 مىڭ مۋ جەردىڭ تيجارات ۇقىعىن اينالىمعا سالىپ، ەرەكشە، باسىمدىققا يە كاسىپ سالاسىن دامىتۋعا پايدالاندى، ۇن، ماي ماتەريالى، ءشي كەسپە جانە قارا استىق سىندى 4 ۇلكەن تۇردەگى 40 تۇردەن استام ’ياۋجانزى ماركالى‘ جاسىل ورگانيكالى ونىمدەردى وڭدەدى، ءوندىردى“. ياۋجانزى قىستاعى پارتيا باس ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى، قوسىمشا سەلبەستىك كووپەراتيۆىنىڭ القا باستىعى تاڭ پەيكى تانىستىرىپ بىلاي دەدى: 2019 - جىلى سەلبەستىك كووپەراتيۆتىڭ 335 كووپەراتيۆ مۇشەسى 4 ميلليون 320 مىڭ يۋان پايدا ءبولىستى. سەلبەستىك كووپەراتيۆى قۇرىلعاننان بەرى، قىستاق تۇرعىندارى جيىنى 15 ميلليون يۋان پايدا ءبولىسىپ، وتباسى سايىن ورتا ەسەپپەن 42 مىڭ يۋان، ادام باسىنا ورتا ەسەپپەن 12 مىڭ يۋان الدى.

    شونجى اۋدانى ”مەملەكەتتىك ساپالى ءبيداي مەكەنى“، جىلىنا ءبىر ميلليون مۋداي جەرگە ءبيداي ەگەدى. 2011 - جىلى ”شونجى ۇنى“ اۋىل شارۋاشىلىعى مينيسترلىگىنىڭ اۋىل شارۋاشىلىعى ونىمدەرىنىڭ جاعراپيالىق بەلگىسىن تىركەۋگە الىپ قورعاۋىنا يە بولدى. 2019 - جىلى ”مەرەكەلىك زات ساتىپ الۋ مەرەكەسىنىڭ“ 4 كۇنىندە - اق شونجى اۋدانىنىڭ اۋىل شارۋاشىلىعى ەرەكشە ونىمدەرى ەلەكتروندى ساۋدا باستاما دۇكەنى 5000نان استام زاكاز ساتتى. ايگىلى ماركانىڭ جەتەكتەۋىندە 2019 - جىلى شونجى اۋدانىنىڭ ۇنى ينتەرنەتتە ءبىر ميلليون 500 مىڭ كيلوگرامنىڭ ۇستىندە ساتىلىپ، اۋدان وڭىرىندەگى كاسىپورىنداردىڭ جەلىدەگى ساتىلىمى 50 ميلليون يۋاننان، جەلىدەن تىس ساتىلىمى 150 ميلليون يۋاننان استى.

    سوڭعى جىلدارى رايونىمىز ايگىلى ماركا ارقىلى اۋىل شارۋاشىلىعىن قۋاتتاندىرۋعا تاباندى بولىپ، جاسىل، ساپالى اۋىل شارۋاشىلىعىن دامىتۋدى جانە اۋىل شارۋاشىلىعى ونىمدەرى ايگىلى ماركا قۇرىلىسىن جەدەل ىلگەرىلەتىپ، ءبىر توپ ايگىلى، ساپالى، ەرەكشە ”جەرگىلىكتى“، ”اۋەلگى“ اۋىل شارۋاشىلىعى ونىمدەرىنىڭ ايگىلى ماركا اتاعىن اسىردى. 2019 - جىلعا جەتكەندە بۇكىل رايونداعى اۋىل شارۋاشىلىعىنىڭ جەرگىلىكتى ولشەمى 574 تۇرگە جەتىپ، ”3 ساپا، ءبىر بەلگى“ اۋىل شارۋاشىلىعى ونىمىنەن 2065كە يە بولىپ، شينجياڭنىڭ اۋىل شارۋاشىلىعى ايگىلى ماركا ءونىمى 159عا جەتتى.

جاۋاپتى رەداكتور: جازيرا بولاتباي قىزى