رايونىمىز ءبىر ميلليون مۋلىق جەمىس ورمانىنىڭ ساپاسىن ءوسىرۋ، ونىمدىلىگىن جوعارىلاتۋدان ۇلگى كورسەتۋ باقشاسى قۇرىلىسىن ۇزدىكسىز مىقتى يگەرەدى

  • كەلۋ قاينارى: شينجياڭ گازەتى تورابى
  • 09:09:51 16/04/2020

    گازەتىمىزدىڭ جالپىلىق اقپارات قۇرالدارى ءتىلشىسى حى حۇڭۋي 4 - ايدىڭ 14 - كۇنى ۇرىمجىدەن حابارلايدى. اۆتونوميالى رايوندىق ورمان شارۋاشىلىعى جانە جايلىم مەكەمەسىنەن ۇعىسۋىمىزشا، ەرەكشە جەمىس ورمانى ونىمدەرىنىڭ ساپاسىن اناعۇرلىم جوعارىلاتىپ، شينجياڭ جەمىس ورمانىنىڭ ”ايگىلى ماركاسىن“ قالىپتاستىرۋ ءۇشىن، بيىل رايونىمىز سانى 4700دەن، اۋماعى ءبىر ميلليون مۋدان اساتىن ءتۇرلى دارەجەدەگى جەمىس ورمانىنىڭ ساپاسىن ءوسىرۋ، ونىمدىلىگىن جوعارىلاتۋدان ۇلگى كورسەتۋ باقشاسى قۇرىلىسىن ۇزدىكسىز مىقتى يگەرەدى.

    جەمىس ورمانى عىلىم - تەحنيكالىق ۇلگى كورسەتۋ باقشاسى قۇرىلىسىنىڭ تالابىنا ساي، جەمىس ورمانى وسىرىلەتىن نەگىزگى وڭىرلەردە ايماق دارەجەلى باسشىلار باستاماشىلدىقپەن قۇرعان جەمىس ورمانى عىلىم - تەحنيكالىق ۇلگى كورسەتۋ باقشاسى 5تەن كەم بولماۋى، ءاربىر ۇلگى كورسەتۋ باقشاسىنىڭ اۋماعى 500 مۋدان كەم بولماۋى؛ اۋدان دارەجەلى باسشىلار باستاماشىلدىقپەن قۇرعان ۇلگى كورسەتۋ باقشاسى 6دان كەم بولماۋى، ءاربىر ۇلگى كورسەتۋ باقشاسىنىڭ اۋماعى 300 مۋدان كەم بولماۋى؛ ءارقايسى اۋىل - قالاشىق، از دەگەندە، 8 عىلىم - تەحنيكالىق ۇلگى كورسەتۋ باقشاسىن قۇرۋى، ءاربىر ۇلگى كورسەتۋ باقشاسىنىڭ اۋماعى 200 مۋدان كەم بولماۋى شارت. ءار دارەجەلى ورمان شارۋاشىلىق تاراۋلارى جەمىس ورمانى عىلىم - تەحنيكالىق ۇلگى كورسەتۋ باقشا قۇرىلىسىن ماڭىزدى كەڭەستىك كۇن تارتىپكە ەنگىزىپ، جاۋاپتى تۇلعالاردى تۇراقتاندىرىپ، ءتۇرلى قىزمەتتەردىڭ ءتارتىپتى ورىستەتىلۋىن كۇش سالا ىلگەرىلەتەدى.

    جوعارى ساپالى بولۋ، كوشىرىپ پايدالانۋعا، جالپىلاستىرۋعا ءتيىمدى بولۋ پرينسيبىنە ساي، جەمىس ورمانىنىڭ ساپاسىن ءوسىرىپ، ونىمدىلىگىن جوعارىلاتۋدان ۇلگى كورسەتۋ باقشا قۇرىلىسى باسشى كادرلار، تەحنيكالىق قىزمەتكەرلەر، ۇلگى كورسەتەتىن وتباسى ”ءۇش ءبىر تۇلعالانعان“ باسقارۋ مەحانيزمىن اقاۋسىزداندىرىپ، ”سۋ، تىڭايتقىش ءبىر تۇلعالاندىرىلعان“ جەتىلدىرۋ - باپتاۋ فورماسىنا ساي، باقشانىڭ جەرىن تەگىستەۋ، سيرەكتىگى مەن تىعىزدىعىن وزگەرتۋ، شىرپۋ، سورتىن بىرلىككە كەلتىرۋ، سايكەستى تىڭايتقىش بەرۋ، قاجەتكە قاراي سۋمەن قامداۋ، ماشينالاسقان ءوندىرىس جۇرگىزۋ، دەرت - دەربەزدەن ساقتانۋ جانە ونى جويۋ، ۇيلەسىمدى مەزگىلدە جيىپ الۋ، دارەجەگە ءبولىپ ءبىر جايلى ەتۋ ”كەشەندى شارالارىن“ ويداعىداي جۇرگىزەدى. ءارقايسى ۇلگى كورسەتۋ باقشا قۇرىلىسىن 3 − 5 جىل جالعاستى مىقتى يگەرىپ، ۇلگى كورسەتۋ باقشاسىن ۇيرەنۋدىڭ ”ۇلگى اتىزىنا“، باعبانداردىڭ ”اتىز باسىنداعى ساباقحاناسىنا“، ەرەكشە جەمىس ورمانى تەحنيكاسىنا باۋلۋ بازاسىنا، كورۋ، ۇيرەنۋ بازاسىنا جانە جالپىلاستىرۋعا قىزمەت وتەۋ بازاسىنا اينالدىرادى.

    اۆتونوميالى رايوندىق ورمان شارۋاشىلىعى جانە جايلىم مەكەمەسىنىڭ قاتىستى جاۋاپتىسى مىنالاردى ءبىلدىردى: بيىل رايونىمىز تاعى ولشەمدەنگەن ءوندىرىستى جولعا قويىپ، ماشينالاردان پايدالانۋدى جەدەلدەتىپ، سۋ مەن تىڭايتقىش ءبىر تۇلعالاندىرىلعان قامداۋدى جەبەپ، ءبىر قىدىرۋ كونە جەمىس باقشاسىن جاڭالاپ، ءبىر توپ ۇلگى كورسەتۋ باقشاسىن قۇرادى. وڭتۇستىك شينجياڭداعى ەكونوميكالىق جەمىس ورمانىنىڭ دارەجەسىن دالمە - ءدال ءوسىرۋ ينجەنەرياسىن اتقارۋ ارقىلى جاڭعاق، شىلان تىعىز ەگىلگەن، ءتۇسىمى تومەن جەمىس باقشاسىنان 500 مىڭ مۋدى وزگەرتىپ، 12 ءتۇرلى نەگىزگى جەمىس ورمانى اعاشىن ەگۋ، جەتىلدىرۋ، باپتاۋ تەحنيكاسى قولدانباسىن تاراتىپ، 10 مىڭ كەزەك جەمىس ورمانى قولدانىلمالى تەحنيكاسىنا باۋلۋ كۋرسىن وتكىزىپ، ءبىر ميلليون ادام - رەت باۋلىدى. جەمىس ورمانى عىلىم - تەحنيكالىق ۇلگى كورسەتۋ باقشا قۇرىلىسىنا كومەك قاراجات بەرۋ، جەمىس ورمانى ساپاسىن دالمە - ءدال جوعارىلاتۋ نىساندارى سياقتى ساياساتتاردى ۇزدىكسىز اتقارىپ، بازاردى تياناق ەتىپ ساتىپ الۋ، قامسىزداندىرۋ سيلىق - جاردەم قاراجاتىن بەرۋ، شىلان مەرزىمدى ونىمدەرى سياقتى ساياساتتاردى تياناقتاندىرىپ، ويداعىداي پايدالانىپ، وڭتۇستىك شينجياڭداعى ابزال، ەرەكشە اۋىل شارۋاشىلىعى ونىمدەرىن قامسىزداندىرۋ بويىنشا سيلىق - جاردەم قاراجاتىن بەرۋ سىناق ءتۇيىنىنىڭ جانە جەمىس - جيدەك مەرزىمدى ونىمدەرىنىڭ قامتىمىن كەڭەيتىپ، شىلان، جاڭعاق، ورىك، بادام، الما جانە ءجۇزىم سياقتى نەگىز ەتىپ ەگىلەتىن 6 جەمىس سورتىن قامسىزداندىرۋعا الۋ اياسىن كەڭەيتەدى.

جاۋاپتى رەداكتور: جازيرا بولاتباي قىزى