رايونىمىز كوپ ءتۇرلى شارا قولدانىپ جۇمىستى، ءوندىرىستى قالپىنا كەلتىرۋدىڭ ”حاۋىپسىزدىك تەتىگىن“ كۇشەيتتى

  • كەلۋ قاينارى: شينجياڭ گازەتى تورابى
  • 09:10:52 16/04/2020

    گازەتىمىزدىڭ جالپىلىق اقپارات قۇرالدارى ءتىلشىسى ياڭ شۋحان 4 - ايدىڭ 14 - كۇنى ۇرىمجىدەن حابارلايدى. ”قالدىق كەن قويماسىنىڭ تومەنگى جەلىسىندەگى توسپادان سۋ اعىپ تۇر، ءسوزسىز، دەر كەزىندە جوندەپ، حاۋىپسىزدىك قاتەرىن جويۋ كەرەك!“. 4 - ايدىڭ 10 - كۇنى قۇمىل قالاسى يجوۋ رايونى شينجياڭ شيتو كەن ىستەرى شەكتى سەرىكتەستىگى قۇمىل قالاسى حۋاڭتۋپو كەن اۋماعى 1 - ءنومىرلى كەن بولىگىنىڭ مىس، مىرىش كەنىندە اۆتونوميالى رايوندىق ءوندىرىس حاۋىپسىزدىگى بويىنشا زاڭ اتقارۋ، باقىلاۋ باس اترەتىنىڭ زاڭ اتقارۋشىلارى وسى كاسىپورىننىڭ ءوندىرىس حاۋىپسىزدىگىنە تەكسەرۋ جۇرگىزدى.

    ىندەتتەن ساقتانۋ - تىزگىندەۋ كەزىندە، اۆتونوميالى رايوندىق شۇعىل جاعدايعا توتەپ بەرۋ، باسقارۋ مەڭگەرمەسى ءوندىرىس حاۋىپسىزدىگى جەتەكشىسى، شولعىنشىسى، ۇگىتشىسى بولۋعا كۇش سالىپ، حاۋىپسىزدىكتىڭ تومەنگى شەگىن قاتاڭ ساقتاپ، كاسىپورىنداردىڭ جۇمىستى، ءوندىرىستى حاۋىپسىز، تارتىپپەن قالپىنا كەلتىرۋىنە كومەكتەستى.

    اۆتونوميالى رايوندىق شۇعىل جاعدايعا توتەپ بەرۋ، باسقارۋ مەڭگەرمەسى ءوندىرىس حاۋىپسىزدىگى بويىنشا زاڭ اتقارۋ، باقىلاۋ باس اترەتىنىڭ اعا ينجەنەرى مەي دۇڭنىڭ تانىستىرۋىنشا، جۇمىستى، ءوندىرىستى قالپىنا كەلتىرگەننەن بەرى شۇعىل جاعدايعا توتەپ بەرۋ، باسقارۋ مەڭگەرمەسى ىندەتتەن ساقتانۋ - قورعانۋ بۇيىمدارىن وندىرەتىن كاسىپورىندار، كومىر كەنگە جاتپايتىن كەندەر، قاتەرلى حيميالىق بۇيىمدار، ونەركاسىپ - ساۋدا كاسىپورىندارى سياقتىلارعا حاۋىپسىزدىك بويىنشا قىزمەت وتەپ جەتەكشىلىك ەتكەندىكتەن، كاسىپورىنداردىڭ ءوندىرىس حاۋىپسىزدىگى جونىندەگى تۇلعالىق جاۋاپكەرشىلىك تانىمى كورنەكتى كۇشەيىپ، ءوندىرىس ورنىنىڭ حاۋىپسىزدىك شارت - جاعدايى ۇزدىكسىز كەمەلدەنە تۇسكەن.

    3 - ايدان بەرى، شۇعىل جاعدايعا توتەپ بەرۋ، باسقارۋ مەڭگەرمەسى ىندەتتەن ساقتانۋ - تىزگىندەۋ كەزىندە حلورلى قىشقىل ناتري وڭدەلمەگەن سۇيىقتىعىن، زارارسىزداندىرعىش سۋتەگى اسقىن توتىعىن وندىرەتىن كاسىپورىندار جانە ۋاقىتشا ىسكە قوسىلعان ماسكى ءوندىرىس جەلىسى، استىقپەن، مايمەن قامدايتىن كاسىپورىندار سياقتى 18 كاسىپورىنعا ءوندىرىس حاۋىپسىزدىگى بويىنشا قىزمەت وتەپ، جەتەكشىلىك ەتتى. كومىر كەنگە جاتپايتىن كەندەردىڭ جۇمىستى، ءوندىرىستى قالپىنا كەلتىرۋىن جانە تاسقىن مەزگىلىندەگى حاۋىپسىزدىك ساقتانۋى قىزمەتى مەن قالدىق كەن قويماسىنىڭ حاۋىپسىزدىك قاتەرىنەن ساقتانۋ، جويۋ قىزمەتىن ويداعىداي ىستەۋ ءۇشىن، 4 - ايدىڭ 7 - كۇنىنەن 10 - كۇنىنە دەيىن اۆتونوميالى رايوندىق ءوندىرىس حاۋىپسىزدىگى بويىنشا زاڭ اتقارۋ، باقىلاۋ باس اترەتى قۇمىل قالاسى يجوۋ رايونىنداعى كومىر كەنگە جاتپايتىن كەن كاسىپورىندارىنا حاۋىپسىزدىك تەكسەرۋىن جۇرگىزدى.

    اۆتونوميالى رايوندىق شۇعىل جاعدايعا توتەپ بەرۋ، باسقارۋ مەڭگەرمەسى تاعى اۆتونوميالى رايوننىڭ شۇعىل جاعدايعا توتەپ بەرۋ، باسقارۋ جۇيەسىنىڭ ىندەتتەن ساقتانۋ - تىزگىندەۋگە قىزمەت وتەۋىن قامتاماسىز ەتۋ كاسىپورىندارىنىڭ جۇمىستى، ءوندىرىستى حاۋىپسىز قالپىنا كەلتىرۋ قىزمەتىن كۇشەيتۋدەگى 14 تارماقتى شاراسىن، ورتا، شاعىن، ۇساق كاسىپورىنداردىڭ جۇمىستى، ءوندىرىستى قالپىنا كەلتىرۋدەگى حاۋىپسىزدىكتى باسقارۋىن تياناقتاندىرۋداعى 8 ءتۇرلى تالاپتى جاساپ تاراتىپ ءارى حاۋىپ - قاتەردى مەڭگەرۋ قاجەتىنە ساي، 58 ءتۇيىندى كاسىپورىندى تاڭداپ، باقىلاۋ - تەكسەرۋ جۇرگىزدى جانە جەتەكشىلىك ەتىپ كومەكتەستى. جەر - جەردىڭ ءار دارەجەلى شۇعىل جاعدايعا توتەپ بەرۋ، باسقارۋ تاراۋلارى وڭىرگە، سالاعا، ۋاقىت كەزەڭىنە بولۋگە تاباندى بولىپ، ءبىر جاعىنان، ىندەتتەن ساقتانۋ - تىزگىندەۋدى يگەرىپ، ەندى ءبىر جاعىنان، ءوندىرىس حاۋىپسىزدىگى تۇلعالىق جاۋاپكەرشىلىگىن تياناقتاندىرۋدى يگەردى. قازىرگە دەيىن، بۇكىل رايوندا جيىنى 512 قاتەرلى حيميالىق بۇيىمدار كاسىپورنى، 239 كومىر كەنگە جاتپايتىن كەن كاسىپورنى جۇمىستى، ءوندىرىستى قالپىنا كەلتىرىپ، كولەمدەنگەن ونەركاسىپ كاسىپورىندارى جۇمىستى، ءوندىرىستى %100 قالپىنا كەلتىردى.

جاۋاپتى رەداكتور: جازيرا بولاتباي قىزى